《執劍》: 第九十五章－－變天後的九大組織會議（四）

第九十五章－－變天後的九大組織會議（四）

壬生二介的發言令真鳳和彼得都感到十分無奈，加上他的一票，這議案就代表著已獲得通過，無論餘下的票數是反對或棄權。

壬生二介的舉動亦令真鳳心中正在想著到底他為什麼會欣然接受挑戰。隨著門數和階數的上升，階與階之差別就會變得更大更大。亦即是，中階二門者和高階二門者的戰力差遠遠比初階三門者和中階三門者的戰力差小。「唔通佢有技能可以拉近一階之差？」

「果然爽快，不愧係壬生一郎既親兄弟。」東尼想起壬生一郎，便怒火中燒。當日於南極的秘銀被盜一事，必定是壬生一郎在背後指使。當然，壬生二介亦定必有負責指揮行動。雖然議案已經必定獲得通過，但投票過程必需完成，才能生效。「反對既，請舉手。」

真鳳眼看如此，就知道無論投下反對或棄權已無意義。同樣的，彼得亦是。二人都沒打算舉手，打算投下棄權票。





「我反對。」聯合門的莉娜在此時發聲，亦喚醒了真鳳。她所投下的反對票，不單只是一票反對如此簡單，這是一種態度，亦是一個訊息，告訴所有人聯合門並不同意以東尼、戴安娜的方式去作出所謂的對抗。

即使沒有用，但依然要為自己而發聲。真鳳亦舉起了手，以一個堅定的眼神傲視他人；彼得亦在同時說出反對。

而剩下的人則投下了棄權票。

「希望大家能夠真正齊心協力，一同對抗噬魂者。基於先前所通過既提供噬魂者情報議案，我有一個小小既疑問。」東尼以一個極認真的樣子望向在場的人，然後，他突然望向真鳳。「係有關於執劍既幹部。」

真鳳聽到東尼的說話，不禁作一深呼吸，馬上回想起明鋒在先前跟他所講的說話。





「真鳳，你有冇睇到噬魂者既通緝令？」明鋒把原先留在圖書館中的真鳳叫到地下室與他單獨討論九大組織會議一事，而同在基地中的電王他們對真鳳和明鋒最近的單獨約會已習以慣常，所以依然在自行修練。

「有，但係可以確認到既，只有露面既幾人，但丁、怒、傲、嫉同慾，至於其餘三罪，東尼話因為只有佢地逃跑既時候先有現身於高空，監察系統無法將佢地樣貌放大。」真鳳知道明鋒希望和他單獨說話，必定是因為重要的事項。

「露面既人，樣貌同行為都被錄低，因而製成通緝令，東尼能夠係第一時間拎到所有資料，証明佢係聖盃城地位一定好高，因為我地亦試過以執劍身份向聖盃城既人進行交涉，結果無功而回。所謂地下勢力，好有可能只係一個掩飾，極有可能，東尼早已係暗中成立唔同既組織。先唔講東尼既事，今次我想講既，係呀哥既事。」明鋒提到明念之時，眉頭輕輕一皺，然後就回復如常的面無表情，就如一個機械人一般。

「你意思係？」真鳳思路仍未及明鋒，而且二人關係極為密切，所以先不作任何的推測，直接了當問明鋒。

「既然監察系統將噬魂者既樣貌拍低，同時，一定拍低左呀哥當日所做既事。噬魂者現身既日子，亦係呀哥暴走既日子，兩者既吻合，足以令人可以懷疑執劍。再加上，你並唔係世上最強的九人之一，對東尼而言，執劍暫無一個力既威脅，所以東尼好有可能會動用唔同人事去攻擊執劍。而且東尼最終目的，好有可能係要將九大組織變成六大組織，進一步加大佢係門者界既影響力同佔有力。」





真鳳才剛上任，便馬上要應付這些煩事，令本已需要不斷記下資料的他更感頭昏腦脹。「明鋒，咁我地應該點做好？」

在力方面，真鳳身上的靈力，再加上由血統而繼承的真龍之力，還有那未掌握到的鳳凰之力，或許遠遠勝過其他人；但於智方面，執劍之中，無人能及明鋒，不論思考速度或深度、記憶能力及觀察力。

「噬魂者既然擁有向世上最強的九人挑戰既資格，而且但丁既戰力應該比我地想像既更高，但佢到宜家，依然未作出任何行動，証明佢畏懼政府擁有既科技力量。門者界、政府勢力、噬魂者，世界三方既勢力。如果但丁可以拉攏門者界既勢力，佢就有足夠力量去對付政府勢力，甚至滲入，從中瓦解。」明鋒的手指再次舞動著。「當我回想起當日既情境，東尼身上雖然衣服破爛，但其實受傷唔大。」

「明鋒，你意思係⋯噬魂者想拉攏東尼？」真鳳深知東尼在門者界的影響力，即使經過噬魂之亂後，依然有一群人士支持著東尼。俗語有云：爛船尚有三分釘，而且他的演講技巧及吸引力的而且確讓人感到佩服，要是他暗地裡加入噬魂者，難保他將會令大部份門者都在世界叛亂。

「但丁唔係衝動既人，而且一定心思細密，如果唔係，依佢既實力，一早已經將門者界翻天覆地。佢要借助門者界既勢力，去毁滅全世界既政府，所以佢應該唔只拉攏東尼一人，就連人脈極廣既莉娜、同埋城府極深既宋龍都好有可能。不過東尼被噬魂者拉攏機會最高，可能性至少有七成，所以我去左借當日東尼同慾打鬥既影片。」明鋒一直分析著。

「但係東尼都唔係蠢既人，佢一定動用佢既勢力去銷毀果段影片。」

「所有監察系統，都總會接駁一個總伺服器，只要段影片係伺服器出現過，無論佢點樣刪除，我都有方法令佢重現。」明鋒在他單薄的黑色大衣內拿出一個光碟套，套內裝著一隻常見的光碟。「我已經借左段片返黎，除非對方有同我同層次既電腦知識，否則根本唔會有人發現有人入侵。即使有人發現，都追蹤唔到我既位置。你睇完段片，就會知道我推測既可能性至少去到九成。如果係會議之上，東尼真係會用呀哥作為攻擊，東尼呢一段片段，就係我地最大既反擊。就係咁。」

這就是智的力量，明鋒就如擁有預知能力，在事件未發生之前，便準備了一切的對策。





在會議之上的東尼，正打算步步進逼之時，真鳳便先發制人，背後的明鋒亦專注留意東尼的反應。「東尼，係呢一件事上，我都好想問清楚你，到底當日發生咩事。最近執劍收到一封匿名信件，信件入面只有一隻光碟。而光碟入面有一段影片，就正正係東尼同噬魂者既慾當日戰鬥既片段。」

真鳳兩眼帶著怒氣，說出先前明鋒所講過的說話。「東尼，你到底同噬魂者係背後達成左咩協議！」

真鳳此話一出，全場的人都不禁望向東尼。「咩話！」

東尼雙目極為驚訝，心中正想著到底是誰有能力陷害他，整個人突然陷入無盡的愕然，任他如何思考，都不會知道真鳳所謂的匿名信件只不過是一個謊言。

而明鋒在這時亦捕捉到他下意識的動作，東尼下意識地望向了奧塞斯和戴安娜。