我係喜達,撈麵界既亞視: 黑林頓篇(2)

升中四啦

黑仔同黃俊都升到上理科班,但係就唔同班

黑仔每日小息都會去黃俊班房門口等黃俊

黑仔有次見到黃俊班房有個女孩子

好靚





黑仔心動

黑仔喜歡上依個女孩子

黑仔無同呀俊講,佢每一日等黃俊既時候

佢都會偷望衣個女仔

黑仔終於知道佢叫李嘉欣





嗯..一個好靚既名

黑仔知道佢每一日會搭5c返學,就每一日都係5c既巴士站等佢返來

黑仔知道佢會去聖安娜買麵包食,黑仔亦都會係聖安娜買最平既豬仔包,望住李嘉欣好滿足咁食個奶油椰絲包

黑仔都好滿足

上學期既考試就來到





黃俊搭住黑仔膊頭

『喂兄弟,係時候要幫我補下習喇,加你人工,百五蚊,一場兄弟你幫下我啦』

『哦..哦..哦..好..』

『咁行啦,去打波』

係喇,自從中三黑仔跟左黃俊去打籃球,雖然黑仔都唔算高,只有168cm,但都總算高左好多

黑仔無聽清楚黃俊講野,佢只係望住係小食部食緊燒賣既李嘉欣

黑仔清楚,佢愛上衣個女仔

但黑仔無勇氣同李嘉欣表白





黑仔自卑,黑仔無錢,黑仔唔高,黑仔唔靚仔

自卑心作祟

『黑仔送比你架』黃俊同黑仔係屋企補緊習時候,黃俊拎左一個adidas既背包出來

『..唔得架..好貴架』黑仔耍晒手

『一場兄弟唔好講依d,試下好唔好睇』

黑仔去照一照鏡

『嘩,好好睇呀,好有型呀,多謝你呀俊』





黑仔好肉緊咁搭住黃俊膊頭

『一世人兩兄弟唔好衰野啦』

叮噹!黃俊個門鐘響左下

『咁耐既』黃俊去左開門

『係呀塞車呀』

係李嘉欣,李嘉欣入左黎

黑仔呆左

『哦..佢成績同我差唔多,咪叫埋佢上黎一齊補習囉』黃俊搭住黑仔膊頭





『哦..無問題..一齊補』黑仔心如鹿撞

跟住既一個鐘頭,基本上黑仔都係望實李嘉欣咁補

『唉好累呀』補完習之後,黃俊伸左一個懶腰行左入房

而我就即刻打開黃俊既playstation輕鬆打

打左半場winning之後,我發現黃俊同李嘉欣都唔見左

『唔通佢地落左街』

唔係呀對鞋仲係到,廁所又無人





最後我黎到黃俊房門前

鎖左門

『o拍!o拍!o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o 拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o 拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o拍o 拍o拍o拍o拍o拍o拍o拍o拍o拍o拍o拍』

黑仔開始懂事,都明白發生緊咩事

黑仔著返對鞋,拎起岩岩黃俊送比佢既adidas

黑仔望住個袋

『多謝你呀俊』



『嘩你真係好撚黑喎老闆』蒜粒忍唔住開聲

『都話有名你叫』黑仔點左支煙

『喂咁之後點呀』筷子好撚肉緊

『..筷子都識講野?』

『平時少講姐』

黑仔踩熄左支煙,講落去

呢件事對黑仔打擊好大,之後佢無再搵黃俊

黃俊去佢班房等佢,黑仔都總係話唔得閒,要溫書

黃俊感覺到黑仔唔想睬佢

黃俊開頭都好奇怪,慢慢對黑仔既冷淡不以為然,無再去搵黑仔

反正

黑仔對黃俊黎講只係其中一個,而黃俊對黑仔來講

係唯一

黑仔唔係討厭黃俊,只係唔想見到佢同李嘉欣一齊

黑仔會唔開心



『o拍o拍o拍o拍o拍o拍o拍o拍o拍o拍o拍o拍o拍o拍o拍o拍』

黑仔再過返一個人既生活

無再同人補習

但係黑仔爸爸搵到一份保安既工作,生活總比之前好

黑仔偶然會係床上面想起同黃俊打機既情境

黑仔會一邊諗,一邊笑

黑仔亦會諗起李嘉欣

會考

黑仔考得24分,成績算唔錯,父母都好滿意

黑仔原校升左上中六

同年黃俊去左外國讀書,走之前黃俊去過搵黑仔講佢知

擁抱起上來

『順風』

『黑仔呀..呀係啦..等我返來,你同拍住上』

『...』

『...』

『順風』

黑仔無嬲過黃俊,只係黑仔第一次鐘意既女仔就比自己既兄弟扑,黑仔覺得好奇怪,好難受

係,黑仔從來都無開過口,無人知黑仔鐘意李嘉欣

黑仔後悔

後悔無係黃俊開口之前向嘉欣表白

後悔呢年幾入面無同黃俊來往

黃俊,順風



你們相愛 我和悲傷共生共存
而愛從不由人 對錯不會永恆
但當時我只懂憎恨


中五既謝師宴係半島酒店搞

黑仔無去過半島,無去過尖沙嘴

黑仔爸爸比左三百蚊黑仔買衫

黑仔好開心,同時亦都擔心呢三百蚊會係爸爸既負擔

『當獎勵你會考考得唔錯啦』

黑仔去買左一件湖水藍色既tee,淺黃色既短褲

黑仔覺得好醒神

搭地鐵去到尖沙嘴,黑仔唔識路,足足行左半個鐘先行到去半島酒店

每個男同學都著住西裝,而女同學個個都晚裝上陣

黑仔覺得好奇怪,做乜個個都著到好似無線果d頒獎典禮咁

『喂你睇下佢』

『屌佢短褲仲要襯白襪』

『對襪仲要唔對稱架』

連老師都忍唔住望住黑仔笑

黑仔覺得無做錯

點解一定要扮大人?明明大家只係十幾歲既小朋友

黑仔根據號碼搵自己坐既位置

當晚黑仔被學生會安排左去第十四席

黑仔同校工一圍

十一個校工,同一個黑仔

黑仔拎左杯橙汁飲

黑仔未飲過橙汁,好好味

黑仔全晚無出過一句聲,亦都無人搵過佢影相

包括李嘉欣

黃俊已經飛走左,亦同李嘉欣分左手

李嘉欣著住一條粉紅色露膊長裙過左來第十四席

好靚

『好姐,全叔,我地影張相好無呀』

李嘉欣同校工逐個都影左張相

唯獨是係無同我無影

『hi..黑仔』

『你好呀李嘉欣』

『..』

『喂不如我地影..』黑仔想同李嘉欣影張相

『喂嘉欣我地過去同副校長影相啦』一班女同學過來拉左李嘉欣走

『黑仔一陣我返來同你影』

李嘉欣無返過來同我影相,我亦都無期待過

反正從來承諾我會做到既人只有我父母,同埋黃俊

『唔知黃俊點呢』

謝師宴完左之後

黑仔打算搭地鐵返屋企

『黑林頓,去唔去同大家一齊唱k呀?』林老師問黑仔,但係眾同學則用一個責怪既眼神望住林老師,細聲聲咁講『叫佢?唔係掛』

『林老師再見』黑仔微笑