我係迪士尼俾一班邪惡既卡通人物襲擊: ＃4

離開呢度咁危險既地方，先係最為要緊。

依家大街出面慘叫聲不斷，可以用血流成河黎形容，因為差唔多成條街都係血。

一隻又一隻既手臂，係地下度係隨處可見。

然後一堆人因為太痛既緣故，訓係地下度慘叫，「呀～～～！救命呀！」呢啲聲音不斷係我耳邊環繞著，好似3D立體聲咁，All around you。

係呢啲情況，你唔會再有心去理其他人，唔會話想去救你。





你唯一會諗既，點樣先唔會好似佢地咁。

有好幾個係度跑，為左逃避米奇老鼠既恐怖襲擊，但米奇老鼠s 慢慢行都好似好快咁，因為我見佢地個步伐明明好慢，但佢地好似逃唔過佢既魔掌。

「點...點..點算...好呀？」yuki佢驚魂未定，從佢抖顫既聲線聽得出。

「我都唔知，總之一陣我數三，二，一，我地就一齊向門口果邊跑！」我故作振定咁講。

但我個心係跳得好快好快，我知自己都好緊張，因為你根本唔知下一秒會發生咩事。





我唔想自己隻手飛左去第二度。

Hi，早知就唔黎啦，咁咪無事囉！

「記住，唔好向後望！」有幾快跑幾快，我同yuki講。

佢點一點，然後吞一吞口水，深呼吸左一下。

「好。」





「三！」

「二！」

「一！」
一數完，我地拔腿就跑，我拖住佢用全速跑起上黎。

要經過果架火車站，兩邊都有一個路口可以行，我地就揀左個近我地既路口去跑。

一去到既時候，我就見到隻米奇老鼠拎住把武士刀企左係度。

佢好似無攻擊既意圖，當下我就明白啦。

佢係負責看守呢度！





其實我地根本反抗唔到，入黎既時候已經搜過個袋，唔會俾你帶攻擊性既野入黎。

依家我地俾人襲擊，理所當然我地都無任何既武器去還擊啦。

另一邊都唔洗睇架啦，都一樣係會有人係度看守。

最令我感到可怕既係，有人試過反抗，想逃離呢度，但係唔成功。

點解？因為係佢旁邊，有幾條屍體，一動不動咁平躺係度。

我同yuki見到都呆左。

但不出3秒，我就反應過黎，「走啦yuki，呢度出唔到去呀，我地搵下其他路啦。

我岩岩忽然諗到既係，上面係火車喎，睇下可唔可以係果度走先。





事不宜遲，我又再跑過去，可能我岩岩無顧慮到yuki係女仔啦。

岩岩佢跑到去路口既時候已經係上氣不接下氣架啦。

「你無事呀嘛？」我擔心佢。

「無事…我無……無問題，依家走出去最緊要。」佢明白依家個處境唔容許我地休息。

我見呢度又無人追殺我地，算係安全既，因為依家已經無咩人走動，應該要走既都殺得七七八八。

反而我地依家跑既話，但更加顯眼。

我地依家就蹲係牆邊果度，暫時無人搵到我地。





路口果隻老鼠米奇睇佢個樣都唔敢走架啦，所以我地都係靜觀其變。