曖昧，永遠都是一對男女最享受的過程。: 第十四章

第二個上課天，我和呀晴已經和好，她也會主動找回我聊天。

我說：「我，大海，電話」

她問：「咩意思？」

「自己估下」我笑道「當你估到既時候我再話你知。」

「玩我咩，我估到仲洗乜要你講。」





「哈哈，咁你慢慢估啦。」

「食屎啦你！係邊度學埋啲咁既野返黎架...」

「睇柯南學返黎既。」

我知道，我是喜歡著你。

但我沒勇氣直接跟你說。





我想勇敢面對自己的感情，但這不容易。

有人說，一段愛情是得來不易的，中間必定會有一些難忘的經歷。

難忘的地方是向好的還是壞的，就要看自己的造化。

「你聖誕果日有冇野做呀？」我問。

現在已經是十二月中，還有一星期就到聖誕節。





「我一早請左假。」她答。

「你嗰日有野做？咁算啦。」

「做咩呀，想約我？」

「係呀，不過你有野做，咁就算啦。」我表現得非常失望。

「唔好唔開心啦，話唔定你嗰日會有人約呢」

「除左你之外，仲有邊個會約我？」

呀晴只是以一笑當作回答。

聖誕這種普天同慶的大日子，身邊的朋友都各有各節目。





有女朋友的自然會和女朋友外出。

沒女朋友的，難道要特地外出看街上情侶們的「閃光彈」嗎？

那除了呀晴外，我還可以約誰？

在我的極度失落的時候，呀晴又開口說話。

「咪我囉傻仔。」

「咩你呀？」

「聖誕節會約你出去𠴱個，咪就你我囉。」我隱約聽到她的笑聲。





「咪玩啦？你唔係話一早請左假，唔得閒...」

「我一早請左假係預左同你出街架，有野做咪就係要陪你囉。哈哈，估唔到你會咁驚。」

「下，真係架？」我感動到恨不得馬上擁抱著她，可惜我們被電話相隔。

「呃你做咩姐，唔想同我出街咩你？」她好像對我那種不信任的態度感到不高興。

「唔係唔係，同你出街喎，恨都恨唔到啦。」

「口花花，你諗定同我去邊同做咩好過啦，到時我乜都唔諗架，行程交晒比你架喇。」

「放心交比我啦，雖然第一次同女仔出街，但我都唔會令你失望既！」

「扮乜野未同過女仔出街丫，不過我都會期待一下既。」





其實單獨與女性外出，除了媽媽之外，我想呀晴就是第一個。

所以去那裡和做什麼，對我來說都是個難題。

這，可否叫做約會？

以往的聖誕，我一定會安在街中，唱著「其實毒撚一個更開心」或是「Lonely Christmas 」渡過。

但這個聖誕，我不再孤單。