港大七不思議食女事件: 16. 平權

16.平權
 
「係呢，Marvin，我有啲事，想你幫吓我……」
 
Jackie吞一啖口水，跟手就講：「你考完試之後，駛唔駛返實習？」
 
「唔駛呀，你有朋友等人用？」
 
「唔係，係咁嘅，Alexander細細個就鍾意阿仙奴，成日扭計要去倫敦Emirates Stadium。Alexander上次測驗高分，我應承咗今個暑假帶佢去兩個星期倫敦，但係佢又唔鍾意嗲哋，反而想Marvin你同我地一齊去，話你同佢都係英超Fans，又同佢啱傾，等佢有人陪冇咁悶，所以呢……」
 


又食又拎，雖然我係曼聯迷，但係有得免費去英國，就唔介意得咁多。
 
Jackie將佢隻玉手由我嘅後心一直掃落手背，千嬌百媚咁講：「乖喇，咁我買埋你嗰份架喇。」
 
就係咁，我就同Jackie、山大、賓妹一齊去咗英國。
 
我坐喺頭等位，望住飛機外嘅景色，諗番起以前補習，孤寒偽中產家長買大家樂下午茶，淨係買一份畀我肥妹學生分食嘅慘淡畫面，真係彷如隔世。
 
點解要帶埋賓妹去？我事後問山大，山大話，佢老母驚賓妹亂帶男人上佢屋企搞三搞四，又驚佢偷嘢，所以雖然唔鍾意賓妹，都冇計。
 


一齊去過英國，我先知有錢人嘅世界係點。山大同Jackie買嘢完全唔駛睇價錢牌，當我喺阿仙奴主場精品店，偷偷地用電話計件波衫港紙幾錢嘅時候，山大已經掃咗幾件波衫，艾朗藍斯、阿迪達、禾確特同韋舒亞，主場作客，成條中場線買晒。佢老母仲誇張，黑卡一出，號令天下，莫敢不從，喺Oxford Street、New Bond Street同Regent Street街頭掃到街尾，完全冇停過。
 
有趣嘅係，Jackie愛恨分明，對賓妹嘅厭惡，完全係佢對山大嘅溺愛成反比。除咗賓妹要坐經濟倉同埋分房訓之外，賓妹要幫佢拎晒所有戰利品，唔可以行先過佢，否則會被Jackie厲聲屌死。
 
入到Burberry，我陪Jackie睇衫，Jackie唔想見到賓妹，就點咗賓妹去陪山大食Haagen- Daz。我地睇睇吓，佢指住件乾濕褸話：「Marvin，你咁大隻，著呢件實好好睇。」
 
「好呀，咁試吓啦。」為咗不失浪子嘅霸氣，我明知件衫買唔起，更加要試上身，跟手大大聲屌件衫衣不稱身，係垃圾，咁樣先唔會被人睇穿。
 
試穿上身之後，Jackie嘟起咀咁話：「著呢啲衫，要埋穿條腰帶先好睇。」一講完，Jackie就企喺我面前，嘗試將我身後散亂嘅腰帶，穿番去身前。我居高臨下，望到佢嘅V領露出一條深溝，之後佢又靠埋少少，我又感覺到佢嘅堅挺，並無跟隨佢嘅年華一同逝去。
 


「耶，好難整呀條帶……」Jackie一路講，一路整。我同山大一間房，焗住幾日冇打飛機，聞佢吹氣如蘭，亦都再忍唔住，雙手輕輕放喺佢盤骨對上借力。
 
點知，我一掂到佢，佢就放開條帶，一個蘭花拂穴手，推開我隻手。佢塊面黑咗零點五秒，之後紫霞神功運勁，又變番好有素養之餘，兼有幾分妖媚嘅闊太Jackie。
 
「幾好睇呀。」跟手，佢就叫咗洋人Sales過嚟，畀咗張黑卡，送咗件褸畀我。
 
我又驚又喜，好似被主人打咗一鞭之後，隨即被賞賜大肉塊嘅獵狗。我對住Jackie，拎住件成皮嘢嘅乾濕褸，對佢擺晒尾。
 
但之後幾日，唔知係咪因為我表錯情嘅緣故，Jackie對我，十分冷淡，基本上淨係會同山大傾計；我同Jackie嘅對話，好似白開水一樣淡而無味。
 
所以，呢幾日入面，我同賓妹反而熟咗。賓妹今年廿二歲，樣呢，冇咩好形容，係星期日皇后像廣場會見到嗰啲後生賓妹，靚就一定唔靚。總知，賓妹勝在後生，B級身材走肥，唔戴隱形眼鏡望佢，都有幾分似陳巧文嘅。
 
讀者可能會話我重口味，但係受港大西化教育，我主張人人生而平等，談戀愛，並唔分國界同膚色。賓妹，姑且叫巧文，獨在異鄉為異客，主人又對佢唔好，所以易溝嘅程度，好似大學Final Year嘅A0女一樣，我只要出半成功夫，巧文就為我傾倒。
 
我每一次同佢傾計，望到鏡中優秀嘅自己，去溝賓妹，就感覺自己好似林肯、甘地或者曼德拉之類嘅偉人，係主張平權、反歧視、Interracial嘅先驅，人類嘅明燈。下屆諾貝爾和平獎，捨我其誰？


 
Jackie對我越冷淡，我同巧文就越打得火熱。撥開我隻手吖嗱，撥開我隻手吖嗱，我特登做畀Jackie睇，佢完全不是味兒。終於，食完飯之後，巧文偷偷地喺我耳邊講，叫我今晚去佢房搵佢，話要畀驚喜我睇。身在異地，女更加易溝。
 
點知，煙雨濛濛嘅英倫晚上，不可思議嘅事，就發生咗。
 
「Marvin，不如一陣等Alexander訓咗，你嚟我房，我有啲嘢想同你講吖……」Jackie竟然whatsapp我。
 
我陪山大傾咗一陣，講佢老豆溝幾多女，屋企有幾多架林寶堅尼，好唔容易先哄到佢訓。
 
熟睡嘅山大靚仔又可愛。諗起我地嘅兄弟情，掙扎咗半秒，我終於起行去咗其中一間門口。
 
愛山大，還是愛黃金；屌賓妹，抑或屌Madam？