[港版無限流][長篇] 恐怖輪迴: 公屋驚魂～開後宮？

「林軒，有冇計仔可以改善吓宜家嘅境況？」喬欣看著林軒問道。

「冇。」林軒平淡地說「至少現階段用計改變現狀都冇用，呢10日係冥主俾我哋嘅考驗，亦都係對我哋喺上個任務世界執雞而所作出嘅懲罰。」

「所以呢10日係成個任務嘅關鍵期，呢段時間內我哋嘅所作所為都會影響10日後嘅任務内容。」

「宜家嘅任務難度，我哋已經應付得好勉強，如果喺現階段強行改變，10日後嘅任務內容肯定會比宜家難幾倍，甚至好可能會攪到團滅。」

「嗯。」凌天點頭説著「啫係呢10日大家要各憑本事，冇得走盞。」





「唉，希望冥主唔好因為我喺空間到罵佢而針對我啦。」李文嘆了口氣說，然後指著牆上說道「咦，新一份巡邏路線圖出咗喇喎。」

眾人同時看向李文指著的方向，發現本無一物的牆壁上，忽然多出了兩份巡邏路線圖。

凌天走上前看了看，説道「下次巡邏係喺下午3點，負責巡邏嘅人分別係喬欣同何芬。」

其中一名長髮的年輕女新人聽到此話後，立刻渾身發抖，臉色瞬間蒼白到了一個極點，向凌天問道「隊長……有冇得揀唔去？」

「你話呢？」凌天没好氣地回應，說「如果妳唔介意被抹殺咪可以唔去囉。」





「啊……」何芬聽到凌天的話後，欲言又止，沒有再説話。

凌天見狀，搖了搖頭，轉過頭看向喬欣，問道「喬姐，有把握嗎？」

「話有都係呃你㗎姐。」喬欣苦笑了一聲，說「不過應該可以有命返嚟，只係返到嚟，我個狀態可能仲差過蘇琳。」

「唔緊要，只要保住條命就可以，返到空間，所有傷勢冥主都可以醫得好。」凌天微笑地安慰道，雖然這個安慰顯得有些無力。

「嗯。」喬欣點頭應道，神色複雜地看著凌天一會，然後低下頭，低聲地向其問道「假如我喺出面遇到生命危險，隊長，你……會唔會嚟救我？」





聽到此話，凌天心中一窒，默不作聲，臉色低沉下來。

喬欣看到他的表情後，心中不由自主流露出失望的情緒，說「我明白嘅，你……」

「我會救妳。」凌天打斷了她的話，認真地低聲回答「即使用我條命換妳條命。」

喬欣聽後驚訝得呆看著凌天數十秒，之後回過神來，有些臉紅地笑著說「放心，我保證自己會冇事。」

說罷，她便轉過身子，走向何芬那邊準備安慰她。

站在何芬身旁的李文見到喬欣過來，淫笑地說著「喬姐，妳臉色紅潤，嘴角上揚，正係喜氣洋洋之兆，經本道士睇相推測，不久將來妳可能會有喜呀……」

就在李文還沒把話說完，喬欣便又對其暴揍了起來。

凌天見狀，搖頭笑著，發現林軒正似笑而非地看著他。





「次次見親你笑都覺得冇乜好嘢，講，今次又打算做咩呀？」凌天看著林軒低聲問道。

「冇，我淨係想講，隊長你好博愛呀。」林軒一臉讚嘆地低聲説著「先係蘇琳，之後又有喬欣，呢個簡直係開啓後宮㗎節奏呀。」

「我諗你誤會喇，喬欣作為隊伍少有㗎後勤，加上佢嘅光明力量對鬼魂有天然嘅克制作用，佢條命好重要。」凌天平静地低聲說道「之前一路陪住佢嘅隊友都已經死曬，佢已經有小小自暴自棄，所以我要俾個希望佢，等佢有生存落去嘅動力。」

「哦？！」林軒笑著説「隊長咁攻心計，喬欣鐘意著你真係可憐。」

「佢鐘意邊個我控制唔倒。」凌天板著臉回應「既然控制唔倒，何不為我所用。」

林軒聽後笑著點了點頭，暗道「你把口就係咁講，但我了解隊長你為人，如果你係咁無情嘅人，就唔會對以前條女念念不忘到宜家啦。」

「睇怕過多冇幾耐，隊長你就會發現自己放唔低喬欣，睇嚟你又多一個弱點俾我利用喇。」