《新月派仙術奇譚》之《毒撚•女神•百鬼夜行》: 12. 宵夜

波Sir一看見木仔來到就大聲嚷著：「木仔！唔𨶙好坐低住，快D敬九叔三杯先！」

木仔本來就是尊師重道的人，再加上救命之恩，他二話不說就把三杯乾完。

九叔可能已經帶些酒意，笑笑說：「哎呀，坐低食D嘢先至飲喇，呢度D雞煲好正啊，後生仔食多幾舊！」

波Sir見氣氛良好，就跟九叔說：「木仔呢條友係木獨D，不過做嘢交足貨㗎，睇住佢呀！」

巴基華也插嘴說：「佢搏命起上嚟嗰時，我都驚呀！」





九叔突然臉色大變：「喂，唔好再提拜師喇⋯⋯」

木仔見勢色不對，馬上陪不是說：「九叔，我無再諗拜師喇，其實我依家習慣左㗎喇，大排檔呢度周圍咁多鬼我都唔驚啦。」

「咩話？周圍？」波Sir和巴基華即時被嚇到起晒雞皮。

九叔沉默不語，低頭抽了一口煙，然後緩緩吐出，其餘三人都在等待他的反應。

「Lily個衰女包昨日send你喺殮房嘅片段俾我睇⋯⋯算唔錯啦⋯⋯不過如果你識用『天外飛仙』就唔會被佢D殭屍擒住啦。」





木仔點點頭：「嗯⋯⋯」

九叔接著說：「其實唔難，你將D仙氣分佈全身同埋你要帶走嘅嘢，然後想住將仙氣送到你想去嘅地方就得喇。」

木仔疑惑地說：「就係咁簡單？」

九叔說：「係呀，做唔做到就睇你可唔可以引爆體內嘅小宇宙喇？」

「星矢嗰D小宇宙？」木仔似乎有所領悟。





「係呀，Lily當年一日就學識『天外飛仙』喇，一年後就盡得我嘅真傳囉，之後佢就自己研究外面D旁門左道，仲改良左『湘西趕屍術』㖭，殮房D殭屍就係佢嘅傑作囉。咁你話係咪激𨶙死我吖？」

波Sir聽出耳油，馬上追問：「咁隻黑貓又係乜𨳊呢？」

「『元神出竅』，即係Lily自己個魂魄飛出嚟上隻黑貓身。」

波Sir行走江湖廿幾年都不禁驚嘆：「唔係咁𨶙勁吖嘛？!」

正當波Sir被Lily的故事深深地吸引著時，大排檔另一角傳來一陣喧鬧聲。那裡有十幾個金毛古惑仔圍著一枱中年男子。

其中一個金毛拿著啤酒樽裝兇作勢，囂張的大叫：「你班死老野，超乜𨳊呀？呢度十二點我話事！」

巴基華說：「吖，你班死𡃁仔阻住阿叔宵夜？等我過去打𨳍佢哋先！」他正要起身過去時，波Sir一手把他按住說：「等陣，嗰枱男人唔𨶙對路喎⋯⋯吖，屌你老味，好似好𨶙熟面口喎？」

九叔嚴肅地說：「係『賊王』⋯⋯」





波Sir即時噴飯：「以前食大茶飯嗰個？唔係著草返大陸打左靶嘅咩？」

九叔說：「唔知點解佢喺度，淨係知道大𨶙鑊，佢望見我喇⋯⋯」

其中一個中年男子拿著一杯啤酒閃身突破了金毛的重圍，面帶微笑向九叔他們那一枱走過來，這個就是剛才與九叔四目相交的賊王。帶頭的金毛被人無視，掂行掂過，怒不可遏，揮樽扑向賊王的後腦。賊王不慌不忙，右手往後一揮，那個金毛和酒樽一起跌在地上。酒樽跌至粉碎，而金毛則躺在地上，雙手掩著眼，痛苦地嘶叫。一眨眼間，賊王的手下就把其他金毛也打倒在地上。

賊王繼續望前走，對著九叔敬酒說：「九哥，好耐冇見喇，細佬敬你一杯！」

九叔強顏歡笑說：「真係你？最近點啊？」

賊王雙眼突然變成血紅色，口露獠牙，指甲變成利抓，他猙獰地說：「依家錢就搵少左，不過，日落後呢度我大晒！」

賊王的夥伴應聲而起，以少勝多迅速把一眾金毛擊倒在地。





#####

在紋身店裡，啖著煙的泥水強忙碌地把水泥倒進一個放在手推車上的紙皮箱當中，箱裡面蹲著一個沒有知覺少女。當水泥把少女完全覆蓋之後，他抹一抹汗，興奮地自言自語：「GiGi，你咁易呷醋，遲早連累我㗎嘛，我都係早D送你走啦，我陣間仲要食『宵夜』㗎。」

說罷，泥水強把手推車推到同一樓層另一邊的迷你倉，打開了一個倉門，把紙皮箱放進去。倉裡面擺放了一些裝修材料和用具以外，還放著另一個紙皮箱。在離開前，他心血來潮，用筆在新的紙皮箱上寫了個「G」字，在舊的紙皮箱上寫了個「文」字。

回到紋身店，泥水強把煙頭放在茶几上的煙灰缸，然後對著暈倒在茶几旁的沙發上的鯊魚興奮地說：「呵呵，Madam，夠鐘食『宵夜』囉⋯⋯」他一手拿著一瓶天拿水用力地嗦，一手輕撫鯊魚的臉龐。

忽然，鯊魚的臉色從白裡透紅迅速變成青色，雙眼睜開凌厲地盯著泥水強，狠狠地搧了他一下耳光，張嘴怨恨地喝罵他：「係你！我認得你！」

鯊魚嘴裡發出的是阿四的嗓音！

泥水強被嚇得人仰馬翻，把茶几打翻了，煙頭剛好掉在灑滿一地的天拿水上！

「呼⋯⋯」火焰向四周蔓延，一發不可收拾！