[農曆七月應節故] 校園鬼故事 - 紅衣女孩: 補完：堅叔被捕後，我們的對話

在堅叔和堅嬸被送往警署和醫院後，曾有以下一段對話。
 
天命叔：「你知唔知，呃人都會增加你嘅怨氣？」
小詠：「吓，你講咩呀？」
天命叔：「唔好扮野啦！堅嬸的靈魂根本唔係訓著左咁簡單！」
陳子鋒：「吓？者係點呀？」
天命叔：「小詠，你呃到晒所有人，都唔會呃到我！我已經講過，靈魂係能量，身體係容器。大部分人嘅身體，只能夠容納到一人份量嘅靈魂。如果短時間嘅話，身體可以容許兩個靈魂同時存在，不過操控身體嘅，只會係其中一個靈魂。」
阿詩：「咁......如果係長時間呢？」
天命叔：「長時間嘅話，就要睇下邊個靈魂強度勁D啦！一般黎講，活人的靈魂，應該係會勁D！能夠自動排走其他外來靈魂！但如果，如果身體持有人應承左借出身體，咁身體會自動交出一半嘅控制權俾第二個靈魂！身體長期存有兩個靈魂，會令到身體負荷唔到，就會好似之前咁，排走其他靈魂。而堅嬸嘅情況，小敏嘅靈魂強度比佢本身靈魂強長期佔領下，會排走堅嬸本身嘅靈魂！相信你地都有聽過，人有三魂七魄。如果俾我解讀，三魂七魄指嘅都係同一個靈魂，只係一個靈魂，由十個零件組成。堅嬸嘅狀況，大慨已經俾小敏逼走左八至九個零件，佢本身嘅人格，大慨只係淨返十分一，所以根本無可能清醒到。」
小詠哭著說：「我夠知啦，我入去果陣已經感覺到，唔通我咁同堅叔講咩？佢可能真係會崩潰架！」




天命叔：「唉，天意如此，就算你俾個假希望佢，可能只會令佢更加絕望，佢總有一日會知！或者佢可能已經知道都唔奇！」
陳子鋒：「唔通真係無辨法？」
天賜：「老豆！如果進行招魂呢？」
天命叔：「我一早諗過啦，招魂係指將一D由身體走失嘅靈魂重新招返黎。或者將一D死後嘅靈魂，召喚黎嘅儀式。但堅嬸嘅靈魂，好大機會唔係走失左，而係俾小敏嘅靈魂吞噬左，消失左！搵得返嘅機會......好低！即使用上十年時間，都未必搵得返！因為可能已經無左！」
陳子鋒：「咁......咁係咪都有機會，只要佢唔係消失左？」
天命叔：「理論上......係，只要有佢嘅生辰八字，我可以係道壇設立佢嘅神主牌，每日上香，試下招唔招到佢個靈魂！但係，堅叔同佢老婆咁多年，佢一定有所察覺，就算招到魂，如果堅叔睇唔開，都係白費心機！」
陳子鋒：「堅叔果邊......交俾我！我會俾到生存希望佢！」