港大七不思議食女事件: 44. 說謊

44. 說謊
 
阿予雙唇豐滿迷人，粉頸肌膚滑膩，擒喺我重劍之上，做隔世潘金蓮，同我呢個風流輕俊子賈寶玉Crossover西門慶，顛鸞倒鳳，惡鬥幾場。
 
「等陣，等我開啲音樂先……」阿予擰轉身，打開Macbook Air，播起王菲嘅《夢中人》起嚟。
 
「嗰日喺百佳飲醉酒，你咁乖冇搞我，好啦，不如我地重頭嚟過……」阿予雙眼同我雙眼相距咫尺，嘟起咀唇，彌漫少女香味，我雙手開始不規矩，放咗喺佢幼滑大脾之上。
 
寂寞空房之內，阿予又將雙唇挪移咗一毫米，欲向我襲擊，做我嘅造夢者，為我造一個挑燈嚐嫩鮑嘅私樓春夢，做一晚城市花園大宅嘅駙馬爺。
 




哪怕只係一晚都好。
 
驀地，Iphone聲響，春夢倏盡。《夢中人》鈴聲，反倒驚醒夢外嘅才子佳人，箇中荒謬處，堪比莊周夢蝶，而呢個形上學嘅問題，因為我只係補Ielts非哲學，因此我唔打算解釋畀阿予知。
 
「喂，Marvin，你係邊呀？我整咗朱古力畀你食，聽日見吖好唔好？」聽筒嘅另一端，傳來牧子溫柔嘅聲音。身為食女無數嘅浪子，天才橫溢嘅大小說家，我當然波瀾不驚：「我幫細路女補緊習呀，遲啲搵你吖。」
 
「哦，咁好啦。」牧子聽完我把聲，喜孜孜咁就收線。
 
阿予摟住我，不經意咁問我，究竟係邊打嚟。我係小說家，講大話最在行。我隨口敷衍，話係老母打畀我，將我有女朋友嘅殘酷事實隱瞞過去。
 




「好啦，我地又由頭嚟過……」阿予閉上眼睛，待我一嘢轟落去。
 
不如我地由頭嚟過……
 
不如我地由頭嚟過……
 
不如我地由頭嚟過……
 
除咗諗起嚟耀輝同何寶榮，阿予呢句巧合嘅對白，好似穿心釘咁，狠狠轟咗我良心幾吓，令我諗起當日驗完梅毒，喺油麻地對牧子講過，一番蕩氣迥腸嘅說話。
 




我好似擺脫唔到你……
 
我好似擺脫唔到你……
我好似擺脫唔到你……
 
我一直都以為，小說入面，阿邦對住阿杼，口口聲聲嘅「我愛你」，係由我雙手打出嚟，係屌感情嘅果實。然而，經過阿予今晚嘅引誘，我先知道每一句「我愛你」，統統都係用我碌鳩打出嚟。面對撒旦製造嘅金錢同狐狸精，我係軟弱嘅伯多祿，三次不認女友，所謂「屌感情」，都不及屌新洞嘅誘惑。
 
「唔係咁好嘅……不如你落番嚟先，我同你練Oral啦今日。」短短半秒，我參透咗人生，推番阿予落嚟，要佢正正經經咁練Oral。
 
「點解你對我一啲興趣都冇？我真係咁差咩？」阿予咬著唇，一臉不忿。
 
我抵住誘惑，勉強幫阿予補埋堂英文，未等佢老母跑完馬拉松，急急腳就走，免得順手屌埋佢老母。走嘅時候，我喺英皇道，拎住得來不易嘅幾舊水，風雨雖冷，但我內心卻熾熱無比，仿佛我為牧子，做咗一件極好嘅小事。
 
但係，返到屋企，我由一個地獄，去到第二個地獄。
 




Larcos剪咗自己包皮後，就無返過學，日日喺開住電腦，係屋企玩「逆轉裁判」[1]，沉醉喺遊戲世界嘅法庭爭辯，以為自己係大狀主角成步堂龍一。
 
「細佬，你而家好返啲，有冇諗過返番學呀？」我見佢時而清醒，時而失常，竟然慰問起佢上嚟。
 
「異議あり[2]！返學係冇用嘅，教授日日上堂對住筆記照讀，我不如喺屋企打吓機，上吓維基唔好？」Larcos對住個Mon，正眼都冇望過我一眼。
                    
「你又話要做律師？」
 
「律師呢條路，我Year2嗰陣已經塵埃落定，你識條春咩。做人最緊要，就係將思維逆轉過嚟，咁問題就迎刃而解喇！」Larcos對答如流，但我聽得一頭霧水。
 
我同Larcos討論前途之際，老母便秘完，喺廁所走番出嚟，見到我，大驚，講咗句：「唔好煩住細佬打官司先！邦邦，入嚟廚房，阿媽有嘢同你講！」語罷，老母就拉我入廚房，掩埋門，喺我耳邊，講咗呢個荒謬家庭嘅驚天逆轉畀我聽，嚇撚到將成舊隔夜燒肉，一嘢跌咗落地。
 
 
 
 




 
  [1]逆轉裁判：由Capcom製造的Game Boy法庭遊戲。[2]異議あり：日文「反對」，乃遊戲「逆轉裁判」主角成步堂龍一之口頭禪。