港大七不思議食女事件: 序章

序章
 
冬日陽光和暖，中環畢打街，行人來去匆匆。
 
三年夢盡，無數人和事像罐頭沙甸魚般擠擁，堆滿大學生活。如果罐頭有三年期限，恐怕未待到期之日，早已被挖掘一空，使無聊空虛之大學生涯只能在記憶翻滾。
                                                                                                
大學一年級某日，宿舍之內，Lacrosse[1]隊隊長速龍大仙[2]睡到日上三竿，又走一堂。醒來後，大仙漸覺肚餓，徑往廚房，為貫徹舍堂教育「時間管理」精神，左手持Lacrosse棍cradle[3]，右手淥炒麵王。棍網球於網窩不停地轉，像命運一樣來回往復。驀地，炒麵墜落鋅盤，湯水散落一地。
                                                         
我剛好經過，目睹尷尬一幕。為挽回面子，速龍大仙向我諄諄告誡：「我打咗三年飛機，一條女都溝唔到。Hallmate成日話：『豈可豪情一世，難得糊塗三載』，呢幾年都係白過，豪情就無，糊塗就大把，淥個麵都淥親手。Marvin，我知你而家唔明我講咩，但到你畢業嗰日，你就會明架喇。」
 




速龍大仙輕拍我肩，便返房潛修。當時懵懵懂懂戇戇鳩鳩，只見炒麵王於鋅盤載浮載沉，全然不知大仙所指。畢業臨近，回望過去三年經歷，速龍大仙之一言一語，又彷彿在我耳邊俳徊不去。
 
我穿筆挺西裝，於中環Starbucks買咖啡，一面飲，一面看中環精英兩餐奔走。我素來甚少光顧Starbucks，並非站在道德高地，以港大西化教育所授之知識，批判Starbucks違反公平貿易，而因為我乃係窮撚公屋仔，幾十蚊杯咖啡太過奢侈。
 
但我今日一反常態，八達通一嘟，點杯Grande朱古力啡，瀟灑地轉身就走。直覺告訴我，該好好慶祝。
 
我無甚特長，只懂講大話、作故事、滾女人，「大學讀三年，女食咗七件」，遇過好多特別的人和事。然而，任我幾努力去回想，其臉孔統統變得非常湮遠，就算某日再遇，我能做之事不多，只能禮貌地點頭，各行各路，再見，然後再見。
 
畢打街A&F古龍水刺鼻，令我回想起半個鐘前，中環某甲級寫字樓中女HR姐姐。
 




「陳生，點解我地要請你？」中女姐姐咀角含痣，笑吟吟一副二奶格，以過量香水虛掩漸離青春。
 
故此，我鉅細無遺地將《港大七不思議食女事件》告知。大學三年，應付中年女人，我別有心得。上天不欲埋沒我，安排此中女為面試官。故此，我決定用強項折服此中女HR。我將風流事如實告知，究其原因，到底太寂寞，抑或求飯碗，我真不知道。
 
「第時我書展出書，俾你打尖，唔駛排隊，拎我簽名。」
 
「究竟……Marvin SIR……呢件事係真定假？」HR姐姐與芸芸眾生一樣，只關心事實真偽。
 
「真假都唔重要，只要你聽得高興就好。如果係真，你應該為呢件咁不可思議嘅事而請我；如果係假，你更加要請我，我諗冇人講大話叻過我。我正正係你地公司所需要嘅人材。」
 




HR姐姐見人多過我食女，一聽之下，竟也一時語塞。
 
「如果你冇問題，我諗我要走先。」我如慕容復一樣，以彼之道，還施彼身，頭也不回地離開辦公室。
                                                                                           
輾轉又來到畢打街。抬頭，極目遠望，陽光喣烈，教我幾乎張不開眼睛。故事在心頭縈迴不去，於焉我又糾結在過去，曾經屌過嘅感情湧上心頭。我甚少為女人流淚，但在中環街頭，淚水簌簌而下，被自我製造嘅黑暗吞嚥。陽光本應熾熱，但我心卻好比嚴寒冬日，千山暮雪，隻影為誰去。 [1] Lacrosse：即棍網球，流行於北美；在港則港大獨有。[2] 大仙：港大舍堂文化用語，意指「師兄姊」。源自「仙制」，即英文Senior。只有完成舍堂迎新營之中方可「升仙」。[3] Cradle：動詞，指不斷左右晃動棍網球棍，產生離心力，令球在棍末的網窩中來回轉動，不致掉落。