《我獲得一個願望，我選擇左係學校做一次男神》: 第五十七章：心，明，白了

入左醫院幾日，醫生話我原來神經萎縮，完全無感覺，舒緩左之後，已經可以立即出院，但係依然係唔可以踢波...

「阿明...」

「唔緊要，我會繼續踢落去。」

「唔得！」阿元聽到之後立即大喝一聲。

「場波對大家都好重要，我相信大家，我先會選擇繼續踢落去。」





「你係咪傻左啊。」

「你落場踢只會令自己傷得更深，而且我地成班隊友都會好擔心你，你試諗下我地要睇住你黎踢波，邊會踢得好。」

「你又講得啱...」

「其實你可以做我啲領隊啫。」領隊？

「係啊，領隊都唔錯喎。」





「我唔知得唔得，踢波我就識，教波就真係唔知。」

「洗乜驚喎，咪一樣，都係對住粒波啫，比啲信心自己，當自己魔佬咪得囉。」

「好啦，唯有係咁。」


終於返到香港，心情真係好緊張，今日亦都著得casual，希望阿明見返我會以前既感覺。

但係，而家點先可以揾到佢呢？





「喂，男班長，我係穎心啊，啱啱返左黎香港，你知唔知阿明係邊？」

「唔知啊，你點解會無端端返黎既？」

「咪就係要揾返阿明囉。」

「咁啊，我幫你問下啦，等陣再答你。」




係等男班長消息既時候，我特登返左去中學，望住我同阿明讀既呢間中學，勾起左我唔少回憶。

但係我最記得既都係佢同我表白之後暈左，真係未試過有人表白表到暈，諗起都會覺得好笑；不過時光真係一個壞人，話咁快我就去左英國讀書，有所謂既男朋友，諗起阿明同我約定既畢業旅行，我都未同佢去。







「阿明，我地去放天燈啦。」係路軌上面只有我同阿明。

「但係呢到咁多間舖頭，邊間係好呢？」

「跟住我啦。」阿明諗都唔諗就拖住我隻手行，個陣我真係好開心，而且阿明隻手好暖。

「去邊啊？」阿明唔通之前有幫襯開既舖頭？

去到一間舖頭門口，見到一個滿頭白髮既阿叔，頸上面放左一條毛巾，睇黎阿叔佢都幾辛苦，毛巾上仲有啲唔知係水定係汗既物體；比心機，有付出，係用眼睇得見。

「是不是要放天燈？要快了，不然就下雨了。」





「是，要兩個天燈。」估唔到阿明啲普通話都唔錯，嘻嘻。

「筆在這邊，自己寫完就給我吧，我幫你們的天燈點火。」

「好，謝謝。」

係寫天燈既過程，我地互相對住，大家都睇唔到大家寫咩，雖然我好想睇阿明寫乜，但係睇完，願望就唔會實現架啦。

係兩個天燈上，雖然無夾過，但係寫左相同意思既野。

「阿明，只希望你活得開心，而且係打開個心黎做人。」

「穎心，只想你過得快樂，即使快樂好快過去，但係我願意換取一生既悲痛換你一生快樂。」

一個以為自己好偉大，犧牲小我，完成大我，完全貶低自己。





一個就負心，搞到而家要為人求開心。




究竟阿明同穎心最後都係無法一齊呢？




「我地數一二三就放手啦。」

「一，二，三！」





係黃昏裡面，有兩個不速之客點綴天空，但係天空下既兩個卻無法完整走落去...




「阿明係維園足球場，你過去揾佢啦。」

男班長傳信息比我，我先從夢裡醒起，估唔到自己會係中學附近既咖啡店訓著。




我好緊張，唔知阿明想唔想見到我，原來越黎越近，先知道自己未準備好，我都安慰自己，同自己講見過面啫，打過招呼唔係好難，但係其實我想阿明見到我既時候係笑住。




黎到維園足球場，係眾裡尋他真係難，個個都走動緊，根本無辦法揾到阿明，唯有我行近啲球場，冒著比人射中既危險啦。




我一直行，黎到最後一個球場，我都係揾唔到阿明係球場上既踪跡，我低頭離開，更不幸，我差啲比粒波射中。

「小心！」有個T恤男係我面前用頭鎚頂返粒波返去，我先無比人射中，真係好彩。

「唔該晒。」




「你...」

（明天無法更新，敬請原諒）