我係迪士尼俾一班邪惡既卡通人物襲擊: ＃13

「那很好，過了這麼久都沒有異樣。」雄厚聲講，「這些卡通人物真的很有用欸，完全可以掩飾我們的身份。」
 
「噓！」弱雞聲忽然叫佢地收聲。
 
我即刻縮返個頭入去，以免佢地見到。
 
然後就係一片既死寂──
 
「是誰！」突然間向住我地大叫。
 




我真係唔知佢係點知到我地係度，定係佢地有?咩能力呢? 

佢地既腳步聲越漸相近，嚇到我地唔知點好。 

我同yuki你眼望我眼，然後周圍望下，睇下有咩方法可以逃生。 

因為我地都知，如果俾佢地捉住左，就真係渣都無得剩。 

反去火車路軌?咁辛苦又出返黎又走返入去? 





正當我諗住衝返入去既時候，yuki佢拉住我，衝左出去。 

我完全反應唔黎，當我有返反應既時候，已經係對住?黑武士。 

心諗，「yuki你做乜野呀?」真係好傻的嗎，返入去再從詳計議啦，依家咁咪無彎轉囉﹗'' 

「你......就是你，快點來抓住她﹗」個黑武士指住yuki。 

yuki一臉迷茫，夠竟佢係迷茫?咩?迷茫自己因咩事走左出黎定係因為佢地做咩事要捉佢?
 




個黑武士伸手想去捉住yuki條頸，我見住yuki既瞳孔放大，可見佢都唔知點算。
 
依家燈火通明，我終於可以清楚咁留意下yuki。
 
我先發現，佢心口原來載住左一條鏈，而果條鏈掛住左一隻戒指。
 
正正係我夢入面見到既果一條。
 
我諗緊同我見到既真係電光火石之間。
 
距離yuki同黑武士只有一米到左右，根本不容我思考咁多。
 
我用盡身體所有既力氣推開左黑武士隻手，一碰就知道，佢隻手真係孔無有力，如果唔係用所有力，我諗我應該推唔開佢。
 
然後又係一場亡命既逃跑。我地一跑出去，都唔知去邊度跑好。




 
就跟住直覺跑，衝向前，見到好似巴斯光年既地方，我唔理咁多。
 
我擋係yuki前面，然後大叫，「你入去先，呢度交俾我頂住！」
 
雖然係不自量力，但唔知點解就係想保護好眼前呢個女仔。
 
我一個華麗轉身，已經見到黑武士衝到眼前啦。
 
我眼尾瞄一瞄yuki，佢仲未走，愣左係原地。呢個時候，啲女人總係會企係度唔走，危險關頭，做男人既緊係想你走架啦，唔通想自己一個白白犧牲咩？
 
「快啲走啦！唔好望過黎，我一陣入去搵你！」跟住我就專心對付條hihi。
 
「黎啦，死蝗蟲！」我大喝一聲，以增強自己既氣勢。
 




「屌…屌你。」佢用半咸半淡既廣東話回我，跟手就衝左過黎。
 
佢一手捉住我膊頭，然後向前推我，我即刻失曬平衝向後跌。
 
好彩我反應夠快，雙腳向後一跳，借力打力，企返係度同佢以力鬥力。
 
但以我瘦弱既身軀去頂撞身材魁梧既黑武士，好明顯係以卵擊石啦。
 
不出數秒，我就俾人推低左。
 
後面既白衣人，姐係佢手下都陸續趕到。佢地手上都拎住支長棍，打落黎真係唔野少。
 
我儲力，一打踢落黑武士個肚度。
 
「喔！」佢後退數步，用手禁住自己個肚。




 
食我全力既一擊，唔痛就有鬼啦。
 
我知硬碰硬既話，我一定毫無勝算。依家可以做既…
 
就係三十六計，走為上計。
 
我向後轉身，跑入去巴斯光年既隧道入面，去搵走左先既yuki。