港大七不思議食女事件: 33. 宿醉

33. 宿醉
 
正所謂酒醉三分醒，但而家飲多兩杯，阿予就被我輕易帶去爆房。究其原因，係因為佢人盡可夫，定係想報復前男友不忠，抑或真係鍾意我，我真係唔明白，亦唔理得咁多。我又唔想負責任，又想佢喜歡我，又想砌佢，一時三刻，內心矛盾，比龜頭充斥嘅血還要多。
 
常人睇小說往往要求代入感。中五暑假，我喺圖書館兼職，載滿廉價愛情小說嘅書車一推出，就會好似啱啱出爐嘅點心車一樣，遭食客團團圍住，被中女搶購一空，祭食客五臟六腑，伴中女夜來幽夢。我自命風流，到處留情，食盡中菲韓，睇《神雕俠侶》，以為自己係飛揚跳脫嘅楊過；但我而家坐喺床邊，面對不能動彈嘅阿予，纖腰輕摟，情思欲動，內心嘅軟弱，同玄鐵重劍嘅堅硬恰恰相反。醜陋嘅現實話我知，我只不過係假道學嘅尹志平。
 
所以，我決定拎部電話，構思小說情節，分散注意力，正是：關公下棋療右臂，Marvin著書抵淫邪。
 
(阿杼同阿邦去咗飲酒，然後阿邦乘人之危，帶咗酩酊大醉嘅阿杼去爆房。阿邦係好人，喺最危急嘅時候，著番條褲。阿杼爛醉如泥，不斷嘔吐。)
 


(於是，阿邦叫百佳嘅阿姐入嚟執房。阿姐係老夫少妻新移民，芳心寂寞，年輕守寡，見到俊俏嘅阿邦，竟然好似盤絲洞嘅蜘蛛精，一見唐僧，難忘醉人，引咗阿邦去百佳入面嘅員工房，做起愛上嚟。)
 
(啪啪啪，啪啪啪。阿邦年少氣盛，抵唔住誘惑，屌咗個冇手尾跟嘅阿姐。)
 
(嘩眾取寵？理得你。但係呢一部份實呃到好多Like。情節越曲折離奇，就越多人睇，一於咁話，就寫個世界級嘅甜故。)
               
我坐喺阿予隔離，寫吓寫吓，見到佢半截小蠻腰，忍唔住伸手就摸。我初時極為膽怯，但酒精上湧，雙手漸漸放肆，不斷喺佢腰間游走。大醉嘅阿予橫波低垂，雙眼無意識望住我，竟然捉住咗我褲頭，隔住牛仔褲揉搓我嘅要害。我感覺到自己玄鐵重劍遇熱膨脹，不得不鬆開皮帶。
 
驀地，阿予好似電影驅魔人一樣，坐咗起身，不斷鳩叫，口裡喃喃一種我不曾聽過嘅語言。曾經有一刻，我以為百佳張床，會好似電影入面一樣，升上天花板，或者阿予個頭會一百八十度擰過嚟，望住我笑。好彩，呢兩件咁不可思議嘅事都冇發生。
 


阿予捉住我個頭，用佢無辜嘅眼神望住我講：「施立毅，我真係好鍾意你。點解你要咁對我？」佢一嘢轟落嚟。阿予越用佢咀角武功馴服我，我就越乜柒都唔知道，只知玄鐵重劍被陰西磁場吸引，就快忍唔住出鞘。
 
玄鐵劍控制大腦，屌感情、屌肉體、楊過、尹志平，殊途同歸，都要屌西。
 
阿予只顧索吻，施展起同歸劍法，只攻不守，腳腳七注，全然不知我內心掙扎。
 
阿予喺呢一分鐘，舌頭轉動咗大約一百次，而我部電話，起碼喺我褲袋震動咗超過十次。萬梓良曾經講過，阻人地扑嘢，死咗會被人燒春袋。我鳩硬似鐵，好奇心驅使，不由自主睇吓邊個係咁打嚟，要受阿鼻地獄之苦。
 
一個不存在我電話簿內嘅號碼。
 


「喂，而家幾多點呀，仲打嚟。」我一嘢轟落去，屌柒呢個午夜凶鈴。
 
「Marvin，係我。」電話另一邊，傳來似曾相識嘅女聲。
 
「即係邊個呀？我做緊正經事，冇心機估你係乜水，講就講，唔講就收線。」
 
如果呢個係一把男聲，我一定會好似平時收到「猜猜我是誰」嘅強國騙子電話一樣，一嘢就cut佢線。勢估唔到，呢個微小嘅決定，竟然係故事嘅轉捩點。