[專員≠Hugo] 我係溫文樂，奉命調查一宗垃圾站藏屍案: 三十三

我同呀健以前都算好朋友， 
不過自佢同Hugo鬧翻左之後， 
我同佢都冇再聯絡。 

"ok啦，你呢，點解你會係到？" 
人大左，以前中學時候既恩怨其實早就煙消雲散。 
如果你問Hugo仲嬲唔嬲佢？我諗佢早就放低左。 

"冇呀，探個朋友咁姐。 
聽講你而家當緊差？"呀健問我。 





"係呀，你呢？" 

"我自己開左間公司仔，搵啖飯食咁啦。 
你有需要就搵我啦。"呀健遞上自己既卡片。 

個公司名..有少少熟，我係邊到見過呢？ 
突然，我眼角見到佢條牛仔褲既褲腳有少少污漬。 
可能因為佢條褲太淺色，個撻灰黑色既污漬更加明顯。 





"好呀，有需要就搵你。 
你整污漕左喎。"我反射性咁講左出口，指住佢褲腳既位置。 

"唔該，唔知幾時整到。"呀偉輕輕一拍，輕鬆掃走褲管上污漕既地方。 

咁易掃走？可能係煙灰之類。 
煙灰？定係有可能係...？ 

"係呢，你知道Candy既事嗎？"呀健突然有意無意咁問。 





"你識Candy架咩？"我同呀健係中五之前既同學， 
而Candy係我預科時候既同學， 
理論上，亦係我記憶當中，佢地係唔相識既。 

"咦，我以為你知道，我同佢係同事。" 
============================================================= 

零碎既記憶突然係我腦海中浮現....