《執劍》: 第三十一章－－伊拉克，第一夜（四）
第三十一章－－伊拉克，第一夜（四）
呂蒙正：「時也、命也、運也。」
明鋒知道，那些軍人所持有的重裝備足以令他們全部碎屍萬段，單單是抵擋數個手榴彈，就足以令明鋒明念的靈力清空，實戰經驗讓明鋒知道，只有三門者的靈力才開始能夠抵擋子彈，但一來在場的三門者就只有他們兩兄弟，無可能能夠在槍林彈雨下保護眾人；二來以他們初階的靈力，仍未足夠抵擋近距離射出的機槍子彈，只有達至三門中階的靈力才可以無視子彈，亦即是執劍的最強－－斯龍！
雖然如此，每次抵擋子彈亦會消耗靈力，假如在整隊重火力的軍隊面前，所有門者都只不過一個能站得比較長時間的普通人，除非達至那傳說的高階三門者或以上。
在軍人趕來之前，數下爆炸聲音不斷出現，看來是他們試圖以迫擊砲轟開一個大洞或者擊碎剛才明念打開的暗門，讓他們能夠以重火力強行擊殺門者兵團。那名指揮官在他們的通訊裝備說話：「照訓練咁做，對付門者，就只有連續既重火力，令佢地無辦法使用靈力。兩發榴彈炮之後，如果一見到有位進入，全部撙彈手扔一個手榴彈入去，如果見唔到，步槍手去搵返岩岩佢地打開既出入門口，輕機槍手做掩護。」全部軍人以手勢表示明白。
「各位，我先前之所以提議主動擊退軍隊，係因為我確信總監會係短時間內返黎，我確信總監會無論係咩情況之下，都會返黎呢道，同我地會合。亦因此，先要擊退軍隊，否則，總監係返黎之後，將會面對二個情況，一，為左返黎呢道，強行一人面對十三名軍人；或者，佢會等待軍隊離開。但無可能係後者，他用手指指向天花。」真鳳、電王同明念望一望去，才驚覺用鋼板所做的天花已經開始扭曲，看來已再捱不到五次爆炸。
「總監好清楚鋼板可以承受得到既威力，所以為左救我地，佢一定會選擇前者。對唔住，係我令大家陷入困境。係我一時大意，無考慮過指揮官可能係門者。」明鋒向他們道歉，正想鞠躬致歉之時，真鳳阻止了他。
「傻左咩你！岩岩個計劃我地四個人都同意，我地都有責任，況且，我知道我地每個人都深信龍叔叔會返黎，咁就係佢返黎之前，用我地既力量，守護我地背後既同伴啦！相信我地自己！相信身為執劍既我地！」真鳳的這句說話令被壓迫感逼得焦慮的三人望向在一旁的同伴，曾出生入死的伙伴，能夠互相信任的朋友，那份焦慮在那一眼，豁然消失了。
「哈哈，你講得岩。就用我地既力量，好好守護佢地啦！」電王望到倒地的小倩，回想起先前斯龍的說話，心內只想著我要守護著自己珍惜的人。
「哈，你岩，我地係執劍，九大門者組織之一。」明念重燃戰意，眼中的堅定猶如鋼鐵。
「我地唔會係呢道團滅，我地係執劍！」
「真鳳…我…我好多謝你。」明鋒閉上雙眼，呼了一口氣。「既然大家都有決心一戰，咁我講下宜家分析。連續既爆炸聲，証明佢地想強行炸開一個洞，可以令佢地出入，但我相信呢個情況唔會連續，因為就算迫擊砲又好，榴彈砲又好，一班軍隊無可能攜帶咁多彈藥，所以如果比佢地炸開左，佢地就會第一時間扔手榴彈入黎，配合其他機槍手同步槍手，以重火力壓下我地；如果炸唔開，就要搵返岩岩我地打開既暗門，再用返相似既戰術。因為對付我地，只有重火力呢一個方法。」
「如果係前者，我地就扔我地既手榴彈出去，打亂佢地陣腳，之後就拼死一戰，佢地總共有十三人，三組火力組加上一個指揮官。我地岩岩好有四個人。真鳳、阿哥、電王，有冇信心以一敵四？」
「哈哈，細佬，無信心都要一試。就當測試一下自己實力啦。」明念笑言。
「我相信自己，守護他人既力量。」真鳳眼眸閃了爸爸千闕的笑容，想起那封書信，全身都充滿著力量般，亦對那份守護同伴的信念有了更深的體會。
「我相信無普通人可以抵擋我既電光既，哈。」電王回復了那份笑臉，回復了那份自信，回復了那腔熱血。
「辛苦你地啦，我自知我無遠距離攻擊既能力，我只可以用刀埋近一個一個咁殺。既然係咁，倒不如我同唯一既門者，指揮官一打一，咁樣先係最高勝算而且傷亡最低既方法。如果係後者，佢地一定會用最密集既火力進攻，所以我地就要係佢地未搵到暗門之前，進行偷襲。係佢地人數最密集，電王你係暗門衝上去用釋電，而我地就要係最短時間內解決其餘人數。我會係電王衝上去之前，話你地知佢地企既位置，一定要記得！我地擁有既優勢就係我地清楚佢地既位置。真鳳，你要用紫火直接打穿就黎溶化既鋼板突襲，用紫火球直接擊殺，或者擊中佢地既上半身，咁樣至少可以令佢地失去作戰能力。哥，你既念動力宜家應該可以直接擊殺一至兩個軍人。而我，將會直接衝去企係最後既指揮官。以靈力計，佢應該只係初階二門者。我會係短時間內將佢擊殺。就係咁。」明鋒冷靜下來後，感應外面的人的靈力後，向大家分析著，他的手指不知不覺地在舞動，就像是在電腦的鍵盤上輸入不同的資料。
「我之前太唔冷靜，差少少令自己哥哥喪命，佢好大機會，係嗅覺方面既強化。」明鋒心裡亦在計算著，他望著小倩及殘影身上的血，推計在短時間被發現，最大可能性是來自血的腥味。
這個計劃十分瘋狂，因為電王的釋電無法控制釋出的電，一旦使用，就會直接將自己身上帶電的靈力全部釋放，亦表示，在此之後，他沒有任何戰鬥能力，他把自己的性命完全交託於他的三個同伴！
「好！如果係後者，我諗你地都知道我既釋電，我既生死，就靠你地啦。拼死一戰啦！我相信同伴！」電王熱血地說出，這樣的豪情，對同伴的信任，簡直把生死置諸度外，這就是執劍中的電王。當然，他亦知道大家也是以生命保護著大家，在這種情況之下，大家之間反而更加平淡，露出比平常更大的豪邁感。
「一齊守護身邊既同伴啦！」明念豪氣地說著。真鳳和明鋒都豪情一笑點頭，就等待最後爆炸的時刻，決定他們的戰術。
一股豪情在眾人的心坎一時湧起，真鳳知道他不能躲避，因為他要站在同伴之前，守護著所有人。他在心中吼叫著：「黎啦！」