《執劍》: 第八十四章－－被隱瞞的歷史（一）

第八十四章－－被隱瞞的歷史（一）

諺語：「人不可能十全十美，但可日求進步。」
People said, “human beings are not perfectible. They are improvable.”

以單獨一人與斯龍和卡洛斯對抗著的但丁，淡然地說著：「規條，令你地一直處於和平，再無辦法經歷生死戰鬥。咁樣既你地，係無可能贏到我。」

卡洛斯依然揚起聖靈氣勢盡力對抗著但丁強大滔天的魔王氣勢。「我地只係遵循神既旨意，為大地帶來安定同和平，宣揚神既大愛，好似你咁既魔鬼，係唔會明白當中既偉大！」

「神？」但丁聽到這些字語後，面上首次出現了一些改變，那是一種絕對的鄙視，帶著種濃厚血腥的殺意。「如果呢個世界有神，咁佢一定離棄左呢個世界。如果呢個世界有神，咁佢應該後悔創造左我。即使神企係我面前，我都會毫不猶豫虐殺佢。」





「呢個世界的確有神！我亦係受到佢既感召，先能夠成為中階三門者，默默為梵蒂岡帶來和平穩定。」卡洛斯說話時帶了幾分傲氣，證明他的確相信他的神。

「但丁，你到底目的係咩？你已經成為左高階三門者，你真係想毀滅呢個世界？」擁有著霸道氣勢的斯龍一刻都不敢輕視面前的但丁，視線更一剎都不敢離開那一個危險的瘋子。

「萬斯龍，係世上最強的九人當中，你係唯一一個我係從心底敬佩既人。講得出，做得到，絕不食言，但你依然被唔同既規條限死，同當年既鄭千闕唔同。」但丁彷彿回想著十多年前的回憶。

「千闕！」聽到這個名字之後，斯龍心中的怒氣倍增，那霸道氣勢更顯旺盛，那霸氣像瘋狂般湧出，竟把那魔王氣勢推後了一點。「係你捉走左千闕？」

看見斯龍的變化，但丁眼中多了一分賞識。「原來你依然擁有當初既強大，同高階三門者只差一步既你，好有可能係九個之中，最快升至高階三門者既人。」





「我問。」斯龍的氣勢霸道得不斷逼開但丁的魔王氣勢，即使但丁依然一臉輕鬆模樣，但雙方暫且各不相讓，互相對抗。「係咪你，捉走左千闕？」

「你地九大組織一直隱瞞門者界一早就有高階三門者既事實，更因為世界政府威逼利誘，令所有初階三門者全部變成一隻隻既棋子，真正戰鬥既機會少之又少；更甚，連你地自己都甘願變成一隻棋子。每人都有自己既牽絆，所有高階三門者，因為能力過於強大，會被世界政府一直監視，而且會用核彈作出威脅，一但走出一定範圍，就會進行滅族。有如真龍族族長、不死鳥族族長等等，就係因為佢地深愛自己既血統，深愛自己既族人，只能夠一直過住表面風光，但實際軟禁既生活。」但丁感受到他們的悲傷，語氣之中亦滲著一種輕輕的哀愁。

但丁輕輕搖頭後，便續道：「世上最強的九人呢一個稱號，只係一直企係幕後既世界政府磋商過後，賜比你地呢九個係大清洗過後剩餘既中階三門者，並且要你地保守呢一個秘密。呢個就係九大組織既第零誡，難道我有講錯？」

斯龍和卡洛斯都感到了愕然，因為這些事情本應是只有當時擁有世界政府和他們九人和真正的世上最強的九人知道。兩人心中都不斷思考著到底他是如何知道這一個一直被埋藏著的秘密。

「即使係高階三門者，都敵唔過幾枚核彈既威力。自從第一枚核彈出現之後，世上九個傳說中既高階三門者相繼消聲匿跡。只有從未嶄露於世既人，先可以倖免。」但丁將那被隱瞞的歷史公開地說出來，只可惜沒有其他常人可以在恐怖壓人的魔王氣勢底下清醒地聽到這番說話。「而千闕，就係九個傳說之後，第一個成為高階三門者既人，我只不過係第二個。」





卡洛斯再也按捺不住，向但丁問道：「但！丁！你到底想點？」他對但丁的資料是零，但丁卻對他們瞭如指掌，光是這樣就能夠分清之間的差距。

「呢一個世界本就係弱肉強食，有能者居之，偏偏身為三門者既你地要做一隻縮頭烏龜。」但丁打開雙手，轉身遙望著整個地下大城，背著斯龍和卡洛斯二人，彷彿不把他們放在眼內，從未害怕他們會作出任何的突襲，而在但丁的說話之中，不難讓人感到他心中那種徹頭徹尾的失望。

但丁再突然轉身瞪著二人，那徹底的失望轉化成了激烈的憤怒。「你地真係想繼續隱瞞呢個世界？隱瞞呢個世界既歷史？永永遠遠咁做一隻政府既門口狗？」隨著他的話語，那魔王氣勢再度壓著他們二人，頓時，他們身邊的空氣像被抽走不少，就連普通呼吸都有比原先更加困難。

「政府既走狗？我所做既野令更多門者可以得到公平待遇，唔會被其他人打壓，而唔係好似你所睇咁簡單！你既講法同做法，根本就係自私到極！你只講求自己既益處，無諗過其他人到底會點！」斯龍咆哮著。

卡洛斯亦怒得吼出來：「你知咩叫做大愛？神愛世人，但只懂得破壞既你地，到底為世界造成左幾大既破壞？」他搖身一指先前被怒所擊碎的觀眾席。「只係剛才你同伴既一擊，已經令幾十個家庭破碎。唔通你又認為你地咁樣做就為世界帶來好處？破壞秩序，殺害生命，我願意擔上呢一個角色，唔係要做咩走狗，而係要令世界帶來穩定！」

二人的氣勢一直與但丁的抗衡著，光是氣勢激烈的比拼，已經令厚實的注靈玻璃開始破裂，風雲變改。

「穩定？神愛世人？公平？」但丁目露凶光，雙眼變得像刀鋒般銳利，帶著那些殺意回應著他們的說話。「規條係金錢既遊戲，法律係權勢既傀儡。睇黎你地既銳氣已經慢慢被磨平，變得同平常人一樣。我以為站係最高既你地，可以睇得比其他人更加清楚。即使係你地，都改變唔到呢個所謂公平公正既荒謬世界。」





「我今日出現，係要改寫歷史。日落之後，九大組織將會改變，世界勢力不再平衡。」但丁一步，再一步，向著他們二人走近，那殺意帶來的恐怖壓力經已令斯龍和卡洛斯變得極之緊張。「我將會毀滅世上一切規條。即使，要我將整個世界摧毀，都在所不惜！」

「所以，一係我地兩個戰死，一係你被我地打低。對嗎？」卡洛斯帶著極之凝重的語氣質問但丁，只見但丁點頭。「神呀，請你再次賜予我力量，將但丁趕回地獄，清淨人間！」

斯龍暗暗由自己先前的預感想著，彷彿，他自己這就是他的最後一戰。「但丁，或者人性可以好醜陋，好黑暗，但當人覺悟後，產生既光輝就足以驅走所有黑暗！」

但丁只淡淡回應著：「人性既光輝嗎？趕回地獄嗎？我，一直都身處於地獄。」