[港版無限流][長篇] 恐怖輪迴: 公屋驚魂～警棍黑影

在子彈的連番掃射下，那隻在地板出現的小手終於不甘地退回洞外。

儘管小手已退，但孫揚仍然一臉緊張地拿著武器對準洞口，喃喃自語道「喬姐之前話過唔會有必死嘅任務，啫係實有通關嘅辦法………巡邏行過圈啫，我一定做到……我實做到。」

「叮咚！」

到達住宅的頂層，升降機門開啓，門外是住宅樓層的走廊，但詭異的是，走廊上正放著一張木桌，桌上擺放著一碗白飯及一對紅色的木筷子，而白飯上卻插著3枝香燭。

看到此情景，孫揚心中又再次冒出大量髒話，退卻之意越來越濃烈，但又有些害怕返回下層會碰見那位紅衣女孩，故在升降機內舉旗不定，不敢踏出門外。





「細路，難得有人探我呢個老人家，唔洗客氣喎，過嚟陪我傾下計啦。」突然一名老年男子的聲音徘徊於走廊上，使人難以分辨聲音從何而來。

聽到此話，孫揚立刻按著升降機關門掣，但這次卻完全沒有反應，升降機被硬生生地停在這一層。

「唔係又咁呀？」孫揚無奈地説著，拿著武器小心奕奕地走出門外。

「我好似好耐無陪人傾過計，細路因咩事上嚟呀？」那老年男聲再次出現，笑著說道。

「你係邊個？你個人喺邊？」孫揚一副如臨大敵的樣子，用槍對著身前的木桌。





「後生仔無啲禮貌，老人家問你嘢，你應該答咗先再問。」老年男聲回應道。

「俾下面嘅一個紅色衫細路女追趕，所以上嚟避一避。」孫揚皺著眉頭，隱晦地說著。

「紅色衫細路女？！哦，我諗你係講緊小英喇，佢都可憐㗎，細細個就冇咗父母，唉，所以有時會比較任性貪玩啲。」那老年男聲嘆了口氣説。

「將成個大門撞冧叫任性貪玩？！仆你個街啦。」孫揚心中罵著，卻問道「你喺邊到，點解我見唔到你？」

「你真係想見到我？」老年男聲反問道。





「啊，如果唔方便，可以唔洗。」孫揚心知說錯了話，立刻乾笑地說著。

「對我老人家嚟講冇話方唔方便嘅，你想見，我宜家咪出嚟俾你睇囉。」老年男聲笑著說。

「真係唔洗喇。」孫揚再次乾笑地說。

「要嘅要嘅。」老年男聲説道。

「得喇，我真係唔想見到你。」孫揚急忙地說著。

那老年男聲沒有再出現，就這樣平靜了數分鐘。

等待得越久，孫揚不安的感覺便越來越強烈。

他觀察著四周，看到走廊上除了放著詭異的飯桌外，其餘一片整潔，而在走廊的左側陰暗位置，卻發現了一道前往後樓梯的防煙門。





有了這個發現，孫揚大喜，準備打開那防煙門時。

「其實我一直就喺你身邊。」那老年男聲在此時突然再次出現。

平常若聽到同性突然說出這基情四射的話，身體也會不由自主地打了一個冷顫，更何況在這個詭異的環境下聽到這句話，更令人感到驚恐萬分。

「你咁講係咩意思？」孫揚強自鎮定地問著。

「嗯，其實我一直附身喺你身上嗰條警棍到。」那老年男聲突然陰聲細氣地説著。

聽到此話，孫揚大驚，立刻把身上的警棍丟向地上。

「呵呵，其實我就係呢個屋苑嘅老保安，不過我平時最鐘意喺呢層休息，你知唔知點解？」老年男聲陰陽怪氣地笑著問道。





孫揚拿著武器對著地上的警棍，並身子不斷往後退。

只見那警棍不斷冒出黑氣，並慢慢幻化出一道模糊的黑影。

「咁緊張做咩，呢層樓係我嘅地盤，上得嚟就唔好諗住走喇。」那黑影笑著説。

「你究竟想點？」孫揚緊張地問道。

「你知唔知點解小英追追下你，但咁耐都唔上嚟？驚咗你枝炮？佢係怕見到我喳。」那黑影搖搖頭道「之前見佢冇父母太可憐，所以咪帶佢上嚟關心吓佢，結果關心過頭，攪到佢驚咗我。」

「果然係仆街，連細路女都攪……」聽到黑影的話，孫揚驚得目瞪口呆。

「唔只女㗎，男我都得㗎，而且細路有細路嘅好，成年人有成年人嘅好。」那黑影連忙糾正道。

「你咩意思？」孫揚眉頭立刻緊皺，不安的感覺較之前更為旺盛。





話剛說完，黑影大手一揮，孫揚的武器立刻從其手中飛走，整個人被迫緊貼在牆上。

「我意思係，你咁青靚白正，又難得上嚟呢到，不如哄吓老人家開心，做啲舒服嘅嘢啦。」那黑影興奮地說著。