《我獲得一個願望，我選擇左係學校做一次男神》: 第三十九章：放蕩過後便清醒？

「光仔，我愛你。」

「我都係。」


今日係光仔生日，但係今次無搞咩船P，只係同佢食餐飯，然後係銅鑼灣海旁飲野。

望住個海，不自然諗起傷心事...

「喂！你做咩！」大獲啦今次，比阿軒見到我同光仔訓。





「咩啊，我地傾緊計咋。」阿軒嬲到對眼紅晒，衝緊過黎想打光仔。

「停手！」

「你收聲！」阿軒一巴打落我到，我仲比佢打到跌左落床。

「你做咩打我女朋友！」光仔都開始想還擊，但係唔知邊個實力較強。

「女朋友？！佢先係我女朋友，你走開！」阿軒一手撥開光仔，估唔到光仔咁大隻都比人推倒。





「你先係我女朋友，你唔好係到發夢！」


「咩話？！」係門口，出現左一個着住紅色連身裙既女仔，眼神，表情，語氣，都顯得佢好嬲。

「Jessie...點解你係到...」

「你梗係想我唔係到啦！個個係邊個！」





「一開始已經話左我係阿軒男朋友啦，但係而家已經唔係！」我答返個個叫Jessie既女仔。

「你！...」阿軒已經講唔到野，就算講咩都係會得罪我同個個Jessie。

「光仔，我地走。」

「你好野，我記住你，阿軒！」Jessie亦都離開，房間只剩阿軒自己一個，緊握拳頭既佢，比人咁樣罵，對待，點會甘心。



「諗緊咩啊？」

「無啊，覺得望住個海好舒服。」其實今日仍然好凍，只不過多一份溫暖在身，心。

「我都鍾意望住個海架；我成日都諗，第時間屋一定要對住個海，無論係邊都好，望住個海做野，訓覺，咩都好，都會精神啲。」





「我都想...」其實我無諗過要同光仔拍幾耐，一切都交比個天安排，可能一天要分離，但係至少我擁有過。

「我地第時一齊住咪得囉。」光仔搣左我個鼻一下，其實我好憎人搣我個鼻，次次搣完都搞到我打乞嗤。

「嘻。」我唔係真係開心，我好唔鍾意男仔順口開河，話會一齊住，會買車，會點，因為我知道有啲承諾係唔會兌現。

「今日個月亮好靚啊。」光仔挨係我膊頭，從後面睇有啲怪，一個大隻仔挨係個嬌小既女仔到，感覺唔係幾自然。

「係，好圓好光。」

「如果有一日我地失散左，望住個月亮，就會見到我。」好老土啊，不過，月亮真係好奇妙，係黑夜唯一既光，絕處求生。

「聽日我帶你去一個地方，好無？」





「好，阿雪叫到實好。」每個男仔一開始拍拖都係咁，好順攤，覆電話又第一時間覆，但係日久見人心，女人真係如衣服，想覆就覆，想揾就揾，寧願打機都唔想出街，唔想食飯，究竟世界上係咪得呢啲男仔。

「嗯，都夜啦，不如我地返屋企啦。」

「好啦。」

當我企起身既時候，光仔捉住我隻手，我都知會發生咩事，我無反抗，佢將我推到牆邊，在月光見證下，兩人散發無盡愛意。


到左第二日既下就。

「我係醫院門口等你。」我whatsapp光仔，叫佢黎醫院。

「Hi，阿雪，今日做咩黎醫院既，你無事阿嘛？」





「無事，我想帶你見一個人啫。」我要帶光仔見既就係阿明，我都唔知點解自己會咁做，可能係因為想話比阿明知，我唔係無人錫，唔係無人要。

「哦，好啦。」

我知道阿明每次十二點鐘都會坐係花園，話要同個男人傾計，相信佢今日都係個到。



係遠處已經見到兩個白色衫，一個白髮滄桑，一個睇背影就知道係阿明既男仔。「白志明。」

「芊雪？做咩？」見到阿明個樣已經毫無悔意，我對佢死心都係應該。

「佢係我男朋友，叫光仔。」

「哦。」光仔行近同阿明握手，但係阿明完全無視佢。





「你過黎就係特登要同我講你有男朋友？」

「係。」

「我地以後絕無半點關係，亦都唔會再揾你，見到你亦只會當你係陌生人。」

好痛，但係都要講。

「嗯，咁你走啦。」

「咪住，光仔下嘛，過一過黎。」

「咩事？」好彩光仔份人大方，都唔會點憎人，黑人面。

見到佢地兩個已經行左去隔差唔多十米遠既長凳坐低，而我身邊剩低一個中年男人。

「坐低啦，唔洗咁拘謹。」

「阿雪，我有啲野想話你知。」點解呢個男人會知道我個名既？