《新月派仙術奇譚》之《毒撚•女神•百鬼夜行》: 26. 高佬

「鏗！鏘！」

凌空飛來的跑車撞上cafe的玻璃，玻璃碎如水銀瀉地般射向木仔和Betty！還未被那台車壓扁之前，恐怕他們已經萬箭穿心！

木仔已經沒有思考或驚叫的餘地，他直覺地握住Betty的手腕，秒速注入仙氣⋯⋯

車頭已經穿過玻璃，鋒利的玻璃碎片逼近眉睫！

「颯！」





「砰！」跑車撞進cafe裡面！

下一瞬間，他們已經躺在店外的行人路上了。

「呀！啊！！！」店裡傳來驚慌的慘叫哀號。

「我在作夢嗎？」Betty投在木仔懷中，惘然的仰望著木仔問道。

「嗯⋯⋯」





「我不懂呀，你說呀⋯⋯你說呀！」

「嗯⋯⋯總之現在沒事喇⋯⋯」

「你懂法術嗎？」

木仔支吾以對⋯⋯

「木仔！有埋伏呀，快D撇呀！」阿四緊張地從cafe裡跑出來向木仔叫喊。





Betty看見會走會叫的Lego阿四，詫異地問木仔：「這個是啥玩兒？」

木仔無瑕回答Betty，他看看四周，對面馬路真的有人在盯著自己！剛才坐在Betty後面像姚明那樣高的男人也從cafe裡面張望出來！

這時，木仔腦海裡浮現著之前鯊魚和大波蓮差點喪命的情景⋯⋯他負責任的跟Betty說：「對不起，和我在一起會有危險的！」

話音未止，木仔一手把阿四抓起，轉身就拔足狂奔！他一直不停地跑，衝進了地鐵站後，轉眼之間消失在人海之中⋯⋯

#####

在對面馬路監視著木仔的那個人對著對講機結結巴巴地說：「阿頭⋯⋯佢走⋯⋯走左喇⋯⋯」

對講機另一邊的人大聲咆哮：「屌！追啦！你條死肥文係咪傻𨶙左呀！」

「阿頭⋯⋯無啦啦有架車撞埋去⋯⋯佢又快到無影⋯⋯我好亂呀⋯⋯我腳軟呀！」





#####

木仔在中環，躲進了擠滿菲傭的皇后像廣場，他找了一個角落坐下來稍作休息，以及整理一下思緒。

「阿四，你又救多我一次喇⋯⋯」

「咁你記得對我好D喇！頭先真係嚇鬼死我喇！你知唔知喺cafe閃走嗰陣我見到乜嘢呀？」

「見到乜嘢呀？」

「坐喺Betty後面個高佬隻手變左一株樹根伸上天花板㩒住個閉路電視啊！」

「變左樹？」他覺得這情景好像似曾相識⋯⋯





「係呀，我見咁奇怪咪即刻跑出嚟嗌你撇囉。我哋不如返殮房避吓風頭啦！」

「嗯⋯⋯唔得，我要去蘭桂坊查吓⋯⋯」

#####

夜店的門口被封了，於是木仔和阿四就從後門進去。

裡面漆黑一片，木仔用手機的燈來照明，小心翼翼的往裡面走。

阿四在褲袋裡探頭出來，跟木仔說：「黑咪嗎嗎，係唔係會查到嘢㗎？」

「唔知㗎⋯⋯我信天網恢恢，疏而不漏囉⋯⋯」

木仔憑記憶沿著當晚在夜店內走過的地方走了幾遍，可是，並無任何發現。他琢磨著在盤問室內的對話：「個醜男喺廁所內燒死㗎喎，過去睇吓先⋯⋯」





通往廁所的走廊更加幽暗陰森⋯⋯遠處傳來「滴答、滴答⋯⋯」的滴水聲⋯⋯

「木仔呀⋯⋯我有D驚呀⋯⋯」

「你死左㗎喇，驚咩鬼呀？」

「你不如攞定支棍出嚟啦！」

「好喇，怕左你喇。」

於是木仔拿出伸縮警棍，注入仙氣，讓警棍透出淡淡的藍光。他一步一步往走廊裡面走，阿四緊張地抓緊他的褲子。

「木仔，睇唔睇到呀，嗰邊有⋯⋯鬼呀⋯⋯好重怨氣呀⋯⋯」





角落果然裡有一團綠光，像是一個人蹲在地上⋯⋯

木仔在靠近一點，開始聽到那鬼魂在碎碎念地自言自語：「⋯⋯」

「阿四，你聽唔聽到佢噏乜呀？」

「佢好似話：『個高佬⋯⋯變左棵樹⋯⋯條女⋯⋯隻手噴火⋯⋯』」

「樹？你頭先喺cafe咪睇見個高佬變左棵樹囉？」

木仔小心翼翼地慢慢靠近那鬼魂，施展談判專家的伎倆：「喂，老友，我嚟幫你㗎，你叫咩名呀？」

那鬼魂抬頭打量一下木仔，緩緩地問：「你見到我？」

「係呀，我係可以見到鬼嘅警察嚟㗎。」

「死差佬⋯⋯」

「我幫你拉D衰人吖，你點死㗎？」那鬼魂面目模糊，當真似是被火燒過，木仔估計這就他是當晚引起爭執的醜男。

「幫我？你呃人⋯⋯」醜男的鬼魂睜大雙眼盯著木仔，突然撲向他，淒厲的嚎叫：「你好似係條八婆Dfriend喎！！！」