《700萬種超能力》－在香港，人人皆有超能力: 第十四章
現在是我前往上班的途中，也是前往給陸震鷹答覆的途中。
巴士到站了，上班族魚貫地下車。我也是其中一員，正在隨波逐流，沿著命運之河到達了終點－陸氏地產集團大樓。抬頭看著氣勢磅礡的大樓，我竟然有種將要步進虎穴送死的感覺。
「蕭致雲！」
遠處傳來一把呼喚我名字的女聲，我循著叫聲的方向一看，竟然是昨天被阿熹揭穿陰謀後落荒而逃的阿Jill。
「好…彩…趕到…咋……」她上氣不接下氣地跑近我，眼底下兩個顯眼的黑眼圈，以及穿著跟昨天一模一樣的衣服，是她徹夜未眠的證明。
我下意識退後兩步，示意要跟她劃清界線，不料她又走前兩步。
「你未應承陸震鷹㗎可？我係嚟阻止你㗎！」
我正狐疑阿Jill還想耍甚麼小把戲，她就慌亂地從她的側揹袋子中用力抽出一疊影印文件，也不管自己的粗暴已經弄皺了紙張。
「你快啲睇吓呢堆文件啦！係蘇祈祈嘅病歷表呀！」
自從陸震鷹說我是害死蘇祈祈的真兇後，我每次聽到「蘇祈祈」這三個字，罪惡感都總會使我的腦海亂作一團。阿Jill見我愣住，便代替我翻弄文件，把我需要閱讀的部分遞到我眼前。
「你睇吓佢個覆診紀錄先啦，佢住大埔，朝早去沙田覆診，晏晝去將軍澳搵大香江電視台。咁佢Lunchtime點會山長水遠去咗中環食晏？」
「可能佢想去中環食晏呢……」明明阿Jill是在為我脫罪，我竟然還馬上反駁她。
「呢個都未係重點！」她又低頭翻動文件，終於在其中一頁停下。她把文件塞給我，說：「你睇吓！佢有精神病、有妄想症㗎！佢妄想自己識飛！」
我伸出手搶過文件來看，即使我看不懂那些艱深的醫學名詞。幸好阿Jill用螢光筆在文件上標示了重點，還在重點旁邊貼上了告示貼，寫上了翻譯內容。
「原來醫院一收到蘇祈祈要表演飛天嘅消息，就估到佢係妄想症發作！其實醫院已經即刻打電話叫電視台中止表演喇，但係已經太遲喇！」
說著令人毛骨悚然的事實時，阿Jill的聲音竟然有點變調。她吞一口口水，又繼續說：
「最恐怖嘅係，聽講電視台冇中止表演，係因為高層覺得搶收視比人命重要，所以……」阿Jill邊說邊露出厭惡電視台冷血行為的表情，也不想繼續覆述下去了，直接說出她對這件事的結論：「要追究責任嘅話，害死蘇祈祈嘅係大香江電視台先啱！同你一啲關係都冇！」
「所以，你噚日跑咗去，就係因為要去查蘇祈祈？」我跟阿熹都以為，阿Jill是因為被拆穿面具才會落慌而逃。
「梗係啦！我覺得你只係因為以為自己殺過人，先至會放棄原則去幫陸震鷹！更加因為我覺得陸震鷹講嘅嘢太可疑喇！」
「你仲可疑啦！點解你會查到咁多資料？呢啲明明係醫院嘅機密文件！」
「喺而家嘅香港，只要肯花錢，有咩嘢文件到唔到手？你認為市民仲有私隱嘅咩？」阿Jill答。這事實雖然可悲，但我只能認同。
「咪住，我點知你係咪僞造文件呃我㗎？」
「你大可以拎住呢堆文件去質問陸震鷹吖！」她把餘下的文件也塞到我的手上。「好喇，而家證明咗你係清白㗎喇，咁你而家唔駛幫陸震鷹啦？」
我低頭看著手上的文件。我沉默了好一陣子，最後還是沒有回答她。
「我噚日已經察覺到㗎喇。蕭致雲，你答我，你係咪仲係好想要陸震鷹果一億？」
自從陸震鷹開出一億酬勞的條件給我後，我就已經做好我的生涯規劃了。只要我拿著這一億，我就能改善我家人的生活環境，單身媽媽阿珊也不用那麼辛苦供養傑仔，我也可以實現我的人生理想。現在突然告訴我不用再幫陸震鷹的忙了、突然告訴我不會有一億進帳，我規劃好的人生不就全被推翻了嗎？
「你唔想我幫陸震鷹，都係想我幫你手，即係幫新港聯做嘢之嘛，係咪？」 我又再絞盡腦汁，思考一些讓我不用放棄一億的藉口來說服阿Jill。如果她答我「是」，那麼事情就簡單了，只要我說些「我不會幫出賣香港人的新港聯」之類的冠冕堂皇理由……
「唔係呀！」阿Jill馬上打亂我的如意算盤。「我要你幫嘅事，的確同新港聯有關，但係……」
「夠喇，你一直帶我遊花園，都係唔肯話俾我知你想我幫你對付邊個，叫我點信你？」
我轉身想要步入陸氏大樓，卻又被行動迅速的阿Jill跑到我前面，擋著我去路。
「好喇好喇，我講喇。」她說罷，先是看看附近的人，然後就把臉湊近我的耳邊，壓低聲線小聲說：「我唔係要幫新港聯，我係要對付佢哋！我嘅目標，係新港聯嘅施金蘭！」
「吓？你親手送佢入立法會，家吓又叫我幫手對付佢？」這簡直是個難以令人發笑的笑話。
「嗱，我唔係為咗推卸責任先咁講㗎，但係就算冇我幫手，佢都入硬立法會㗎喇。因為新港聯另外仲做咗好多保險功夫，確保一定要送到施金蘭入去。」她一口氣地說話，不讓我有機會打斷她。「所以，你唔覺得奇怪咩？點解要偏偏派個冇接觸過政治嘅師奶入立法會？」
「有幾奇？新港聯要嘅只係政治傀儡，施金蘭已經唔係第一個啦。」我還記得新港聯以前還出過幾個面對別人質問時，就只會反問別人的所謂議員。
「係，但係今次以佢哋對施金蘭嘅重視度嚟睇，我懷疑，施金蘭有好勁嘅超能力。」
超能力？我竟然沒有考慮到這個因素！我突然想起，新港聯以前找的傀儡，最低限度也是律師之類的專業人士。但在我記憶中的施金蘭，卻只是一個跟我媽一樣普通的公屋師奶。但若是如阿Jill所說施金蘭有著強大的超能力，那整件事又說得通了。
「咁你就係想我查出施金蘭嘅超能力係乜，然後delete咗佢呀？」
「係呀係呀！」她露出充滿希望的笑容，用力點頭。「我會搵你幫手，除咗因為你個超能力好啱用之外，仲係因為我覺得你有唔屈服於強權之下嘅勇氣！」
「咪玩啦，你叫我呢個小市民，同香港第一大黨作對？」
「唔驚喎，我會同你一齊行動㗎！」
「唉，我都唔瞞你喇！你睇錯人喇，我其實真係好想要果一億呀，你唔好拉我去玩政治啦！」
「就算冇人拉你去玩政治，政治都會玩你呀！」阿Jill皺起眉心，有點氣憤地說：「立法會議員嘅每個舉動，都會影響到香港嘅發展，更甚會危害到香港嘅未來！新港聯每次動議同埋贊成嘅政策都係對香港人不利，你都有眼見㗎啦？再俾佢哋為所欲為落去，就算你有一億又點？你同你家人都無福消受呀！」
我久久未能想到要如何反駁阿Jill。於是我看看手錶，邊說邊往大樓方向走：「夠鐘返工喇，我返上樓先。」
「咁你會唔會去拒絕果一億？」阿Jill站立在我身後問。
「大嗱嗱一億喎，我考慮吓先啦！」
「喂！喂－！」
我向阿Jill揮手道別，走進陸氏地產集團大樓中。現在是我前往上班的途中，也是前往給陸震鷹答覆的途中。
「梗係啦！我覺得你只係因為以為自己殺過人，先至會放棄原則去幫陸震鷹！更加因為我覺得陸震鷹講嘅嘢太可疑喇！」
「你仲可疑啦！點解你會查到咁多資料？呢啲明明係醫院嘅機密文件！」
「喺而家嘅香港，只要肯花錢，有咩嘢文件到唔到手？你認為市民仲有私隱嘅咩？」阿Jill答。這事實雖然可悲，但我只能認同。
「咪住，我點知你係咪僞造文件呃我㗎？」
「你大可以拎住呢堆文件去質問陸震鷹吖！」她把餘下的文件也塞到我的手上。「好喇，而家證明咗你係清白㗎喇，咁你而家唔駛幫陸震鷹啦？」
我低頭看著手上的文件。我沉默了好一陣子，最後還是沒有回答她。
「我噚日已經察覺到㗎喇。蕭致雲，你答我，你係咪仲係好想要陸震鷹果一億？」
自從陸震鷹開出一億酬勞的條件給我後，我就已經做好我的生涯規劃了。只要我拿著這一億，我就能改善我家人的生活環境，單身媽媽阿珊也不用那麼辛苦供養傑仔，我也可以實現我的人生理想。現在突然告訴我不用再幫陸震鷹的忙了、突然告訴我不會有一億進帳，我規劃好的人生不就全被推翻了嗎？
「你唔想我幫陸震鷹，都係想我幫你手，即係幫新港聯做嘢之嘛，係咪？」 我又再絞盡腦汁，思考一些讓我不用放棄一億的藉口來說服阿Jill。如果她答我「是」，那麼事情就簡單了，只要我說些「我不會幫出賣香港人的新港聯」之類的冠冕堂皇理由……
「唔係呀！」阿Jill馬上打亂我的如意算盤。「我要你幫嘅事，的確同新港聯有關，但係……」
「夠喇，你一直帶我遊花園，都係唔肯話俾我知你想我幫你對付邊個，叫我點信你？」
我轉身想要步入陸氏大樓，卻又被行動迅速的阿Jill跑到我前面，擋著我去路。
「好喇好喇，我講喇。」她說罷，先是看看附近的人，然後就把臉湊近我的耳邊，壓低聲線小聲說：「我唔係要幫新港聯，我係要對付佢哋！我嘅目標，係新港聯嘅施金蘭！」
「吓？你親手送佢入立法會，家吓又叫我幫手對付佢？」這簡直是個難以令人發笑的笑話。
「嗱，我唔係為咗推卸責任先咁講㗎，但係就算冇我幫手，佢都入硬立法會㗎喇。因為新港聯另外仲做咗好多保險功夫，確保一定要送到施金蘭入去。」她一口氣地說話，不讓我有機會打斷她。「所以，你唔覺得奇怪咩？點解要偏偏派個冇接觸過政治嘅師奶入立法會？」
「有幾奇？新港聯要嘅只係政治傀儡，施金蘭已經唔係第一個啦。」我還記得新港聯以前還出過幾個面對別人質問時，就只會反問別人的所謂議員。
「係，但係今次以佢哋對施金蘭嘅重視度嚟睇，我懷疑，施金蘭有好勁嘅超能力。」
超能力？我竟然沒有考慮到這個因素！我突然想起，新港聯以前找的傀儡，最低限度也是律師之類的專業人士。但在我記憶中的施金蘭，卻只是一個跟我媽一樣普通的公屋師奶。但若是如阿Jill所說施金蘭有著強大的超能力，那整件事又說得通了。
「咁你就係想我查出施金蘭嘅超能力係乜，然後delete咗佢呀？」
「係呀係呀！」她露出充滿希望的笑容，用力點頭。「我會搵你幫手，除咗因為你個超能力好啱用之外，仲係因為我覺得你有唔屈服於強權之下嘅勇氣！」
「咪玩啦，你叫我呢個小市民，同香港第一大黨作對？」
「唔驚喎，我會同你一齊行動㗎！」
「唉，我都唔瞞你喇！你睇錯人喇，我其實真係好想要果一億呀，你唔好拉我去玩政治啦！」
「就算冇人拉你去玩政治，政治都會玩你呀！」阿Jill皺起眉心，有點氣憤地說：「立法會議員嘅每個舉動，都會影響到香港嘅發展，更甚會危害到香港嘅未來！新港聯每次動議同埋贊成嘅政策都係對香港人不利，你都有眼見㗎啦？再俾佢哋為所欲為落去，就算你有一億又點？你同你家人都無福消受呀！」
我久久未能想到要如何反駁阿Jill。於是我看看手錶，邊說邊往大樓方向走：「夠鐘返工喇，我返上樓先。」
「咁你會唔會去拒絕果一億？」阿Jill站立在我身後問。
「大嗱嗱一億喎，我考慮吓先啦！」
「喂！喂－！」
我向阿Jill揮手道別，走進陸氏地產集團大樓中。現在是我前往上班的途中，也是前往給陸震鷹答覆的途中。