《執劍》: 第一百四十九章－－開戰（二）
第一百四十九章－－開戰（二）
知道戰爭已經開始，眾人亦不得不收拾心情，專心面對，可是，真鳳卻是心事重重。
「真龍族族長同鳳凰族族長將咁強大既強兵交托比我，並且希望我可以帶領其餘族人生存，我唔會令佢地失望。佢地應該會好似文山同子遠咁黎到香港萬事妥搵我地，所以我地一定要保持一個良好既聯絡方法。」真鳳認真地說著，雖然他未曾見過姚天和呂狂，可是亦感覺到他們的豪氣和對族的驕傲。光是為著族人而犧牲自己的歲月，便可印證他們的俠氣。
「放心，我係之前已經將一個小型人造衛星發射上去，足夠我地聯絡同互相定位，當中更加用左多重加密程式，只有我地既電話同輸入密碼先可以使用。」明鋒說得輕鬆，然而其他人都知道這不會是一件易事，光是要尋找人造衛星的適合位置，如何發射上去，裝備，配置等等已是超越他們能夠做到的範圍。
「但有無人知道小冰係邊？」作為執劍會長的真鳳豈會不理會當中的任何一個人，而且真鳳早已視執劍為家，待他們每一個人都猶如親兄弟姊妹。
「我地只係知道佢返係中國既鄉下，希望唔會被之前既核爆所牽連受傷。」電王憂心地說著，心中閃過新聞所報導的樓宇倒塌事件，尤其中國出現兩處大型核爆，讓其中的房屋都嚴重受損。
「不過我地唔可以企係道等，留條字條同一部電話比佢。噬魂者其中一個重點計劃，就係要施下召龍陣，所以我地要快一步比佢地搵到骸血龍頭骨。你地知道噬魂者既能力嗎？」明鋒眼帶銳光說著。
「噬魂者既能力？」眾人異口同聲地說。
「嗯。係聖盃戰既時候，噬魂者一共有八人，但係正面戰鬥既，只有但丁、慾、怒、嫉同傲，呢五個人既戰力強悍，而另外三個人一直躲藏，作間接戰鬥，即係惰、婪同食。所以我地一定會知道佢地既能力，先能夠作最好既準備，逐一殺滅，削弱佢地既戰力。其實我將十個人造衛星發射上去，只要佢地使用能力，我應該可以追蹤同分析。」
「噬魂者並非代表無敵既存在。」電王一臉英氣地說著，不知不覺，他從最初稍為幼嫩的男孩，成長了許多，成熟了許多，變成現時其中一個最可信賴的伙伴。「大家要相信自己，一直維持心中既信念，將噬魂者打敗！」
明鋒補充說著：「大家記住，今次我地主要既敵人只有世界政府同噬魂者，次要敵人係東尼一派。世界政府希望對門者界趕盡殺絕，將自己勢力擴張入黎，所以我地唔可以坐視不理；噬魂者目的係毀滅世界上所有國家以滅絕一切困擾既規則，所以我地都無可能唔阻止佢地；至於東尼一派，雖然未有確實證據，但係依東尼等人一直以黎既計劃，最大可能性就係佢地打算創造一個門者既國度；至於宋龍一派，雖然佢地都係希望維持現況，不過依宋龍先前講過既野，連成同盟既可能性唔過兩成，所以我地最有機會同盟既就係梵蒂岡。就係咁。」
「你之前都有提及過，唉，真係可惜，同宋龍等人做唔到同盟。」真鳳輕輕搖頭道。「但係我地同莉娜同伊諾夫，應該可以做到一同抗敵。」
「去到搜尋既時候，需要分隊，由你自行分配，我去準備少少野。」話後，明鋒便轉身離去，下去樓下室，進入自己的房間，準備著未來會用到的東西。
真鳳看著他們，執劍從當初十個人，變得九個，變成七個，此時依然站著的只有五個人，心中又是一陣突然的鬱悶。「我地只有五個人，明鋒、電王同我都係初階三門者，而小倩同若霖都係高階二門者。搵骸血龍頭骨，我同小倩一隊，電王、明鋒同若霖三個一隊，大家一定要保持聯絡。」
「無問題。」他們都拿起明鋒先前放在桌上的衛星電話。
真鳳笑得燦爛，溫柔地細看著小倩雪白可愛的臉蛋，然後他便望向其他三人。「咁我地等埋明鋒，我地就會出發。」
「噹噹噹⋯⋯噹噹噹⋯⋯」真鳳感到奇怪，心中想著萬事妥的人怎會用上這個單線電話，難道有什麼大事發生。
「喂，我係真鳳。」
「真鳳，我係華叔呀。美國發生左好大件事呀，成堆話自己係自由夢鬥士既門者突然發難，將華盛頓好多政府建築物都破壞晒，睇黎鋒仔之前講既大戰就黎要開始，大家要小心呀，知唔知呀？」華叔滄桑的聲音說著，令人份外感到溫暖。
「知道啦華叔，你都要小心。嗯，再見。」
當真鳳放下電話之時，明鋒也走了上來，他揹著一個大背袋，看似極為沉重，真鳳也猜到那是什麼。「各位，美國華盛頓發生左門者破壞事件，不過佢地所破壞既全部都係政府建築物，佢地自稱自由夢鬥士，就連普通警察都阻止唔到佢地。東尼佢地到底係道做緊咩？點解可以完全唔理？」
明鋒反而氣定神閒地說：「果個只係噬魂者第二波攻擊，東尼佢地應該會聽取亨利所講，容許噬魂者不斷破壞，逼世界政府派人出手，只要佢出手，先會有破綻。我地出發啦。」
「嗯。」真鳳無法接受這種說法，可是也沒有辦法阻止，可能，對抗暴力，就只有暴力。
「依我推斷，骸血龍頭骨身處南美洲可能性接近六成，所以我地會去南美洲，準確黎講，係烏拉圭。據真龍靈錄所講，大約係烏拉圭既地方有條叫做古龍村既村莊，好有可能，入面盛載既就係骸血龍頭骨。」明鋒淡淡地說道。「大家帶齊自己裝備，因為噬魂者好有可能會派人跟蹤我地。」
「咩話？跟蹤我地？」小倩的反應極大，因為先前對付惰已是九死一生，如果對付其餘的噬魂者豈不是自投羅網。
「所以如果搵到，請大家破壞佢。」明鋒若無其事地走到門口前，彷似很大機會會遇到的噬魂者只是街邊的路人。
「大家等我一陣。」真鳳叫著，然後他把斯龍以前放置大家一同玩樂相片的掛板拿開，出現一個約二米深，一米高，一米闊的夾萬，輸入密碼之後，他就把龍嚎和鳳鐲放在裡面，再關門鎖著。他轉身望向大家，說著：「我仲未有資格駕馭佢地，唯有放係值得我地執劍最珍惜既地方啦。」
眾人聽到都會心微笑，那裡的相片可是他們執劍最寶貴的回憶，可一不可再。那裡的相片，風仔和斯龍依然健在，明念也依然開懷大笑著，殘影依舊站著。