《執劍》: 第十八章－－戰場
第十八章－－戰場
埃爾伯特哈伯特：「如果男人們相互瞭解，他們就既不會崇拜也不會怨恨。」
“If men could only know each other, they would neither idolize nor hate.” Elbert Hubbert said.
真鳳跪下了。「哈，不愧係前輩，你真係好強。」真鳳微笑著，就連電王都不敢相信自己勝利的事實。
玻璃板再次升上天花上，若霖亦走向真鳳身邊治療，雖然真鳳輸掉了這一次的練習，卻贏得了所有人的認同。
「你都好強，只係第一場對打，已經擁有咁大既實力，相信好快你會超越我，哈哈。」一向開朗的電王對自己的勝利感到高興，正開懷地大笑。他亦十分欣賞真鳳，真心認為他的潛力比自己更高。
幸好，兩人都只有皮外傷，電王更動用了靈力護體，所以若霖只需要一段小時間就能夠把他們回復。在他們治療的同時，斯龍望向真鳳，一笑過後就走向電王身邊，二人靜靜地談話。至於其他人，有的坐在電腦前尋找不同的資料，亦有的走向真鳳身邊，一來承認他的實力，二來迎接他加入執劍。
等到若霖把他們都治療完畢，若霖就走到斯龍身邊點一點頭。
「哈哈哈，好啦。係時候，要大家都講返先前調查既結果。」斯龍叫眾人開始匯報先前所調查的事。
「總監，上古龍村，央府已經派左人嚴謹封鎖。上古龍村無一生還，遍地屍骸，全部死者既身體都係殘缺不堪，最主要係無左四肢同心臟。現場見到好多類似閃燃既痕跡，而我地亦都觀察到兩種火焰既痕跡，相信犯案者中至少有兩個可以控火既門者；亦有幾處地方，發現族人自相殘殺，好有可能犯案者中有可以控制思想既門者，甚至可以一次控制一群人，令佢地直接殺死對方。根據央府情報，上古龍村所敬拜既上古龍頭骨已經唔見左。」風仔向執劍眾人詳細講出上古龍村的情況。
「各位，我同總監去既藍鳥部落，同樣地，無任何生還者，大部份屍體既四肢，同埋心臟都消失左；現場亦觀察到相似閃燃既狀況。人既犯案手法唔會輕易改變，睇黎，兩件滅族案的確係同一個組織做。」明鋒說道。
「小冰，我地對噬魂者既資料有幾多？」斯龍抹掉了平常豪邁奔放的表情，換上了一副認真嚴肅的樣子，執劍其他人亦慢慢開始認真起來。
「總監，聯合國既資料庫中，有關噬魂者既情報只有鐵塔提供過。兩年前，一個可以分身既法籍二門者遇上一個中國籍女性門者，男人感應到一股殺意之後，佢就開始分身，個自稱噬魂者既女仔，用火鞭只係一擊就燒熔晒四個分身。個男人知道實力既差別，於是分身向四方八面逃跑，個女仔仍然可以追到所有分身，而且仲想食其中一個分身，不過真身走入地下水渠，先可以逃過一劫。之後個男人馬上向鐵塔報告，先發現噬魂者呢個組織既存在。鐵塔正式係九大組織會議作出投訴，並申請對中國既央府作出任務分派限制，噬魂者先比世上大部份既門者組織所認識。至於其他人數、所在地以及能力，就一無所知。」
「可以用一擊殺左四個二門者既分身，就只有三門者或以上可以做到。總監，記得藍鳥部落都有火鞭既痕跡？睇黎噬魂者好大可能就係滅族二案既兇手。」明鋒分析著現有的資料。
「一擊嗎？至少係初階三門者既力量。」斯龍正在考慮著不同的戰場因素，粗略估計著那女孩的實力。「噬魂者，將會係一班好可怕既人，如無意外，所有成員都係三門者。而且佢地既戰鬥經驗，比你地每一個都要更多更高。佢地既招數應該係為殺人而設，以毒辣為準，假如我地相遇……」斯龍嘆息著，心想著是否應該作出決定，全人離開香港，遠離和平的地方，前去戰亂之地。
真鳳突然「呀！」的一聲令全場人都望著他。「我想問下，舊龍頭骨好細個架？」真鳳的問題令整個場面都呆掉了。看似這一個天真而且根本不是重點的問題令殘影對他的印象更由蠢鈍變成白痴，亦有人的樣子變得少許呆滯。
「唔係，據記載，上古龍村既龍頭骨約二米高，八米長，一米六闊。但係，真鳳你問黎既意思係？」明鋒依然一面正經地解答真鳳的問題。
「龍叔叔，你講過噬魂者係一班會透過食人，快速增加自己靈力既人。一班只為食人既人，點睇都唔會拎走果舊龍頭骨，戰利品可以係人頭骨，可能係心臟，甚至係眼珠。但今次係舊龍頭骨喎，你地唔覺得有問題架咩？除非，舊龍頭骨對佢地有用姐。」一直留心聽的真鳳對此有所懷疑，聽到這句說話的執劍才發覺這個可能性，想不到反而一個對噬魂者印象不深的人會想到這個方面。
「真鳳講得的確有道理，小冰，你去調查一下，睇下利用龍頭骨，到底可以做到咩。」斯龍一面認真地說，小冰點頭示意知道。
「龍頭骨既用處？」明鋒心想著，正當他差不多能夠回想起某個傳說之時，他聽到斯龍的聲音。
「其他人，我地要去伊拉克。」斯龍續說。眾人一面愕然，有看新聞的人都知道那個時候，美國正式攻打伊拉克已約兩年，說是為正義而戰，但除真鳳以外的執劍全人都清楚那是美國要爭奪石油以及徹底剷除伊拉克的門者組織，以免慢慢變得更有規模更大實力。這代表著，現時的伊拉克雖然軍隊數量會比剛進攻時少，但門者的數量隨之增加。
有時候，門者的用處更加方便，能夠隱藏於平常人之中，卻帶有強於軍人的力量。
「總有一日，執劍會正面面對噬魂者。現實係，我相信宜家既你地，面對住噬魂者，將會被全滅。如果大家無拚死一戰既覺悟，連同噬魂者作戰既資格都無。只有真正既戰士，先可以屹立於戰場上。係伊拉克，一不小心就會比機槍導彈擊斃，或者係被門者所殺。透過生死之間，可以更快領悟真心，突破第三門－－心門。去或唔去，係你地自己既選擇，你地有一晚時間考慮，聽日十二點係呢道再見。」斯龍話後就立刻離去，彷彿給所有人空間去思考應該如何選擇。
真鳳望向其他人，有的迷茫，有的堅定，有的熱血。真鳳知道，要保護自己所愛的世界，就只有把噬魂者消除，這份堅定讓真鳳決定他一定會跟隨斯龍到伊拉克。
小冰看到了真鳳眼中的堅定，那一份堅定令小冰想起了自己當初加入執劍的執念，同時亦想起了自己的弱小，但亦深知只是初階二門者的自己，去到戰場等於送死，因此斯龍才拜託自己去調查。
「我要變強，我唔想做執劍既負累。我既媽媽係比變態門者殺死，我發過誓，要守護正義，所以先加入執劍。我可以做多少少，少少都好！」小冰心想著。
大概執劍的人從未踏入真正戰場，就算是殺人，亦只不過暗殺一些黑幫人物。如果到了伊拉克，面對的是訓練有素、持槍的軍人，面對的是殺人如麻的門者兵團，執劍的其他成員會有勝算嗎？
在真正戰場上，沒有可憐，沒有仁慈，沒有對錯，只有生或死。