曖昧，永遠都是一對男女最享受的過程。: ​第十五章

自從我知道聖誕節要和呀晴外出後，我就一直都興奮不已。

一直都期待著聖誕節的來臨。

因為我知道，這會是個不一樣的聖誕。

現在我每天都會和呀晴whatsapp。

這段時間對我來說是最快樂的。





所以我每晚都總會拿著手機等呀晴whatsapp我。

為何我不主動whatsapp她?因為不想妨礙她上班。

電話突然收到段whatsapp信息。

我急不及代地打開，想要打算要與呀晴聊個天昏地暗。

但傳來訊息的竟然不是呀晴，而是方宜。





方宜:「乜你聖誕約左呀晴咩?」

我:「係呀，做咩咁問?」

方宜:「唔怪得知啦...」

我:「做咩事呀到底」

之後方宜傳來了一張圖片，是那個「姊妹群」的對話內容。





琪琪:「今個聖誕我地會唔會一齊出去玩?」

呀晴:「好呀，我嗰日請左假呀，可以同你地出去玩」

方宜:「我都ok」

琪琪:「咁我地去邊度好?我唔想去太多人既地方」

方宜:「呀晴話事?次次啲活動都比佢搞既」

琪琪:「呀晴!!!我地去邊度好呀!!!」

呀晴:「sorry呀...我諗我今年同唔到你地出去」

琪琪:「下，點解呀?」





方宜:「睇佢個樣都係約左鋒鋒去街啦」

琪琪:「得啦，依家重色輕友喇，唔洗陪我地喇」

呀晴:「唔係囉...你地諗左去邊」

琪琪:「唔阻你兩個拍拖喇!」

看到這些對話，我自然是高興得不得了。

呀晴本來是約了她的朋友，但竟然為了我推了她們。

就在我自我陶醉的時候，方宜又傳來訊息。





方宜:「今年呀晴竟然為左你放棄我地，你地幾時開始拍拖架?」

方宜竟然以為我正在跟呀晴拍拖!?

方宜:「記得對佢好啲呀!」

我還來不及解釋，她又這樣說道。

我下意識的答了她「我知架喇」

到底呀晴是怎樣跟她的朋友說明我和她之間的關係?

就在我努力思考時，呀晴終於找我了。

呀晴:「喂，我問你個問題丫」





我:「係?」

呀晴:「其實呢，你同我出街唔驚比其他人見到，比其他人話架咩？」

我:「做乜你成日都問埋啲咁既問題既」

呀晴:「你答左我先啦」

我:「點解要驚？」

呀晴:「你唔驚啲人見到既話會亂講野，傳緋聞架咩?」

我:「唔驚」





旁人奇異眼光，放於四面八方。

如果我真的和呀晴拍拖﹐其他人會如何想我們?

人家怎講，我不管也吧。

我才不會管其他人如何想。

而我在意是假的可以變真嗎。

我和你之間的情感，是真的，還是只是在開玩笑？

如果只是在開玩笑的，我們能否把這變成事實?