最後一單大茶飯: 12

唔晒比人打都咁sad，睇佢病既程度都幾深下。
「hi，今日咁黑仔。」
「如果唔係遇到你，事情唔會變到差囉！」
 
「我食住人地d貨，原本比人打下，比佢地消消氣，咪無事囉。」
「依家你咁樣走出黎。」
「依鑊，人地一定以為我拎左佢地d貨。」
 
聽下佢講。發現依位偽毒先生，諗既野又幾全面。
我知道，我眼前既人一定係一個不可多得既人才。




 
「喂，有大茶飯食。你食唔食？」
「下！」
偽毒既表情好似比我口出之言剌中左佢個心。
 
「坦白講，你係唔係係青山跑出黎？」
 
「我諗往遲D去持祴打劫。」
 
「你認真既？」




 
「當然啦。」
「我點信得你過？」
 
「我係搞屎雄d fd。」
「行內人都識搞屎雄假啦。」
 
「我帶你去見佢囉。」
「就咁話啦。」
 




偽毒既眼發亮，而我不知道佢既眼色究竟係因為開心又得做大茶飯，抑或係其他事情而發出既。
 
就咁我帶左佢去見搞屎雄。
 
「我未話未搵到人。你唔需要咁心急喎。」
「唔係摧你呀。我搵到一個人才呀。」
 
「就係你隔離果個？」
「無錯。」
 
搞屎雄用凌厲既眼神打量佢。
 
「我係街道佢食左D MK仔既……」
話無講完，偽毒就插把嘴過黎。
 




「雄哥我至小已經好憧憬你既啦。」
「我都想成為好似雄哥咁既賊王。」
 
個偽毒把嘴油到媽都唔認得，滿口鞋油，係到猛咁幫搞屎雄擦鞋。
依條偽毒果然唔簡單。
我無搵錯人。
 
只見搞屎雄一面既愉悅。
可想而知，偽毒已經成功伸隻腳入黎依個大茶飯。