[港版無限流][長篇] 恐怖輪迴: 公屋驚魂～運氣

「始終都係實力不足，不過我已經佈好曬局，宜家只差捱唔捱得過呢場任務。」林軒平淡地説著，此時他全身都青筋暴現，其身子已經不由自主地發抖。

「嚎！」

怪物也被近百柄銀劍打得遍體鱗傷，全身冒出白煙，跌坐在地上，悽慘地嚎叫著。

而已經到達商場下方的喬欣等人，則全都緊張地觀看著怪物在遠方的戰鬥情況。

「仲有15分鐘，林軒頂唔頂得住呀？」喬欣憂慮地問道。





「應該差唔多喇，少爺強化之後嘅實力，雖然連我都唔係好清楚，但我起碼知道一樣嘢，就係念力強化如果冇去到一定境界，係絕對唔適合呢種硬碰硬嘅戰鬥。」林恩也擔憂地說著。

「如果連林軒都頂唔住，咁就唯有得我同林恩去頂上。」蘇琳緊握拳頭，一臉凝重地說著「喬姐係後勤，何芬則因爲未有任何強化，所以都唔適合上陣殺敵，所以最好都係留喺原地，保護隊長佢哋。」

「呵呵，我諗妳睇錯喇，蘇琳。我強化雖然係屬於後勤，但咁唔代表我冇作戰嘅能力，我嘅作用唔係得咁少。」喬欣有些不滿地微笑回應。

「喬姐，我唔係咁嘅意思……」蘇琳聽後急忙解釋道。

「我知妳唔係，唔洗咁緊張。」喬欣打斷了她的話，笑著説道。





蘇琳看著喬欣的樣子，嘆了口氣，說「妳理解就得，雖然自上次東土任務俾林軒咁玩法，我一直對佢都冇咩好感，甚至可以話仲有幾分憎恨，但宜家咁嘅形勢，我都希望佢可以捱得住。」

林恩聽到蘇琳厭惡林軒的說法，有心想開口為其解釋，但又說不出話來，因她也不能否認，林軒的做法，很多時候也沒有顧及別人的感受。

「嚎！」

怪物再次發出慘叫，但與之前不同的是，這次再沒有飛劍對它作出任何攻擊。

喬欣等人見到此情況，不由得臉臉相覷，因她們都知道，林軒已經撐不住了。





「吼！」

怪物也感受到四周的變化，憤怒地咆哮著，快速地從地上站起來，以仇視的眼神看向喬欣等人方向。

「喬姐，何芬，妳哋帶住凌天同李文走先。我同林恩去拖住隻嘢。」蘇琳咽了咽口水，慢慢向前走，凝重地說著。

「冇錯，喬姐，保護好隊長佢哋為前提先，情况許可嘅，妳再返嚟支援我哋。」林恩一改之前嬌羞的模樣，拿著纓槍，也跟著向怪物方向行走，平淡地說道。

「妳哋……」喬欣不由得流下眼淚，但又欲言又止，只能眼睜睜地看著2人的背影越走越遠。

蘇琳沒有再理會喬欣的情況，只是一邊走著，一邊平淡地向林恩問道「我之前聽到林軒話埋咗啲咩聖水炸彈，我唔理你哋2個之前背住我哋攪過咩嚟，我剩係想知宜家啲炸彈埋咗喺邊？」

「我知妳想點，但可以話俾妳聽冇用，就算我哋引咗隻嘢到引爆區，但如果冇少爺嘅念力㗎話，都係引爆唔到啲炸彈。」林恩也平淡回應。

「咁就真係仆街喇。」蘇琳低聲地罵了一句，穿起紅色長袍外套，右手拿出3枝連著紅線的銀針，說「我哋唔係隊長佢哋，未必可以拖到任務結束。」





「盡力啦，都係得返嗰10分鐘啫，我哋2個合力，未必拖唔倒嘅。」林恩無力地勉勵了一句，接著全身白光一閃，便從儲物空間中拿出並穿上了楊門女將獨有的古代盔甲。

「吼！」

怪物見到2人向它走近，也快速地跑向她們。隨著戰鬥的時間越長，怪物恢複傷勢的速度也越來越快。

「祝我哋好運啦。」蘇琳低聲地說了句，便紅影一閃，整個人的身影便消失得無影無踪。

「冇錯，我哋真係好需要運氣。」林恩低聲地笑著說，拿著纓槍，急步地向著怪物方向走去。