曖昧，永遠都是一對男女最享受的過程。: 第十八章

平安夜表白，這是件非常浪漫的事情，對吧?

任誰都為此而動心?

我會否成功?

今天就是平安夜了。

我還未有心理準備去面對。





其實我好怕會被拒絕。

我到現在都不確定，我到底應否今天向她表白。

如果今天表白失敗，我期待已久的聖誕節，豈不是又要我自己一個渡過?

當然這是個最壞的打算。

假若今天順利，明天聖誕節的氣氛定會更勝一籌。





我:「你今日係咪要返工?」

呀晴:「係呀，做咩?」

我:「咁你放工得唔得閒呀?」

呀晴:「想黎接我放工?你冇野做咩，連平安夜都黎搵我」

我:「想見你嘛」





呀晴:「真係?唔好咁口花啦你」

我:「我講真架，又唔信我」

呀晴:「好喇，我信你喇，我嗰日收10點，經理話比我早啲走」

我:「好心你平安夜就唔好返啦，咁辛苦」

呀晴:「平安夜人工高啲嘛，唔返工邊有錢黎」

我:「我養你咪得囉，快啲辭職啦你」

呀晴:「你邊養得我起呀，我好大洗架喎」

我:「唔緊要呀，最多咪我辛苦少少，好過見到你辛苦丫」





呀晴:「又口花花，唔理你喇，要開始做野，今晚10點見啦」

我:「嗯，加油喇你」

好，現在已經約定了去接呀晴放工，現在要做的就是要準備一下。

其實，也沒什麼要準備。

應該是說我不知要準備什麼。

準備好心情?到時難免會緊張。

準備好要說的話?我敢肯定到時會腦袋一定會一片空白。





所以我現在可以做的，就只有等待時間的過去。

好不容易地等到晚上9時半。

我已站在呀晴工作的餐廳門外等著。

我懷著緊張的心情等著，好怕會失敗...

突然聽到附近傳來歌聲。

我聽到他們唱了好幾首歌

這些歌我以往都沒聽過的，是詩歌?

對，今天是平安夜，到處都有人在「報佳音」，難怪。





聽著這些歌，我的心情不知為何平伏了些。

有種令人安靜心寧的感覺...

「喂!諗咩諗到咁入神呀?」呀晴突然出現在我面前叫我。

「嘩，嚇死人咩，你放得工?」

「我叫左你幾次你都唔應我!我放得工啦，經理話冇乜客，又見到你係企左係門口等我，咪比我早啲走。」

「你經理咁好人既，你會唔會對佢動心架?」

她的經理是位頗帥的男生，年紀看來也不是大我們很多。





「會架，佢對我真係好好，有時我都覺得自己有少少鍾意左佢。」

我是不是太多口了?問了個不應問的問題...

「做咩咁既樣呀你，我講下笑下，又呷醋呀你?」

我沒有出聲，只是點點頭。

「唔好咁小氣啦你!難得我早放，不如我地去食啲野先?」

「你話事啦，你想食我實陪你食。」但其實我才剛吃過晚飯。

「咁我地行喇。」

我在找一個機會，向呀晴表明我的心意。