港大七不思議食女事件: 32. 過去

32. 過去
 
月圓之下，渡輪之上，清風徐來，水波不興。
 
「你因咩事同條仔分手？」
 
「我尋日去條仔屋企，佢搞完嘢沖涼，我咪去玩佢部電腦囉。佢Facebook唔記得登出，搞到我都唔知玩緊佢Account。玩玩吓，有條MK妹彈咗出嚟，話：『好掛住老公豬』。」
 
「跟住呢？」
 


「我等佢出嚟，指住個Mon，喊住問佢呢啲係咩嘢嚟。佢話，同呢條女玩吓，唔係認真，最愛個個始終係我。」
 
「可能佢講得啱，如果唔係，一早飛咗你，等佢坐正。」
 
「耶，你痴線架，你同賤男人講埋啲嘢一樣嘅。我都知道喺Club識，冇好嘢架喇。」
 
「跟手又點？」
 
「我問佢，呢半年入面，試過幾多次偷食。賤佬喊住咁話，唔計呢個，仲有兩個。」
 


「屌，你條仔咁撚蠢嘅，如果係我，我一定唔認。我細佬讀Law，成日話one is Innocent until proven guilty[1]，又話咩要prove beyond reasonable doubt[2]，好煩架佢。」
 
「我嗰陣真係好心痛，好似要裂出嚟咁。一個口口聲聲話愛我嘅男人，竟可以對我咁樣做。」
 
「你條仔砌你砌得悶，咪想屌新洞囉。男人嘅嘢，你唔明架喇。」
 
「咁即係點呀，學你話齋，屌感情，定屌西呀？」
 
「屌完感情，總有一日想屌西架，咁而家屌你屌到悶，咪搵第二個囉，你明唔明男人諗咩嘢呀？好似打邊爐咁，你食清湯食得多，都想食吓隔離沙嗲啦。嘩，等陣，呢段好精警，等我用電話記低，用嚟做我本小說嘅對白。」
 


「Marvin，你真係好搞笑。你拍過幾多次拖？」
 
「大學嘅話，女就食過幾條，拍拖呢，唉，我都唔識計。來得快，去得快，唔小心傷害過一啲人，一啲人又傷害過我。你呢？未識我之前，你係一個點嘅人？」
 
「其實我今年考完DSE，想做一年嘢玩吓，下年再去澳洲讀書。我貪玩囉，好勝囉，之前拍過幾次拖，雖然我姣，但係我好專一，對男朋友好好架，哈哈。我唔想再信男人，我冇辦法認真再去愛人。」
 
「你呢個屌西，唔屌感情嘅小淫娃。」
                                                          
「耶，你好衰架，咁話人。你對上一次拍拖係幾時？我前日。」
 
「上個月，佢同你髮型同埋小動作都差唔多，但係佢白淨啲，同埋隻眼大啲。見到你，我就成日諗起佢。」
 
「我隻眼細細，單眼皮，淫蕩眼，先夠姣同多人鍾意。唔信，我哄埋啲，畀你睇吓，睇吓……哈哈」
 
「你哄咁埋，我驚我把持唔住，一嘢轟落去喎。」


 
「一嘢轟落去？」
 
於是，我一嘢怒轟佢嘅虎牙，渡輪引擎轟隆在轉，濕瀝的情感跳進海裡去，打碎了水中的月亮。
 
「不如，我地搵個靜啲嘅地方傾吓計？」阿予摟住我條頸，不作聲。我同佢嘅瞳仁，只有大概半隻雞翼尖嘅距離。
 
十二個雞翼米嘅日與夜，就令我同眼前呢個女仔，主動提出同我去爆房。我望住阿予嘅小眼睛，除咗佢初熟嘅肉體之外，驚覺一切都好陌生。我實在唔知道，究竟我係屌感情、屌肉體，定係屌緊自己強烈好勝心，就好似屌組媽Carol一樣。
 
「嗱，淨係傾計咋，我貪玩，但係我唔係咁隨便。你會唔會對我認真？」
 
「唔會，我只係想拍散拖，做散愛，取吓材，做愛情游擊炮兵。責任呢兩個字對我嚟講，太湮遠。但係，我真係幾鍾意你。」
 
「好啦，同你一齊，開心就好。」阿予語帶失望，然後給了我一個最甜蜜的吻。
 


今夜星光燦爛，陸客如蝗，我拖住阿予落船，離開尖沙咀碼頭，搭上欲望十一號街車，疾馳往金巴利道百佳主場。
 
一行到去金巴利道，正當我諗住直駛去百佳，阿予竟然拉咗我去諾士佛台嘅酒吧，兩個故事，一個開端。
 
「你一坐低到而家，拎個電話出嚟掃掃掃冇停過，你係咪好唔鍾意我呀陳納邦？」阿予酒量極淺，飲大兩杯已經唔係好得。
 
一坐喺呢間酒吧，不安感覺油然而生。大學時候，我最驚Presentation，每次present，我都要好似渣住救命草咁，要渣住枝筆，先至講到嘢。今手中無筆，唯有將電話不斷解鎖，分散注意力。
 
「唔係，但可唔可以唔好叫我全名。無論叫我全名，或想彈The Scientist畀我聽，都會遭逢不幸。鍾意嘅話，你可以叫我做邦邦、Marvin或者賈子。」
 
「Kai子？咩嚟架，邊個改架？」阿予又隊咗一杯Mojito。
 
「唔好問啦，呢一秒過咗去就係過咗，你同我都返唔到轉頭。」
 
「屌，問你又唔講，又喺到講佛偈，吔屎啦你！」跟手，醉到戇鳩鳩嘅阿予，一杯酒潑埋嚟，淋濕咗我阿媽送畀我嘅黑皮褸，仲行過嚟，係咁用指甲抓我。


 
「賤男人，呃鳩我，仆街！」阿予好似楊太咁歇斯底里，平時最肉疼衫褲嘅我，竟然無絲毫怪佢，眾目睽睽之下，攬實佢。
 
「施立毅你個仆街。呃鳩我！呃鳩我！講過唔算數！」
 
幾十對眼望住我同呢個醉娃糾纏，逼使我大力拉住佢去自己胸前。酒嘅微香混雜阿予嘅少女幽香，佢軟綿綿挨咗喺我巨胸之下，血氣方剛嘅我，感受到佢嘅酥軟。
 
極醜惡嘅午夜凌晨，我夾咗阿予去百佳。
 
「醉到咁，我地唔招呼架喎！過主啦！」百佳嘅阿姐盡忠職守，一見爛醉嘅阿予，即刻想趕我地出門口。
 
為咗阿予，我忍痛塞兩舊水畀阿姐。阿姐即刻好似國產凌凌漆入面嘅公安，變得極好招呼，仲提我記得中午十二點前交房。
                                                                                                    
阿予訓落床，不省人事，胸口如峰似巒，腰肢之間，無半分贅肉，好似伊甸園禁果。
 


我腰際毒蛇引誘不斷，於是，不可思議嘅事就發生咗。 [1] Innocent until proven guilty：刑事法概念。未被證明有罪前，即為清白。[2] prove beyond reasonable doubt：刑事法概念。控方須弄清所有疑點，方可使被告入罪。