《執劍》: 第三章－－解封（一）

第三章－－解封（一）

柏拉圖：「孩子害怕黑暗，情有可原；人生真正的悲劇，是成人害怕光明。」
“We can easily forgive a child who is afraid of the dark; the real tragedy of life is when men are afraid of the light.” Plato said.

「而呢條就係你爸爸保險箱既鎖匙。哈，你放心，我從未開過千闕既保險箱，我唔清楚入面確實有咩。」斯龍笑中帶有一絲悲傷，對於不能親手將鎖匙交回千闕，仍覺是人生的一大遺憾，但這絲悲傷只出現了一剎，便變回堅定的目光。

「呢張係你既職員証，以後，只要你拍卡就可以係呢間公司自行出入；仲有一張信用卡，無上限，直接係你爸爸留比你既十億美金扣除。」斯龍從衣袋中拿出一張黑色職員証及黑色信用卡，連同鎖匙交給真鳳。斯龍親手把保管十年的鎖匙交回真鳳手上，總算完成與千闕之間許下的一個承諾。

「你…你話我老豆死左，係因為佢…無返到黎？」真鳳接過那條鎖匙、職員証及信用卡，這些物件沒有令他對爸爸的思念減少，他帶著疑惑詢問坐在自己面前的總監斯龍，所謂自己爸爸的好兄弟。





「你爸爸從不食言，既然琴日佢…既然琴日佢無返黎，就只有一個可能性。」斯龍合上雙眼，嘆一口氣後，向真鳳說：「鳳仔，你爸爸將你交託比我，我亦一早當你係我半邊仔。你今年已經十八歲，最近身體係咪開始唔妥？」

「唔妥…？最近頭會痛，而且次數愈黎愈密，痛楚愈黎愈大，愈黎愈辛苦。」真鳳回憶起最近幾個月身體的不適，不只次數愈來愈頻密，痛楚亦漸趨嚴重。初時，他以為自己只不過睡眠不足，加上準備面對高考的壓力所致。看著斯龍的語氣，他感覺到，當中真正原因可能比自己想像的更為奇怪，更意外。

「鳳仔，你身上既封龍印並非完整，你爸爸之所以要係你八歲既時候避世十年，係因為你身上的封龍印只可以維持十八年左右。你身體既不適，好可能係因為封龍印既損壞，你體內既力量不斷由一條條既隙縫滲漏出黎。鳳仔…」斯龍雙眼凝望著真鳳，一本正經地說著。「假如你選擇唔解開自己體內既封龍印，而等你體內既靈力衝破封龍印，咁係不久既將來，你…可能會經脈盡斷而死。」

真鳳一聽到可能會死，整個人都一片愕然。「死…？死！咁大件事！龍叔叔，咁我宜家即刻去解開呢個咩印啦！」

「鳳仔你等等先，解封，需要你自己強大既意志，係果個時候，就只有意志可以維持你自己既意識，因為途中，你身上龐大既靈力會由每一個細胞湧入你全身經脈，假如你唔可以捱過呢一次痛楚，你既意識好可能會消失，變成植物人。」





斯龍從沙發站起來，凝重地望向玻璃窗外的藍天，說道：「而且你天生既靈力好大，假如你成功解封，就代表你暫時無可能係門者界置身之外，亦代表，你將會進入真真正正弱肉強食既世界。門者界，只有變強，先可以真正保護自己。」

真鳳頓時不知道應如何回應，面前的選擇彷彿只有解開封印，才有一線生機，但自己從小到大，運動方面奇差無比，無論跑步、足球或籃球一曉不通，體能更是全級第一，是倒數的第一。莫說打架，自己連罵人的膽量都沒有，即使解封之後，亦未必能夠在這種弱肉強食的戰場上生存下去。

「鳳仔，鎖匙已經係你手上，保險箱正正係辦公枱下面，你可以自己慢慢考慮下。你既人生，應該由你自己去決定，無論如何，龍叔叔一定會支持你。」話語一完，斯龍便轉身離去。

真鳳在自己爸爸的辦公室由正午坐至日落，一聲不發，手握著保險箱的鎖匙，呆望著面前的保險箱。既想打開屬於爸爸的保險箱，又怕打開後，自己整個世界都會變得不同，變得複雜，變得單純不再。

「總監，真係唔洗理佢？佢已經坐左五六個鐘啦⋯」小冰擔心地向斯龍說出自己的顧慮，不知道為什麼，向來冷靜斯文的自己會為他而如此大反應。





「小冰，男人就係咁。諗野要自己靜靜地咁思考，況且佢今次決定將會改變以後整個人生，所以你任由佢自己思索下。」斯龍話完，就叫小冰都早點離去，讓真鳳一個人靜靜思考。

斯龍臨離去萬事妥前，望向沉思中的真鳳，心內既希望真鳳能夠加入萬事妥，還有自己建立的組織－－執劍，但同時又想真鳳可以平平凡凡地生活，無需作出任何防備，無需被逼作出生死之間的決定，只要真鳳拿著十億美金，無論到世界任何角落，亦足以安居樂業，生活無憂；同時，斯龍深知執劍需要更多強大的同伴去對抗噬魂者，以執劍現時的力量，仍未足以殺滅噬魂者，甚至，連平衡的資格都沒有。

斯龍嘆息一聲後，作出了一個決定，便悄然離去。

擁有力量的人，從來都無法逃離戰爭的束縛，只能夠不斷陷入一次又一次的戰爭。