《執劍》: 第五十章－－聖盃戰前夕（五）

第五十章－－聖盃戰前夕（五）

「明鋒，如果係你，你會揀咩人出戰？」身於高位，就不能被自己情緒影響，所以斯龍調整自己的心情，回到基地，詢問著明鋒的意見，此戰，要勝。

「小倩、真鳳、電王。」明鋒毫無猶豫地說出。

「鳳仔嗎？」斯龍聽後都不禁嘆一嘆氣。

「總監，其實你係咪應該要放手，比真鳳好好咁真正成長？」明鋒依舊目無表情地說出。





「哈，始終都係比你發現左。」斯龍只是輕輕苦笑一下。

「同天狼星對戰既時候，你打完之後就即刻衝去真鳳身邊；面對住唔同既軍人，你都不自覺咁擋係真鳳面前；係果晚你去左偵查既時候，你返到黎，都係第一時間檢查真鳳有無任何傷勢。唔通你認為我會留意唔到？」明鋒那一張沒有表情的面孔令斯龍頓時不知該如何回答。「放心，我唔係妒忌，只係我覺得真鳳比起我地所有人擁有更大既潛力，如果你要一直保護佢，佢就無可能成長。記得佢同電王對打嗎？佢係瞬間將電王既技巧複製，既然如此，你就更加應該比佢有更多機會磨練，否則，佢呢世都唔會成材。況且，我唔認為佢會死。」

「你意思係？」斯龍清楚明鋒不會說些廢話，而且所說之話皆有原因，所以對他說真鳳不會死有著十分的好奇。

「當日真鳳展示既鳳凰之力我都感覺得到，好有可能，鳳凰係佢受到死亡威脅既時候就會出黎守護真鳳。而且，真鳳係唯一一個將真龍族同鳳凰族血統完美結合既人，既然鳳凰會保護佢，咁真龍呢？唔通真龍又會袖手旁觀？真鳳既存在就好似被上天眷顧一樣，擁有巨大既力量，擁有強大既血統。或者呢個係命，或運。就係咁。」

「可能你講得岩，其實我心中所揀既人選，同你一樣。」斯龍心中想著。「千闕，從今起，我就會放手，比鳳仔好好去闖。哈哈哈，可能佢會追趕得到你既高度。」





斯龍有了最後的決定，就只能希望真鳳能夠一直平安，他已長大成人，那時與千闕的承諾都應該已完成了。

「龍叔叔，咁急叫我地返黎，係咪已經有風仔消息啦？」真鳳他們打開那道門，快步走進基地內。

斯龍嘆一口氣，輕輕抬頭。「風仔，已經確認過左身，佢係比一個火靈力者殺死，而呢張相，係唯一現場留低既證據。」

所有人聽到這個消息，都低著頭，有的哭著，有的握緊拳頭。雖然他們都知道風仔突然失蹤凶多吉少，但至少在證實去世之前，仍然存有一絲希望，希望他可以全身而退。

而至於小倩，當她聽到風仔已死的消息，兩行淚水就慢慢滑過她的面頰，對小倩而言，風仔不只是一個戰友，更是自己的救命恩人。要不是風仔把自己罵醒，或許自己就會一直沉淪在那股瘋狂的力量之中，而且風仔是一個非常溫柔的男人，一直都會照顧所有人，為著別人著想，他的能力－－控風亦十分強大，有著很好的發展。





對於風仔的離去，無一不感到婉惜。斯龍等所有人哭了一陣子後，就再次講話。「大家，我知道大家都好傷心，風仔係個好好既男仔，真係好可惜。不過我地一定要繼續堅強走落去。聖盃戰將會係下星期開始，殘影昏醒，風仔過身；所以我決定用真鳳同電王去代替佢地，你地要有心理準備，好好準備一下。呢次聖盃戰，為左執劍，更為左風仔，一定要贏！仲要贏得好好睇睇，直接以力量震攝世界！」

真鳳和電王聽到自己將會代替殘影和風仔出戰，就知道自己已被委以重任，而且風仔和殘影因這事才會傷亡，想到這裡，他們就知道他們沒有輸的理由。他們背負著執劍之名，更背負著風仔和殘影之名去作戰。

真鳳不禁大叫：「一定要贏！」其他人亦隨著他的叫聲歡呼，基地之中一時叫聲不斷，士氣高漲，如果風仔看到這個場面，一定會感動得哭起來。

另一邊廂，於美國的一個山洞內，一名叫做但丁的男人詢問著七名男女。一名叫做傲的人回答：「但丁大人，煉血石一事已經開始，而且已經係非洲、越南同墨西哥三地秘密進行，亦有打算開始係美國同中國境內暗中煉血石，始終呢兩個地方大，人多，唔知但丁大人意下如何。」傲雖然天性高傲，但面對著但丁卻是無比的尊敬。

但丁輕輕思考一下，就說道：「可以，只要唔比人發覺就好。色，聖盃戰幾時會開始？」

色依舊美艷動人，擁有著無比吸引力既身軀。「嘻，但丁大人，聖盃戰將會係下星期開始，地點同上屆一樣，將會係秘魯塔克納既地下大城。呵，但丁大人，你突然問起聖盃戰，唔知係咪有所行動呢？」

但丁一笑，輕輕說著。「七罪，既然世界已經知道我地噬魂者既名字，血石一事亦都開始進行，今屆聖盃戰，我地就去比個驚喜佢地。比佢地知道，我地到底有幾強大，我唔介意你地可以活捉或殺死任何眼前既人。決賽之時，就係噬魂者出現之時！」

七罪同時說道，「知道！」當中有幾人更加感到無比的興奮，想到屠殺門者，想到殺死偽善者，把自己一直隱藏著的實力盡現出來。那個山洞內，充斥著極度邪惡的氣色。





「就等我地一齊拉開序幕。」