[港版無限流][長篇] 恐怖輪迴: 回去現實

「嗯，我知道喇，唔該。」林軒平淡地說道「今次任務我只有一個建議，跟返自己專長去強化，儘量保障自己條命仔。」

「嗯，好，新人可以同樣跟返自己專長去強化，個人建議各位可以自己私底下問返冥主，睇吓自己適合邊一類強化。」凌天點頭說著「如果冇補充嘅，散會吧。」

眾人開始離開房間，李文疑惑地看著林軒的方向，搖了搖頭，返回自己的房間中。

喬欣則走到林軒面前，低聲質問道「今次你唔會又好似上個任務咁，揾新人做炮灰喇掛？」

「唔會。」林軒微笑回應。





「哼，最好係咁。」喬欣冷冷地說道「任務世界已經夠危險，我唔想返到空間都仲要互相提防。」

「放心，我保證今次唔會。」林軒繼續笑著回應。

「嗯，希望可以相信你。」喬欣點頭應道，然後走向冥主那邊兑換強化。

看到喬欣離開，林軒收起了笑容，暗道「因為就算揾新人做炮灰都冇用。」

*******





晚上，大多數人都在自己的房間中休息。

凌天卻在此時從房間中出來，走向廣場中央，而陪伴著他的還有蘇琳。

他看向蘇琳道「我手機電話號碼已經俾咗你，到步後即刻打俾我。」

「收到。」蘇琳點頭應道。

凌天看向廣場上方的冥主，暗道「我同蘇琳要返去現實世界3日。」





「試煉者凌天與試煉者蘇琳返回現實世界3日，合共12000冥幣，是否確認兑換？」

「兑換！」淩天冷冷地説道。

話畢，白光籠罩著二人全身，廣場上再沒有他們的身影。

就在二人剛離開空間沒多久，林軒的房門突然被打開，而林軒與林恩2人同時從房間中走出來。

「俾我預期中快，睇嚟李文嘅陰兵軍團同下一場任務㗎難度俾咗我哋嘅隊長好大壓力。」林軒平淡地說著。

「咁我哋需唔需要……」林恩歪著頭問道。

「唔洗住，逐步逐步嚟。」林軒打斷了她的說話，平靜地說著。

「係，少爺。」林恩恭敬地回應。





*******

「試煉者需於56小時後回到現在位置才能返回空間，逾時者將被抹殺。」

「試煉者在現實世界中不能向其他人透露任何關於試煉空間的訊息，違者將被抹殺。」

凌天回過神來，發現自己正身處於之前茶餐廳外面的公園。

此時茶餐應的玻璃外牆已經破爛不堪，內裡變得漆黑一片，經常有警察及搬運工人出入。

公園的行人則維持平常的景象，主要還是那些老人家圍在一起下棋。

凌天見到其中一位老伯坐在長椅上看報紙，便走去問道「唔該，知唔知隔離間茶餐廳發生咩事呀？」





「哦？你唔知咩，間茶餐廳尋日朝早火觸呀，喺入面食嘢嘅30幾人死鬼曬，連屍都揾唔到呀。」那老伯口沫橫飛地說著「聽新聞講，好似話係石油氣爆炸之類，懷疑有人種火喎。」

「呵呵，竟然有咁嘅事，唔該。」凌天微笑說著，快步離開公園，向地鐵站方向走去，暗道「同林默講嘅一樣，冥主已經同我哋安排好死因，究竟冥主嘅能力可以大到咩地步呀？」

當走到地鐵站時，凌天奇怪地看著自己的手機，說道「做咩蘇琳仲未打電話嚟？」

「鈴……鈴……」

手機突然響起，凌天皺眉接道「喂！」

「喂，係我。」蘇琳的聲音出現在電話中。

凌天眉頭展開，問道「做咩咁耐先打嚟？」

「一到步之後我就喺進入空間前嗰間酒店到，本來諗住即刻打俾你，結果遇到啲麻煩。」蘇琳無奈地說著。





「麻煩？」凌天眉頭又再次皺起來，奇怪地問道。

「就係啱啱突然有個執房嘅呀叔走入嚟向我開槍。」蘇琳苦笑地回答。