最後一單大茶飯: 序

90年代係大茶飯事業既高峰。
老笠、綁架、勒索…數不盡既惡行。
係行內既人點會唔知葉繼歡、季炳雄、張子強，佢地根本就係我地行內既表表者。佢地食果d茶飯，根本唔係常人可以食到。
 
近排又有人拍埋戲，叫做《樹大招風》聽過未呀。
 
我最多都係夜媽媽係D窄巷度，拎住把軍刀，成個傻佬咁，問人地要錢定要底褲。Hi Auntie，依家D人要錢都唔要底褲。有d人直情底褲都唔着。果一刻我拎住手上既底褲，覺得自己真係依個行業之恥。
 
查下維基，發現葉繼歡早係阿爺攞返香港之前已經犯案無數。
1984年，佢係尖沙咀老笠一個金行，比班差佬捉到後，借尿遁走左佬。




1991年，佢拎住枝AK出黎掃射，又搶左價值一千萬既金飾。
 
係接下黎幾年，又食左無數大茶飯。
 
1999年，比人判入獄，36年。
 
葉繼歡最後淪落至係獄中受洗成為耶拎。
 
張子強，又名大富豪。我最欣賞依位前輩，因為佢所做既事，係三個之中最轟動，甚至揚名世界。
1991年，係啟德機場搶左間解款車，入面有1.7億港紙。跟住比警察捉左，佢竟然上訴成功，當庭釋放。




1996年，佢竟然挷左李嘉誠個仔，要求同旗下長江基建股票NUMBER一樣，1038，即係10.38億元。如此巨額被列入世界紀錄。
1998年，張子強走佬返大陸，最後比阿爺處死左。
 
季炳雄，末代賊王。
犯下既事蹟同葉繼歡差唔多，所以就唔詳講啦。
最特別係佢比人捉左之後，話人地捉錯人。
不斷話自己係關德興，唔係季炳雄，痴左線。
 
依三位賊王，雖然下場都唔係好好，但佢地既事蹟，已經激發小弟既小宇宙。
我都好想好似佢地咁，食大茶飯食到上報紙，上電視。




果種感覺一定好爽。

好，我決定要成為新一代賊王。我再唔要手上都係底褲，要做單勁既。