曖昧，永遠都是一對男女最享受的過程。: 第十七章

今天是放聖誕假前的上課日。

她今天不用上班，我本來想放學後約她去吃點東西，誰不知一放學她就失去影蹤。

我:「你去左邊?走就咁快既」

呀晴:「係呀，聽日放假丫嘛，方宜佢地約左我去玩呀」

我:「咁冇野喇，你地玩得開心啲啦」





呀晴:「做咩呀，想約我?」

我:「諗住搵你去食野姐」

呀晴:「咁不如你過黎同我地一齊去玩?」

我:「你地幾個女仔，加埋我唔會好奇怪咩」

雖說我想見呀晴，但不想獨自和幾名女生外出，感覺很奇怪。





呀晴:「佢地都唔介意，冇所謂啦」

我不是這個意思...

呀晴:「都係唔好，我唔同佢地去玩喇，我同你去食野啦」

這個回覆讓我喜出望外。

我:「下，咁你咪又要放佢地飛機囉，唔好啦」





呀晴:「咁我想同你去食野多啲嘛，唔緊要啦」

我:「既然你咁想見我，咁我就同你去食野啦!」

呀晴:「哼，明明就係你約左先既，咁勉強你既咁唔食囉」

我:「唔係唔係，點會勉強呢，可以同你去食野，恨都恨唔黎啦」

呀晴:「咁一陣係學校門口等啦」

走到學校門外，見呀晴面帶著歡笑地等著我，我也不自覺笑了。

走到呀晴身旁後，我馬上想起將會有兩個星期不能相見，所以表現得很失落。

呀晴好像發現了我神色不對，說:「做咩你好似好唔開心咁既?」





「放聖誕假喇...我地兩個星期冇得見...」我說。

「我地會keep住whatsapp架嘛，同埋你唔記得聖誕嗰日約左我?」呀晴笑著回答我。

「點會唔記得呀，咁重要日子。」

「咁咪係囉，咁邊有兩星期冇得見姐。」

「成兩個星期先見得一日喳喎，同埋你又要返工,,,」

「咁你可以黎接我放工架嘛。」

「你又岩，咁你都唔好掛住我喎。」





「邊個會掛住你!」她的樣子表現得有點憤怒。

但在我眼中，她很可愛。

可惜，明天就開始聖誕假期了。

可能你會覺得我很奇怪，但我寧願不放假，也想見到呀晴。

要兩星期不能相見，實在是不好受。

只有whatsapp和傾電話是不能滿足到我的!

所以我決定了只要一有空，就會去接呀晴放工，從而增加見面的機會。

而她好像也很樂意讓我去接她放工，說是放工後感到的疲勞，只要一有人相伴就會一掃而空。





誰知她是不是也想見多我一面呢!

然後在我詢問之下，發現呀晴原本在平安夜當天也要上班。

希望不會打亂我的計劃,,,