《我愛上咗一個偷心賊》: 十七、天倫之樂

「唉，個傻瓜走咗咁我都走啦！」

我望一望手機，發現時間晚上七點五十分，心中吃了一驚

「嘩啊！竟然！突然咁早放有啲唔慣添。」

總感覺不知何時，我發現自己開始留意周圍的事物，會看清人與人之間的互動，看清身邊的小細節

留意到路邊的花，樹上的小鳥，或許這樣會說得有點老土，但這都是我從前不會留意的





看到的事情都如此美好，到底什麼時候開始呢？
————————
我攞出鎖匙打開屋企鐵閘和大門，但在我打開大門的時候，大門沒有鎖，屋企中燈火通明

心中緊張了起來

「屌...唔通有賊？！」

不過我好快打消這個想法，因為我發現屋企中大廳並沒有變得凌亂，反而好像變得更整齊了





「乜而家啲賊咁有手尾嘅咩？...」

正當我中處於思考階段的時候，有把女聲打斷了我的思緒

「邊個賊仔啊？」

有一位女人從主人房走出來，從眼角的皺紋可以看出這女人有一定年歲，不過除此以外歲月沒有在她身上留下其他痕跡，而且不難看出這女人當年是如何的風華絕代

緊接着有把男聲出現





「係囉，話俾我哋聽啦！熹仔。」

一個身穿恤衫西褲的男士走出來，他的出現令我眉頭一皺，我和他好似樣...

「爸...媽...？」

當我說出後，他們的笑意變得更濃

「乖仔！過嚟攬下！」他們一同說出，邊張開手想把我擁入懷中

但我舉起手擋在我們中間保持距離

「喔...」他們面上一陣錯愕：「都啱嘅...大個仔係會怕尷尬嘅..」

「好啦，咁快啲換衫啦！我哋出去食飯！」





然後他們便轉身想回主人房

「等等...」

他們一同望向我

「你哋而家算係點呀？！話嚟就嚟話走就走？」

「熹仔？」

阿媽有點緊張望住我

「咁多年，你都無返過嚟，一直都係阿爺阿嫲睇住我，你哋就淨係寄錢返嚟」





阿媽想開口說話但被阿爸阻止

「甚至連佢哋走咗嘅時候，你地都冇出現...」眼入面的淚水不爭氣地一滴滴流了出來：「而家呢？...你地點解又可以咁得閒...出現啊？...」

「...熹仔...對唔住...」阿爸面帶愧疚地講

「唔好同我講咩對唔住，你唔應該係同我講」

正當阿爸準備開口說話時，阿媽搶先一步

「其實我哋嗰時之後都好內疚，再忙都應該返嚟，你係處理爺爺嫲嫲嘅身後事定係照顧你...，所以原諒...我哋遲咗咁多返嚟...，好嗎？」

我握實拳頭，淚水一湧而出

「對唔住...對唔住...，其實我真係好想見到你地...」





我攬實咗佢哋，方法回到一個三歲小朋友

時間過去數分鐘我們才分開

「好啦咁我哋出去食嘢？」阿爸問道

「嗯...咁我...換衫？」

「快啲去啦」