[專員≠Hugo] 我係溫文樂，奉命調查一宗垃圾站藏屍案: 三十二

我好快就趕到現場。 
由於人太多既關係，我睇唔清楚發生緊咩事。 
幾經辛苦，我先逼到人群之前。 
我向封鎖現場既警員出示證件。 

"伙記，咩環境呀？"我向警員問。 

"師兄，入面有個年青男人脅持住一個後生女。 
個犯人仲未有任何要求。 
佢拒絕談判，雙方暫時相持不下。"個警員有D緊張。 





我向便行店方向望去，個犯人正正就係頭先撩芷晴既另一個男人。 
當我已經打定輸數，偏偏發現俾人脅持個個根本唔係芷晴。 
我鬆左一口氣，既然係咁，我就交番俾現場既同事去處理， 
專心搵番芷晴先啦。 

呢個時候，芷晴打番俾我。 

"傻佬你做咩留言俾我又唔出聲呀？"芷晴笑住咁問。 





"係咩？我打俾你唔通，可能冇收線掛。 
你去左邊到呀嚇死我喇！" 

"我見你追住個男人，唔通我一個人留係到咩？ 
我番緊屋企喇。你擔心我呀？" 

"鬼得閒擔心你。"當然，我心入面慶幸芷晴冇事。 

呢個時候，身邊個位警員突然拍拍我膊頭。 





"師兄，個邊有個男人望左你好耐，你識唔識佢？" 

我向佢眼視示意既方向望去，只見一個身形高大， 
著黑色衫既男人望住我。 
當我同佢有眼神接觸之濟，佢向我報以一笑。 

"放心，識既。"我拍拍個伙記，之後向個個男人走去。 

"咁到見到你既？最近好嗎？" 
呢個係我中學同學，呀健。