最後一單大茶飯: 15

 
「唔通連個天都唔鐘意我？」
個偽毒係到自怨自艾，唔知受左咩刺激。
 
「你地點搞既。古明華過去蘇卡厘(show Corley)。你地睇野啦。」
係後面涼緊樹蔭既搞屎雄講。
 
古明華一言不發，走過黎，汁起偽毒丟係地下既ak。
 
風一掠過，只見遠方豎位係木柱既三個罐，掉低左兩個。




 
我同偽毒J神都目定。
 
古明華霸氣掉低手上把槍。
 
「好心，你地學下佢啦。」
 
「好似好好玩，介唔介意我試下。」小張用佢把溫柔既聲音。
 
「真係希望在明天。小張你等我一陣先，我幫你汁好d罐先。」




偽毒j神一副慇懃既樣，為求搏到小張既青睞搏到盡。
 
不消一陣，三個罐頭又整齊豎立係木柱上。
 
「小張，可以啦。」
「j神，你真係好好人！」
偽毒j神既表情當頭爽晒。
 
「都同你講，希望在明天假啦。」
「都唔知你係到up咩？」




 
小張嘗試拎起把槍。
 
「原來咁重既。」
「太重就唔好勉強啦！」偽毒jason十分關心咁講。
 
睇黎佢已經被搶，佢既心己不翼而飛。
 
此時，小張已經用非常標準既姿勢。
左手托起槍口既位置，槍柄則用右手膊頭靠住。
 
一眨眼，砰砰砰，接著係鐺鐺鐺既金屬聲音，
三個罐頭都比子彈穿過，而落係地上。
 
人果然不可貌相，即使係一個係一朵美麗花，一唔小心，




都會比佢既刺親。
 
我好似一D碎左既聲音，並唔係罐頭丟落既聲音，而係類似玻璃既聲音。
 
「我的媽噢。」
只睇到偽毒j神，人不似人，鬼不似鬼。
佢既心已經徹底比人踩碎左。