[港版無限流][長篇] 恐怖輪迴: 炮灰

4日後

凌天在他房間內如常地進行極限體能訓練時，冥主的提示終於再次出現。

「任務"東土殺戳"將於10日後開始。」

「任務簡介：東大陸宋朝皇帝昏庸無道，誤信奸臣，殺害忠良，導致百姓民不聊生，民怨四起，苦不堪言。」

「大宋國師秦檜更被冥界一族控制，以十萬童男童女鮮血祭煉出黃泉之路，供冥界妖魔闖入凡間。」





「試煉者將被賦予滅魔士身份，負責替天行道，斬妖除魔。」

凌天很快便召集眾人在他房間開會並告之他們任務內容。

「各位有咩睇法都可以提出嚟，唔洗怕醜。」凌天坐在草地上，向眾人微笑道。

「天哥話點就點，細佬絕無怨言。」李文仍然保持他那副淫笑嘴臉說著。

凌天白了他一眼，無視他，看向林軒問道「你有咩睇法？」





「只係有啲不成熟㗎睇法，難登大雅之堂。」林軒謙虛地回應。

「無妨。」凌天鼓勵地笑著，心道「頂！明明頭腦最好係你，堂堂大家族之後，竟然比李文更加唔要面，以前喺現實世界比你陰過，我仲會上當咩。」

李文也心中暗罵「扮咩謙虛呀，比天哥更加臉皮厚，你估咁做我就唔知你想推其他新人做炮灰咩。」

「咁在下獻醜喇。如果我冇估錯，任務難度應該會受到之前嘅任務評價，隊員人數等因數影響。」林軒開始在草地踱步，為眾人分析著。

「根據你哋所講，我哋12號隊曾經強盛一時，但受到幾隊人夾擊而元氣大傷，人數由10人減至3人，計埋凌隊長同李文，總共5人。」





「當時冥主已經大幅調低任務難度，俾12號隊以更早時間進入任務世界，對手仲係喺空間入面一直偏弱嘅6號隊。」

「但可惜，6號隊出現一位新人智者，充份發揮6號隊嘅優勢，導致我哋隊伍再次損失兩名好手。」

「所以今次冥主出任務㗎態度好清楚，再一次調低難度，唔洗我哋面對空間其他隊伍住，但又想我哋儘快提升實力，所以派咗特別多新人入嚟，務求可以多幾個有潛力嘅新人，為隊伍增添新血。」

「咁啫係下場任務會比較容易完成？」此時其中一名女性新人期待地問道。

「非也，今次任務對凌隊長佢哋3位的確會比之前㗎任務較為容易，但對我哋呢啲新人應該會非常困難。」林軒搖頭説道「咁先符合冥主發掘有潛力新人㗎原則，就係以更殘酷㗎方式淘汰新人，但同時又俾舊人可以快速提升實力，從而令12號隊整體實力得以提升。」

「所以我估計嚟緊呢場任務會係一場無間斷嘅攻防戰，我哋將會成為防守方，面對撤底嘅汰弱留強。而今次任務雖然話係宋朝，但用現代武器不成問題，只要唔好太大殺傷力嘅武器就可以。」

「點解同樣係現代武器，大殺傷力嘅就唔可以用？」另一名年輕男新人問道。

「因為現代大殺傷力武器，例如核彈或航空姆艦等已經超出嗰個世界嘅認知，到時一係俾冥主禁止使用，一係就提高任務難度，揾對等實力嘅怪物出嚟制止，例如某魔神或絕世兇獸之類。」林幹耐心地解答著。





「嗯，我諗大致都係咁多，下場任務好大機會係無間斷嘅攻防戰，大家可以去兑換相應嘅強化同補給品，散會吧。李文同喬欣留一留低。」凌天微笑地對眾人道。

喬欣一臉奇怪地看著凌天，不明白為何這樣安排。

當眾人離去時，李文不禁歎息道「又一批可憐蟲。」

凌天心中暗罵「你最冇資格憐憫。」

過了大約5分鐘，喬欣不禁問道「乜仲有嘢要補充？」

「等一等，仲有人未嚟。」凌天微笑回應。

「咯…咯…」一陣敲門聲嚮起。





「入嚟吧。」凌天心道「冥主，允許進入。」

房門應聲而開，進來的竟是林軒及其中一名不顯眼的年輕女新人。

「呵呵，要你哋久等喇，呢位係林恩，係我家族嘅記名成員，亦都係我嘅私人保鏢。唔好睇佢細細粒，佢身手雖然冇凌隊長你以前咁犀利，但都不亞於一般特種兵㗎。」林軒為大家介紹身旁的女新人。

「你哋好，以後請多多指教。」林恩臉紅地向眾人打招呼。

「好可愛，卡哇伊，過嚟俾叔叔抱抱。」李文見到林恩的嬌羞模樣，頓時暴露本性，淫笑地對林恩進行調戲。

回應他的是兩記拳頭，一記喬欣的，一記林恩的。

「咁宜家啫係點？」喬欣向凌天問道。

「啫係頭先講嘅都係哄新人，真正會議內容宜家先開始。」李文摸著鼻子痛苦回答。





「冇錯，除非佢哋捱過下場任務，否則佢哋都只會係我哋嘅炮灰。」凌天冷冷地笑道。