《新月派仙術奇譚》之《毒撚•女神•百鬼夜行》: 7. 手臂嘅延伸
在九叔忽然『颯』一聲消失後，波Sir和木仔無言以對了大概十秒鐘，首先打破沉默的是波Sir：「屌你死老嘢！好𨶙巴閉咩！木仔，唔𨶙使驚，我撐你！」
波Sir肥騰騰、樣衰衰，轉數又唔係特別快，做到阿頭都唔係無原因嘅，喺呢D重要嘅moment，佢又真係好似有些少領袖風範。
然而，木仔卻反應冷淡：「點撐？」
波Sir遲疑了一下：「總之唔𨶙使驚啦⋯⋯嗯⋯⋯」然後挺直腰板地說：「嗱！你都無穿無爛，唔𨶙好再攤喺醫院喇，即刻返番工，咁就唔𨶙使戇𨳊𨳊亂𨳍諗嘢啦！」
木仔心想：「好似被老細搵笨𨳍，但係又唔係完全無道理⋯⋯唔𨶙好蝕俾佢，一於食住上！」
於是木仔放膽講：「咁不如我跟番女僕Cafe單嘢啦。」
「吓？Case Close嘎喇喎。」
「當俾我hea吓囉。」
「嗯⋯⋯是𨳊但啦！」
這一刻，木仔的內心就像是枯木逢春一樣。過往無數次上頭話左Case Close，或者唔夠料落charge，甚至乎直頭唔想落簿，做細嘅都只可以無奈地接受。這次終於可以話事，開番個File，去尋找那個疑兇阿強，去追尋真相。
同一時間，其實波Sir心內深處亦泛起了一片漣漪：「唉⋯⋯我都後生過嘅⋯⋯屌你老味，依家D人個個都話咩𨶙嘢莫忘初衷，我屌！」
第二天早上，木仔去探望大波蓮。
木仔看著救命恩人被包紮成木乃伊一樣，躺在病床上熟睡，他內心感到相當歉疚，淚水正要流出時，大波蓮醒來了。
「木仔⋯⋯」
「阿蓮，你好D未啊？」
「OK啦。」
「咁我都安心D，無你救我，我死左喇。」
「傻啦，兄弟呀嘛！」
「嗯⋯⋯我要出院喇。」
「咁快？住多幾日陪我吖嘛。」
「唔啦，我要趕住出去，我拗贏左波Sir，佢俾我繼續查女僕Cafe單嘢啊！」
「真嘅？你好型呀！我開始有D鍾意你呀⋯⋯如果我鍾意男人嘅話。」
木仔即時被弄得面紅耳赤，慌忙的說：「米玩𨳊我啦！走喇！」
「米住，我昨晚同條女打交嗰陣發覺佢隻手有紋身㗎，你有無留意啊？我覺得呢條線可以跟吓。」
「哦，我依家過去睇吓先。」
木仔去到家琪的病房，看著她躺在病床上目光呆滯，口腫面腫，全身動彈不得，他心想：「雖然俗語話紅顏薄命，但係如果唔係我見鬼就騰雞，佢就唔使搞到剩番半條人命啦。D傳媒仲亂咁寫，話咩嘢淫蕩女僕呃錢呃感情⋯⋯」
忽然心裡湧出一種自責的感覺，他請不自禁地對著痴痴呆呆的家琪說：「交俾我啦，我相信一定可以查出真相嘅，如果你係清白嘅，我一定會還你一個公道。」說罷，他馬上檢查她的雙手。果然，在她左手前臂的內側有一個紋身！
那個紋身是類似一根粉紅色舌頭的圖案，下面有兩個英文字母‘UE’，‘UE’下面又有兩個英文字母‘VE’。木仔百思不得其解，唯有用手機拍下來。
在離開病房時，忽然有人說：「唉，樣靚身材正，就係生少左個腦，唔係被人搞大個肚就係做雞貼仔，以前掃黃都見唔少囉⋯⋯」
木仔怒目一瞪，原來是守門口那個軍裝大叔。氣上心頭，他雙手抽著大叔的衣領怒罵：「你講乜𨶙嘢啊！」
「細佬，有事慢慢講，唔好整到我條頸個傷口呀，我昨晚被條女咬左啖㗎，同埋，你仲未係我手腳。」
的確，木仔不能否定昨晚大叔制服家琪那幾招的確是清脆俐落，於是他慢慢放開雙手，深呼吸一口氣後，平心靜氣地說：「你講得啱，你點稱呼啊，不如你收我做徒弟吖？」
大叔笑說「大家叫我阿七，俾面就叫七叔囉，我send條片俾你，自己學啦，學到幾多睇你自己喇。」
「七叔，多謝你⋯⋯點解你肯幫我呢？」
「唉⋯⋯呢個年代，雞無雞味，人無人味⋯⋯但係你頭先對條女講嗰D嘢，我係笑𨶙左，不過有幾真囉！」
木仔謝過七叔後，就離開了醫院，他在途中急不及待打開七叔條片，內容原來是七叔親自示範七七四十九式打狗棒法。
木仔回家後，沖個涼、換套衫，之後馬上就回去油麻地差館，他第一時間去找巴基華。
巴基華將一疊文件交給木仔：「波Sir出左去開會，佢同我講左喇，呢單嘢嘅file交晒俾你喇。同埋儉房話法醫出左阿俊個驗屍報告喇，可以過去睇埋條屍啦。」
「唔該師兄。」
「木仔，雖然我覺得查落去係好𨶙戇𨳊，不過要幫手就隨時call我。你要搵嘅呢個阿強唔係嗰D得把口嘅古惑仔，應該真係夠薑攞人命㗎，萬事小心。」
「唔該師兄。」
「啊⋯⋯仲有，頭先喺飯堂，唔知點解九叔叫我提你隨身帶住支伸縮警棍啊。」
「哦，點解嘅？」
「我都有問佢，佢話『屌，警棍係手臂嘅延伸吖嘛！』，我即時笑𨶙左！」
之後木仔把整個file看過一遍，嘗試理順成件事，結論是：文仔被阿俊同阿強呃錢，仲做瓜埋。文仔係家琪嘅兵，死後佢嘅冤魂返去女僕Cafe，撞見阿俊就上佢身，脅持家琪想警察幫佢討回公道。
可是，阿俊和家琪的家人都不了解他們平時的生活圈子，所以文仔和阿強依然是身份未明，他就想：「不如我去儉房睇吓阿俊條屍，如果見到佢個鬼魂，直接套佢料咪仲好？」
在他前往儉房途中，突然手機響起來。他看看是誰？是鯊魚打過來！他想：「係喎！唔記得昨晚嗰個逃走左嘅護士㖭！」