《我愛上咗一個偷心賊》: 十五、齋啡

郭秉霖捧住個盤上面有兩杯Starbucks 走過來

「熹哥你嘅，齋啡。」

「嗯，唔該。」

飲了一啖，果然當中的苦澀真是保留了一點咖啡豆的甘，害我不禁冷笑了一下

「係呢熹哥，咁之後你同阿嫂點啊？」





「吓？可以點呀？咪開始大家熱戀期囉...」

「咁咪好閃囉！」

秉霖眼中散發住一種佩服的眼光看着我

「其實除咗九重奏嗰幾個女仔仲有少少人，大部份其他人都唔知我同佢熱戀緊」

我再飲了一啖齋啡





「吓？點解啊？」

「因為舒琴係學校嘅第十勢力，佢嗰啲護衛軍一人一啖口水都殺死我啦，況且...」

「喔...係喎，咁況且啲咩啊？」

「我同舒琴由頭到尾都冇承認過任何身份。」

「吓？」秉霖似乎不太明白我的意思：「即係咩啊？」





「我地承認係互相嘅男女朋友。」

秉霖一副恍然大悟的樣子，眼中的佩服目光又多了幾分

「喔...咁樣就可以唔使負責任啦，果然係熹哥！果然係高手！」

聽到秉霖的言論，我亦只好無奈的笑了

「係呢熹哥，咁之後呢？」

「之後？」

「係啊，咁你哋之後仲有冇啲咩好特別嘅故事，又或者你地之後點啊？」

我望住眼前的齋啡，思考了一陣回答





「其實同佢相識去到之後，都係個好美好嘅故事，起碼係我咁認為。」我坐直身望向窗外：「咁至於之後...我自己都唔知。」

「點會唔知呀？你啲野黎個喎。」

「如果要講嘅話，就要去到嗰一年嘅五月。」

「嗰一年嘅五月係佢改變學校嘅戲劇，即係佢改變我人生嘅時候」