[港版無限流][長篇] 恐怖輪迴: 公屋驚魂～離間

林恩見狀，再看了眼已化成瓦礫的住宅大堂，只見其進口處已被坦克的砲彈炸得面目全非，被一塊塊大石阻塞著。

林恩咬一咬牙，雙腿發力向上跳起，舉起纓槍，把住宅2樓的窗戶打碎，並以槍桿借力，把整個身子拉進被打碎的窗口中，進入其單位內。

「做乜撚嘢呀，仲成碌木咁，叫曬成隊人快啲包圍呢到啦，然後再同我打冧成棟嘢佢呀。」姍姍來遲的紅衣女鬼剛見到林恩逃進2樓住宅單位躲避的一幕，不由得憤怒地對身邊的士兵喝罵道。

「書呢媽些。」那名日本軍官急忙對紅衣女鬼低頭鞠躬道歉，然後轉頭向身邊的士兵喝罵著，嚇得那個日本傳令兵立刻拿起小喇叭吹奏起來。

「嗚……嗚……」





聽着沉重的喇叭聲，紅衣女鬼冷笑地説「當我打冧咗全棟嘢之後，我就唔撚信妳會夠膽唔出嚟。」

「呵呵，姐姐仔做乜咁大火氣呀？」突然一道淫笑聲出現在前方。

紅衣女鬼聽後不由嚴肅起來，皺著眉頭，看向那已化成瓦礫的住宅門口處。

只見那裏正坐著一道人影，此人拿著一柄警棍，穿著一件灰色西裝，露出其自以為誠懇的笑容，盡顯其獨有的猥瑣本色。

此人是誰？





正是12號隊中以猥瑣著名的李文是也。

看著李文的淫笑，見到其不斷掃撫著警棍的雙手，紅衣女鬼急忙查看自己的錢包，防止被眼前這個充滿推銷員味道的男子盗走。

李文不知道眼前紅衣女鬼心中正經歷了多大的思潮起伏，滿臉得意地暗道「哈哈，公屋住宅每個單位入面都有幾件老西，正所謂人靠衣裝，彿靠金裝，換咗件衫，成個人醒神曬，對面隻女鬼仲唔俾我迷到暈陀陀。」

「閣下係邊個？喺到有咩貴幹？」紅衣女鬼皺眉問道，雖然眼前這位男子有著令人對其暴揍的衝動，但其身上散發着濃厚的怨氣，使她不由得小心應對。

「呵呵，見姐姐仔火氣咁大，話要炸咗成棟樓佢，咁咪關心吓囉。」李文淫笑地回應。





「踏……踏……踏……」

突然一陣又一陣腳步聲從四方八面傳來，地面的震動又開始變得強烈起來。

李文向外掃視了一眼，發現3號住宅已被近千名日本士兵及數輛坦克包圍著。

「我唔單只想炸咗成棟樓，仲想殺曬附近所有嘅生物。」紅衣女鬼微笑地說著。

「哦？！言下之意，係咪包括埋在下？」李文聽後，淫笑地繼續追問。

「你話呢？」女衣女鬼笑著反問，並舉起左手，前排的日本士兵立刻同時間舉槍，瞄準著李文。

「呵呵，成日打打殺殺，不如咁啦，你哋不如跟我揾食，我保證唔洗幾耐，附近一帶冇人會係我哋對手。」李文微笑地説著，但其眼神已開始冷了下來。

「好有自信喎，你憑咩咁大口氣呀？」紅衣女鬼饒有興趣地問道。





「憑我可以令你願意肯耐心同我講嘢嘅實力。」李文眼神變得深遂起來，慢慢來回地踱步，平淡地説「我有能力壯大我哋嘅軍隊，唔洗幾耐，呢個屋苑就唔可以再滿足我哋，而我哋可以打出去，建立屬於我哋嘅帝國。」

「講得咁口响，你估屋苑同埋出面啲管理者廢㗎，會由得我哋壯大？」紅衣女鬼冷笑地説道。

「當然唔會，但人生在世，為求對得住自己，妳留得喺到，相信妳生前亦都有過唔少刻骨鉻心嘅遺憾，唔通妳想死後亦再增添遺憾？妳甘心俾人永遠囚禁喺呢個屋苑？」李文不屑地反問。

聽到李文的話，紅衣女鬼陷入了一陣沉默，半响，開口問道「講吓你有咩計劃？」

李文的嘴角微微向上移，正當他準備開口説話時。

「啊！」

紅衣女鬼附近的1名日本士兵突然發出慘叫，只見那士兵胸口處正被人用劍刺穿，而兇手竟然是另一名李文。





那名行兇的李文微微一笑，然後化成銀色液體，從地上快速向外流走。

「仆街，同我即刻開火！」紅衣女鬼見狀，憤怒地咆哮著，四周的日本士兵立刻向穿著灰色西裝的李文開槍射擊。

李文無視著打在他身上的子彈，平淡地説「既然係咁，唯有開拖啦，同我打！」

説罷，近百名各自穿著不同顔色西裝，各拿1柄ak47機槍的李文從住宅高處跳下來，向那群日本士兵那起衝鋒。

拿著警棍的李文看向第1名被殺的日本士兵，只見其胸口處正泛著一陣陣白煙。

李文不由得握緊拳頭，噴怒地咬牙說著「林軒……」