港大七不思議食女事件: 50. 麥可

50. 麥可
 
接過支票嘅，係麥可，並唔係陳納邦。
 
我不厭其煩強調，世事往往由無數巧合拼湊而成。當日於灣仔百佳，我浪子自尊心作祟，不認納邦宿娼，化名「麥可」幫襯牧子。北角城市花園大宅，喺我接過支票嘅一剎，化成紐約嘅Little Italy。羅太遭「教父」馬龍白蘭度靈魂附體，Give me an offer I cannot refuse。
 
電影教父入面，阿爾柏仙奴所飾嘅「麥可」，長兄遇弒、次兄無能，嬌妻遭炸死，被逼從西西里島嘅美麗傳說夢醒，墮入紐約街頭情仇，挑起家族大樑。憶起屋企嘅困窘，港大麥可接過英皇道教父嘅支票，銀碼閃閃生輝，耀眼得令麥可睇唔到葡國魂嘅傳說，風雨相隨嘅牧子。
 
「嗱，咁就乖喇，你以後入咗我門，生第一個仔，要跟我姓，等佢死鬼老豆有後。至於你之後再生唔生仔，就由得你話事喇。我見你都幾正經，有你照顧阿予，我都安心喇，今晚你唔趕嘅，就喺到訓啦。」羅太見我將支票收入銀包，呼一口氣，好似了結咗件心事。
 


「好啦，我唔阻你休息，我返去搵阿予先。」飯已食，錢已袋，女已砌，食唔晒仲要打包行街，但我內心卻無比空虛，諗起牧子，真係唔知點收科，奇遇往往發生喺我身上。
 
「不過，如果你反口嘅話，你要記得今日發生過嘅事，我一定唔放過你。」羅太說話之際，眼神陰毒，叫我不敢直視。
 
我支票袋袋平安，含糊過去，到阿予間房，見到佢陰西神力尚未散去，仲軟癱喺床上。我思緒打結，只求擁抱，不求色慾，關上門，一嘢就跳上床，攬住咗阿予。
 
我借來嘅熱情驚醒咗阿予，令佢悠悠醒轉。一張眼見到周慕雲，阿予攬住我手臂，笑笑口咁講：「你去咗邊呀？啱啱你搞到人地好舒服，我成年冇試過喇。」
 
「你高興就好。」阿予環抱我嘅頸項，幽香無比、溫柔萬狀，小眼睛浸滿借來嘅幸福，佢可憐身世，不穩精神，令我憶起痴線嘅Larcos，同埋當日喺冰室吊扇嘅轉呀轉，佢將加料雞翼米遞畀我，中環渡輪遭我一嘢轟落去，我心中立時鳩硬心軟，忍唔住錫咗佢額頭一啖。
 


城市花園一役之前，我以為男人心好似披薩一樣，日削月割，只能同時分畀唔同女人，使得佢地分得其中幾分之幾。經此一役，我先發覺，浪子心非凡品，可以對每個女人都投入相等份量嘅感情，令佢地人人都有完整嘅披薩。
 
「應承我好唔好，無論如何點，你都唔好離開我好唔好？我好唔鍾意講再見，上年我阿爸粒聲唔出就走咗，我真係好掛住佢。」阿予將我摟得越嚟越緊。
 
「唔緊要啦，你阿媽咁錫你，佢一定會好好照顧你。」我掃一掃阿予嘅頭髮，語帶雙關咁安慰佢。一講起佢老母，阿予神情極哀傷：「我阿媽都唔知挨得幾耐，佢有Cancer，喺到死頂咋。我知我遲早都要同佢講再見，但係未免早咗少少。嗰啲呃我嘅人唔死，錫我嘅人就全部咁短命。Marvin，你唔好呃我，唔好離開我好唔好，我真係好鍾意你，唔想同你講再見。」
 
阿予忽然講起死，我怕當年Wilson所講嘅「太過風流，遲早出事」一語成讖。
 
阿予用手指掃我嘅眼睫毛，滿臉幸福咁講：「你啲眼睫毛好長，好似我嗲哋。我細個嗰陣，成日數佢啲眼睫毛，嗲哋話，一旦數完，佢就會歸西，點知原來係真架。
 


「Marvin，我唔會數你啲眼睫毛架，放心啦。」阿予講起佢老豆，情緒又開始激動：「細個嗰陣，嗲哋生意唔好，搞到我成日搬屋轉校，經歷無數離別。但係今次，你可唔可以唔好同我講拜拜？」歡樂趣，離別苦，就中更有痴兒女。阿予眼神痴心得叫人慚愧，令我呢個採花嘅浪子，心中一陣悲涼，為呢個荒謬家庭，為可憐嘅母女，增添了許多歲月。
 
鴻門夜宴之時，我以為呢個不過係尋常AV情節，母女3P笑呵呵，淫人妻女又如何，豈料人生無常，生命短促，令羅太不得不手段百出，急急託孤於我呢個輕浮浪子。望住阿予嬌美嘅臉龐，我柔情漸生，陰西神功暗運上腦，一嘢就轟落去，喺城市花園大球場，踢埋下半場。
 
我錫吓錫吓，將佢嘅熱褲褪下，拎劍轟隆佢，阿予嘅龍門，緊緊包住玄鐵重劍，我一路砌，一時諗起牧子，一時諗起阿予，一時諗起老母，一時諗起細佬，百般滋味在心頭，轟到最精妙處，我再忍唔住派彩，射出嘅唔係精液，係一篤濃濃嘅感情。
 
阿予用紙巾抹去撒喺佢身上嘅子孫，令紙巾一片泛黃。泛黃嘅子孫，唔係熱氣，喺才氣縱橫嘅大文豪眼中，反倒象徵與牧子未知會否凋謝嘅感情。阿予將濕膩紙巾，緩緩放落垃圾桶，紙巾喺半空徐徐飄落，一片腥臭，連同情感埋葬於桶，像林黛玉葬花。
 
驀地，檯上電話響起，螢幕顯示牧子與我親蜜合照，阿予一臉茫然、兩眼通紅，電話作響不停，我強裝冷靜，一手與阿予十指緊扣，一手接聽牧子來電，用三寸不爛之舌，逆轉屌感情雙飛死局。