港大七不思議食女事件: 19. 兄弟

19. 兄弟
 
上回講到，倫敦之旅終成我大學生涯荒謬記憶嘅一部份。


第六個喺我大學三年出現嘅女仔，如今憶之，總覺心有戚戚。

故事嘅開頭，要由一個屬於男人浪漫嘅酒局講起。大學三年，港大同學多以GPA為目標，與我志趣相投嘅朋友可謂極少。可幸嘅係，我嘅大學同學，野狼同食女專家Raymond，往往係我食女之後，出包膠嘅VIP聽眾。

我地嘅出身好唔同。佢地兩個都係私樓仔，得我一個住華富邨：野狼住嘉亨灣，溝女最叻，青靚白淨，左Wechat，右Skout，專呃妹妹仔，成日同我講「識屌一定係屌九五後」。



Raymond係移動城堡，肥肥大大，冇咩嗜好，問佢住邊，佢都唔識答你，因為佢屋企幾層樓收租，兩層樓自住；佢唔靚仔之餘，仲有三分樣衰，但係佢都有唔少囡囡，為咗拎著數，或者妄想嫁個有錢人，好似燈蛾撲火一樣，埋佢身，任佢砌。

我同呢兩個兄弟唔同嘅就係，佢地可能係港大最資深嘅嫖客。坐埋一齊，除咗互相包膠，就係講叫雞，邊到有新貨到，邊條女好砌，三味五味，天南地北，乜都試過晒。雖然我對嫖妓興趣不大，但係耳濡目染之下，我對香港黃色事業都略知一二。

我依稀記得，喺我大學二年級暑假嘅尾聲，我地約埋喺諾士佛台飲酒。如果我冇去，就唔會識到呢個女仔，世事就係由無數巧合拼湊出嚟嘅現實。

「喂，我地幾時去Grad Trip呀？」Raymond將酒一飲而盡。學都未開，Raymond已經諗定去邊到畢業旅行。

「去西咩，Marvin有撚錢去咩，一陣佢又話唔撚想洗佢老母啲錢去旅行，我聽撚到識背喇屌。如果唔係佢上次溝咗個闊太，都唔會去歐洲啦。屌佢老母，溝女佢就有錢，食屎啦！」野狼人如其名，野性難馴，每一句說話，都夾雜著粗口。



好兄弟，就係會兜口兜面屌你老母。人愈大，身邊呢類人愈少。

「唉屌，搵到工先算啦，頹廢BA仔，GPA又唔高，撚有錢去旅行咩。」一講到去旅行呢啲咁奢侈嘅活動，我真係感到無能為力。活到廿幾歲，我生活好似受咗封印咁，始於荃灣站，終於柴灣站，細個聽謝霆鋒唱歌，有一句歌詞「世界幾大我幾高」，如果呢句係真，我諗我係受父母遺傳影響嘅一隻小侏儒。

「屌，你食撚屎，我地去澳門算啦。」野狼又叫咗杯Mojito。

「澳門都好呀，好失禮你咩，話晒都係世界歷史名城，Soler都識唱： 『大三巴、觀音像、媽閣廟景緻真幽美』，又有錢賭，咪當過去行吓，出身汗囉。」我一向覺得旅行係探索未知地方，天真地覺得野狼呢個提議唔錯。

「出身汗？去桑拿就出身汗！去得澳門，梗係去叫雞啦。」Raymond飲多兩杯，飽暖思淫慾。



「叫雞？」身為貨如輪轉嘅浪子，我根本毋需用錢換取一時纏綿，所以，雞就真係冇叫過。

「係呀，叫雞呀，屌！」Raymond飲完杯Martini Cocktail，就話：「嗱，一於就整個Pre-grad Trip，橫掂上次你生日，我地都冇同你慶祝，而家上網搵個援交妹，約出嚟畀你砌，洗濕咗你個撚頭，就肯同我地去澳門架喇。」

「當係『關愛基金』，我同Raymond一人夾一半，關愛吓你呢個小窮撚，渡你升仙呀兄弟。」野狼同Raymond唔等我同意，就開咗部電話上網揀女。

我好奇心比衛斯理仲要厲害，雖然口裡說不，但係都忍唔住伸個頭去睇吓佢地揀咗啲咩囡囡。

「嘩屌，呢個正呀，兼職長腿Model Miki，即約即Trade，22歲、34c-23-34、161cm、千六蚊q、白滑女友Feel，仲要有真人相添，叫雞都有版睇呀。」

我掃落去，見論壇幾十版流流長，版版都係私鐘妹，Wetkiss同BJ，十八般武藝寫晒出嚟，求哥哥包養，先知道原來香港地真係咁多陀地做雞。

「一於呢個啦，『大學生初下海，謀稻粱，覓恩客，$1600/Q』，夠文氣，啱啱出嚟做，啱晒你喇Marvin哥。」Raymond將佢嘅煙圈呼出，嘆口氣咁話：「做雞都要咁撚好文采，真係搵食艱難。」



「屌，條條女都話自己處女啦，雞你都好信？嗱，我同Raymond講撚過一定算數。而家我同佢就過隔離撳鐘行先，你搞完私鐘妹，出個包膠，我地過番數畀你，好未？」語罷，醉野狼就拉住Raymond，跌跌撞撞咁去咗隔離香檳大廈撳鐘，淨低我月下獨酌。

我拎起Iphone，開鎖又解鎖，將個wechat開了又關，不知應否一嘢add落去……