《我獲得一個願望，我選擇左係學校做一次男神》: 第四十四章：月圓

今晚個月亮好圓，好多星星係塊黑布上面；團圓，團圓，我同芊雪都唔能夠再次相遇，真係掃興。


好彩而家夠夜，我都可以潛返入去，不過護士見我唔到，應該都知咩事，不過唔理啦，再唔返去就真係以後都係醫院住啦。

「喂，你成個下就去左邊去咁耐，好彩我幫你拖住，先唔洗報警，話時話，你揾返芊雪未。」龍叔係走廊等我，呢個阿叔又幾有義氣。

「未...」

「唉，人總係會失去啲野，如果唔係既話，你都唔能夠嘗試更好既野。」





「講就咁講啫，但係我覺得芊雪已經係最好...」



「嗯...好。」

「好咩？」

「好夜啦，你再唔返去就比人捉架啦。」





「好啦，我返房先啦，出院之後先睇下點啦。」



當阿明回頭返房既時候，在黑夜中，龍叔展示了難得既笑容。

終於去到病房門口，住得耐感覺已經當左係屋企，真係恐怖。

「唉，究竟我幾時先可以揾返芊雪，定係我以後都唔可以見返佢...」





「無機會，以後都無架啦。」點解，點解會有把女聲出現係我間房到架，而且把聲好熟悉，好輕佻。

「芊雪？！」

芊雪衝左埋黎，用緊力去攬住我，我雖然呆左幾秒，但係好快回過神黎，亦都攬住芊雪。

「點解...點解你係到既？」

「Shh，唔好嘈，你把聲好嘈啊。」嘻，好耐無比芊雪攬，好耐無比佢罵啦，好耐都無比佢搣啦。

我地攬左好耐，好耐，大家都唔捨得放手，我都好似以前咁，蹲低啲比芊雪攬得舒服啲；呢種感覺，久違啦！








「對唔住啊...」攬到有啲攰，但係我都無放手，只係講左我同芊雪既第一句野。

「嗚呼，白痴佬，成日搞到人喊先安樂既。」

「衰人，衰人！」雖然芊雪今次無搣我塊面，反而係咁打落我手臂到。




「哎呀，好痛...」

「哼，今次我唔會信你架啦，成日呃人。」睇下邊個贏到最後，呵。

「好痛...」我覺得自己都可以攞視帝。





「喂啊，真係痛？」

「嗯...」我嗚低身，佢完全見唔到我個樣，其實我係笑緊。

「不如我幫你叫護士啦...」哈，傻妹真係中計。

「唔洗...」

「嘻...嘻嘻。」

「衰人！」芊雪揮拳打落我到，呢個係我預計之中，所以我可以純熟咁避開，再次去到芊雪面前，將溫暖帶比佢。








「做咩錫我！」芊雪推開我，我都只係退後左半步。

「衰人，負心漢！唔比你錫啊！」

「真係？」我學芊雪，用返輕佻既語氣問佢。

「...」

係唔知幾耐之前，我地曾經擁抱過，睇落好似好遠，但係我入院同識芊雪都只係一兩個月既時間，雖然過程崎嶇左啲，但係都能夠成就世上最美好既愛情。

呢一晚的確過得好長，我熟悉既芊雪已經返左黎，雖然佢始終都要離開，但係今次佢係會再回來。

「應承我，以後都唔可以離開我。」





「嗯，你都係啊，以後唔準再咁對我！」佢講緊既應該就係我同晨曦既事情，不過已經過去。

「聽日我要見到你。」

「睇下點囉。」




今晚，月亮真係好圓，坐係窗邊，望住個月亮，講左聲多謝你，雖然我唔知同緊邊個講，但係我真係衷心多謝。

今日，我錫到芊雪，係我既榮幸，但係我發誓，從今日開始，只有我一個先可以錫芊雪，亦都只會錫芊雪一個。



「唉，開心到訓唔著添。」雖然係好眼訓，好攰，但係諗起可以見到芊雪，心就不禁興奮。伸手想去隔黎張枱到攞電話玩，但係感覺到有張紙係到。




明：

對唔住，知道就算我講幾多個對唔住，你都係原諒唔到我。

係，我係好賤格，做埋啲衰野，但係我真係改唔到壞習慣。

唔怕話你知，我以前的確係一個援交妹，但係我知道再咁落去唔係辦法，所以我決定努力讀書，最後仲做到護士添。

係呢到，我比第二個對唔住你；一開始，收到你送比我個盒朱古力，其實你本身唔係想送比我，而我亦隨盒收到一張紙，就係你送比第二個女仔既情信，我都不敢相信自己係咁恐怖，將一段美好感情，就咁摧毀左，更加將你搶走，搞到個女仔好慘，我都對佢唔住。




最後一個對唔住，我諗我要調職啦，知道你會繼續留院，不過你都唔想見到我架啦，所以我決定左咁做，希望下一個做你私人護士既會好好咁對你啦；如果你原諒我既話，出院之後同我食餐飯啦，如果唔願意既，我都唔逼你啦，最後衷心祝福你，希望你早日康復。




晨曦字

「多謝...」唔知點解今晚好想係咁講多謝，雖然晨曦呢個人真係好差，但係見到佢有悔意，我都算啦，記仇對身體更唔好，我諗佢以前既生活都好坎坷，如果唔係，都唔會做啲咁卑微既工作...




真係夜啦，再唔訓就無精神見芊雪架啦。