[港版無限流][長篇] 恐怖輪迴: 東土殺戳～陰兵軍團

第一日的戰役暫時告一段落。

秦明縣的老百姓努力搶修著城門，士兵們也找緊時間休息。

凌天因為陷入昏迷，眾人只好把他送回秦明官府。

「死咯，今日先至係第一日，天哥就已經暈鬼咗，咁嚟緊29日點算？」李文無奈地説著。

「我都奇怪，冥主照道理唔會安排必死㗎任務，但今次頭一日㗎攻擊已經咁猛烈，唔好話新人，就算我哋幾個都未必應付倒喎。」喬欣也疑惑道。





「仲未到最壞情況，計劃繼續實行，你哋3個繼續守城牆吧，如果真係守唔住就退返過嚟官府呢到死守。」林軒平淡地說著。

「林軒，你究竟有咩打算？」李文狐疑地問道。

「呵呵，完成隊長交俾我嘅任務啫，其實呢場守城任務可唔可以完成，關鍵就在李文你。」林軒微笑著說。

「我？你究竟想攪咩？」李文疑惑道。

「要喺呢場任務儘可能利益最大化，我諗住捉一盤大棋。而呢盤棋嘅關鍵就係你」林軒眼中泛著精光，微笑地説道。





「呵呵，既然你咁睇得起我，有咩想要我做呀？」李文笑著問道。

「同我守住城牆就可以。」林軒搖著頭說著。

*******

城門前，李文決定把150名士兵調上城牆上方，自己3人與剩餘的50名士兵守在城門前。

「林軒都唔知發咩神經，尋日第一波攻擊已經將凌天逼暈，宜家仲叫我哋3個獨自死守。不過最激氣嘅係，林軒佢自己一個痴線就算啦，李文同林恩你哋又仲咩聽佢講，跟埋發顛呀？」喬欣不滿地大罵著。





「嗯，我永遠相信少爺。」林恩想了很久，卻只給出這一個答覆。

「呵呵，我永遠追隨我可愛㗎林恩妹妹。」說罷，李文又再次發揮他的淫笑本能，猥瑣得讓林恩不由皺著眉頭退後幾步。

「啊，真係俾你哋兩個激死呀。」喬欣不由按著額頭哀歎道。

「呵呵呵呵。」李文只能淫笑回應，心中卻暗道「唔知有冇估錯，但林軒好似已經估到我擁有嘅底牌，佢宜家就好似係用緊陽謀逼我哋3個學天哥咁發揮極限潛能，從而獲得進階。」

「冇可能，佢初嚟報到，條友㗎智商冇理由咁變態，但掉返轉咁諗，以天哥㗎為人都咁忌憚佢，睇落又唔係冇可能。」

「嗚…！」

號角在城牆外響起，意味著妖魔再次發動進攻。

「咦？我哋3個就咁企喺到，唔去城牆幫手？」喬欣聽到城牆上方傳來陣陣的撕殺聲，不禁地問著。





「呵呵，唔洗理佢哋，喬美女，等陣間你剩係集中精力治療我同林妹妹就可以。」李文仍然淫笑地回答，但臉上已沒有那玩世不恭的神色。

「哦，好。」喬欣回了一句，眼神充滿疑惑。

城牆上的撕殺聲漸漸消失，無數妖魔從城牆上方衝下來。

「嗷！」殭屍狼騎立刻揮舞著大斧，把數十名妖魔士兵劈開。

林恩與身後50名士兵也立刻加入戰團，使源源不絕的妖魔不能進寸分毫。

「碰！」

城門又再次被撞破，更加多的妖魔湧進城內。





戰場上就只有李文與喬欣二人仍然站在原地不動。

「李文，你係咪有嘢瞞住我？」感覺到李文的反常，喬欣不由問道。

「呵呵，冇呀，我剩係喺到等緊我批手下出嚟。」李文仍以淫笑回答，但眼神已透射出一陣陣冰冷。

「你批手下？」喬欣對其莫名其妙的語句顯得更加疑惑。

「噓！聽吓，佢哋嚟喇。」李文立刻低聲道。

此時，慢慢有些雜亂無章的微小聲音從二人背後傳進喬欣耳中，而且音量越來越大。

「殺………」

「殺……」





「殺…！」

「殺！殺！殺！」

只見大約數百名散發着死氣的黑色鎖子甲士兵站在在二人身後，不斷怒吼著。

「本來冇諗住咁快用出嚟，但形勢睇嚟幾危急，況且呢個世界嘅怨氣太重，用得唔好嘥，正正適合我去訓練同煉制第一批陰兵軍團。」李文冷笑說道。

話畢，李文左手高舉盛著黑氣的木碗，右手握著拂塵，指向遠處的妖魔大軍，大喝道「兒朗們，同我上！」

數百名陰兵聽後立刻拿著大刀向前狂奔。