我係迪士尼俾一班邪惡既卡通人物襲擊: ＃15

兩者都乃屬宇宙之人，究竟係原始之力勁啲，定係巴斯光年既科技槍勁啲？呢項係一門好高深既學術問題。
 
我用腳一野踢落黑武士度，邊個叫佢做衰人，係戲入面仲做唔夠咩？
 
佢一瞬間俾我推開左，回過神後，「臭小子！」
 
我一手捉住巴斯光年往後面跑，但佢不動如山，超級重，拉唔走。
 
「喂！走啦！」我死命拉住巴斯光年，為既就係令佢移動半寸。
 




「你走先啦。」佢用極為沈重既聲音講道。
 
「唔得呀！行就行啦，唔好咁多廢話。」我唔似TBB啲膠戲，硬係要講啲至為感性既說話。
 
巴斯光年不為所動，軟既唔得就黎硬既。
 
「行啦屌你！」俾佢搞到操，而且又係生死關頭。
 
「叫你走先就走啦。」佢一甩，就已經甩開左我隻手。
 




其威力使我後退數步，跌倒在地。
 
我瘦骨如仙，又點會夠巴斯光年大力呀？
 
既然佢一意孤行要救我，我只好搵下有無其他方法救去。
 
我勉強爬起身，爬起身先發覺身體好重，好攰好無力。呢一日真係過度用腦同身體，所以先搞到咁。
 
後面繼續打鬥既聲音，我無辦法，只好棄之不顧。
 




除左外面既巴斯光年，更令我憂心既，係Yuki。
 
佢一個女仔入左去，咁黑，又無聲氣，都唔知點架。呀妹都一樣，我真係唔想一日之內無左啲重要既人。
 
越係擔心就越係急。我一邊跑一邊搵Yuki既身影。
 
行到大約中間啦，突然後日有一拉一拉我件衫，我當場嚇死，「哇」左一聲。
 
佢即刻摀住我把口。由於呢度好暗，我花左幾秒時間先認得出係Yuki。
 
我頓時放下心頭大石，總算搵到你啦，搵得你好苦呀。
「細聲啲呀。」佢係我耳邊輕聲講，搞到我耳仔有啲麻。
 
靜心聽一聽，有腳步聲，好零碎，而且聽落好似故事放慢腳步。
 




呢度既鐵路本身係俾架車行過既，所以要係下面行係幾辛苦下，所以如果要行既話，無可避免係會發出聲音。但頭先既腳步聲唔自然，似係放輕腳步。
 
我同Yuki躲左係索黑天王後面，靜觀其變。
 
暗黑既房間入面，只有螢光色既遊戲設施，同埋啲閃燈。
 
平時入黎玩都會聽到啲「焦、焦、焦」既聲音，個個化身做一個神槍手，一槍係手，百發百中，百步穿揚。
 
依家卻死氣沈沈，加上有人追殺，呢度既氣氛頓時變成一間鬼屋咁。
 
Yuki死命咁捉實我，仲可以感覺到佢手係度震緊。
 
依家諗一諗，呢一路以黎佢一個女仔，都受唔少驚嚇。如果換轉係其他人，可能一早頂唔順放棄左。
 
佢可以捱到依家，已經需要好大既勇氣同埋耐性。




 
畢竟，呢個係一場生存遊戲。
 
可唔可以平安走返出去，都係未知之數。
 
我地依家屏息靜氣，等待緊搵我地既人。
 
過左一陣，兩個黑影係我地左右兩邊出現，我估就係佢地。
 
我地一早係索黑天王度蹲低左，佢地要搵都唔係咁易。
 
白衣人都好醒目呀，識得放輕腳步，唔好俾我地發現。但係黑暗中，你見我地唔到，但我地卻知道你地既位置。換言之，我在暗，敵在明。
 
兩個人終於碰頭，兩個揮揮手，示意無料到。
 




講真，我有諗過好似電影咁，打暈佢地，然後我地就扮成佢地既自己友。我覺得咁樣做係高招，係聰明。
 
但係我地有無能力做到又係一個問題，萬一做唔到既話，咁樣就死路一條。
 
我總唔能夠咁魯莽，唔顧後果。所以思前想後，都係將呢個諗法收起，靜觀其變算。