我係迪士尼俾一班邪惡既卡通人物襲擊: ＃12

「我有夜盲，而且我好驚黑。」佢細細聲，好似俾蚊唉咁講。

「咁點好呀？」我唔知點做好，點樣可以令佢唔怕黑呢？

佢緩慢咁伸出佢隻手。

我百思不得其解，我要俾咩佢呢？

信心？捉住佢隻手俾信心佢？





我又驚誤會左佢意思...咁就尷尬啦。

「做咩呀？」我小心咁問，然後心情有啲緊張。

「拖住我......」

！！！！！！！！！！！！！

佢望住我，天太黑，我睇唔清楚佢既表情。可惜呀！
 




「下？」我唔係幾敢相信自己既耳仔，「你再講多次？」
 
「我話，拖住我！」佢大聲左少少，真係少少咁多姐。
 
睇黎真係無聽錯。跟住緊係第一時間捉住佢隻手啦，廢事佢反口啦。
 
之前可能時間太趕既關係啦，對捉住隻手無咩太大感覺，加上自己郁動得咁勁，又緊張，手汗特別多。
 
所以都無咩點留意到佢隻手，依家感覺到，佢雙手好嫩滑，冷冰冰既。
 




正係咁樣都已經夠我回味成晚……
 
「好啦，我地要快啲出發啦，再遲既話就慘啦。」我用認真既語氣去掩飾自己既緊張感。
 
我地沿住路軌慢慢行，已經黑到差唔多睇唔到前面，所以我地都行到好小心翼翼。
 
我行得特別慢，我驚yuki佢有咩事呀之類。因為佢隻手捉到我好實，好明顯佢係驚驚地啦，連行都覺得有啲困難呀大佬，d石地黎架。
 
前左無耐，我地終於見到前面有少許光線，然後我地跟住光線既方向行。
 
行左大約十分鐘到啦，我地見唔到有火車站既蹤影。
 
於是我地選擇由呢d錯蹤複雜既路入面兜黎兜去，最後係搵到路出黎。
 
我地終於見到光線既盡頭，係我地面前既，係一道牆。




 
「為什麼還沒找到？」一把雄厚既聲音係對面道牆傳出黎。
 
「我們都已經找遍了，上頭說在一個女孩手上。」呢一把聲音明顯比頭先既柔弱得多。
 
係廣東入面就講廣東話啦撚樣！
 
「都找了這麼久，還沒發現，是不是都走掉啦？」聽落好似係女人氣，但中氣十足喎，似似地男人，一半男一半女咁啦，真假難分。
 
暫時用雄厚聲，弱雞聲同女人聲黎代表呢三個啦。
 
左邊好似有路可以去，我地沿住牆壁往左面進發。
 
然後我挨係個牆度，又再一次偷偷地望出去。我慢慢移動自己條頸，伸個頭出去望一望。
 




我見到一個黑衣人同埋三個白衣人，佢地身上既衣服，正正係starwar果件。
 
我地應該係黎左明日世界，因為我地正正係果個廣場既背後。
 
出奇地，呢度無半點屍體，同火車站既環境好唔一樣，唔通佢地無係度大開殺界？
 
佢地有佢地係度傾，我地有我地係度偷聽。
 
依家佢地一班人係度，我地都無辦法出去，只好留係度執生。
 
Yuki佢點一點我膊頭，我擰轉面望下佢，佢用口型問我，「做咩呀？」
 
我將食指放係嘴唇上面，比左一個「噓」既手勢，示意佢唔好亂咁出聲。
 
我繼續觀察佢地，佢地既對話無停止過。




 
「聽說她的確是有進來了，而今天也沒有人可以出去，他們的電話網絡都被切斷了，也不可能打電話出去求救。我們安排好人弄壞進來的列車，車輛通道也封鎖了。也就是說進出都被我們控制好了，現在只差那一步而已。」果個半男半女既女人聲講。