《我獲得一個願望，我選擇左係學校做一次男神》: 第八十五章：終愛

阿明離開左幾個月啦，我亦開始接受到佢既離世，但係當腦海飄過一啲我同阿明既回憶既時候，我都不禁哽咽或者流淚，點都好，阿明同我講要開開心心咁生活落去，我亦不負所託，而家都可以笑面迎人，等待結疤既一日。


今日星期日，見無咩野做，亦有啲興趣返下中學，雖然途中轉學，但係中學都比到好多回憶我...










返到黎中學，人事已經改遷，回憶的確揮之不去，入到禮堂，亦不忘阿明當日點樣係學生會辯論完美擊倒阿軒。




離開禮堂，慢慢行上六樓既班房；以前每一日，午膳時間都係帶飯同班女仔食飯，班男仔就打波當食飯，諗起都覺得搞笑，原來阿明都幾正常，都會男班長啊，阿峰佢地食飯，最得意既就係一返黎班房門口，就望到我實一實，不過我都無咩點理佢，直到我身邊既朋友發覺之後，我就開始留意呢個男仔...








哈，又唔小心喊添，嗯？不如上去天台睇下。




「呼，今日好爽，好舒服啊！」

「我都覺。」

咦？邊個搭嘴？








「阿明？係咪你啊，阿明！」

「你話呢？」

「點解你會係到既？」

「天台係我地盤黎架嘛，點解唔可以係到？」

「阿明...真係你？」

「係。」








「穎心，我欠你一樣野。」

「比少少時間我。」

阿明攞出一盒朱古力，擺係穎心面前。

「我，鍾意你，可唔可以做我女朋友？」

「可以...」我真係好開心，開心到喊，我不斷抹眼淚，費事自己喊得好樣衰。








咦，阿明呢？

點解抹完眼淚就唔見左佢既？

我拾起地下既朱古力，打開朱古力，原來入面有張紙條。




「穎心，我而家係阿拉斯加，想來嗎？：）」

「2016-7-8」





「嗯，再見。」
（將會有後記，敬請期待。）
（如果大家有咩想同小弟講，盡力留言轟吧，我亦接受任何類型既留言。）
（最緊要，如果出書的話，你地會買嗎？最後更新於2019年12月3日）