《新月派仙術奇譚》之《毒撚•女神•百鬼夜行》: 17. You always agree with your boss

「嘩，你昨晚做賊呀？咁謝嘅？」張力坐在木仔對面後笑說。
 「呃⋯⋯無嘢⋯⋯訓得唔好啫⋯⋯」 
「你哋CID自由自在，有咩煩呀？」
 「唔⋯⋯家家有本難念的經啦⋯⋯」 
這時電視上的新聞主播在報導昨晚凌晨在西環發生的交通意外：「涉事的士司機從車廂跌出，經搶救無效後，已證實身亡⋯⋯」 
看見木仔全神貫注地看著新聞報導，張力不禁問他：「交通事故又關你事？」 
木仔轉頭用哀傷的眼神望著張力，嚴肅地問：「你同唔同意『You always agree with your boss.』？」 
張力認真地考慮一下，收起了笑容，堅定地回答：「我冧我嘅答案同你一樣囉。」 
「即係咩嘢？」
 「即係好𨶙憎D老屎忽囉！唉⋯⋯算吧啦，做左咁多年人，明㗎啦！」




就是這簡簡單單的一句話，讓木仔稍為釋懷，他忽然想起有人說過：「人生得一知己，死而無憾。」 
張力接著講他的心得：「總之但求無愧於心啦，尤其係要keep住喺學堂嗰陣咁fit！我見你嗰晚喺大排檔好似仲fit過以前喎，你耍警棍耍到勁過武俠片喔！幾時過我兩招呀？」 
木仔心想：「按Lily所講，張力應該係被佢催眠過，唔意識到嗰D係吸血鬼嚟嘅。見大家久別重逢幾好傾，唔怕話佢知七叔D『七七四十九式打狗棒法』啦，九叔嗰D就唔講得啫。」 
於是木仔跟張力說：「其實係守QE羈留病房嗰個七叔教嘅，我send條片俾你跟住練吖。」 
「咁就多謝晒喇！啊⋯⋯呢個七叔其實同九叔有無關係㗎呢？」張力說罷，朝著在水吧裡忙著沖奶茶的九叔望去。 
在大排檔合力打吸血鬼之後，木仔本來以為可以跟九叔拉近距離，有望成為他的入室弟子，可是，每次木仔嘗試跟他搭訕，九叔都刻意迴避。被張力這樣提起九叔，木仔突然又感到十分懊惱，已經無暇思考張力的問題。 
這時，巴基華向木仔走過來緊張的說：「喂，木仔，波Sir屌晒老母咁周圍刮你呀！你條粉腸做咩唔𨶙開手機呀？！」
 「啊⋯⋯sorry，sorry，昨晚唔記得叉電呀⋯⋯」
#####
「啪！」




 波Sir一掌拍在桌上厚厚的檔案，怒氣沖沖地罵道：「屌你老味⋯⋯咩玩法呀？」 
在波Sir的房間裡，木仔老實地站在他面前，完全不知他在罵什麼，只有等候發落。 波Sir抽一口煙，喝一口樽裝鮮奶，接著說：「你個心理評估報告返左嚟啦⋯⋯條臭閪痴𨶙線㗎，佢recommend你放一個月假喎！巴基華同大波蓮先啱啱出院，得嗰半條人命，D嘢搵鬼做呀？！」
木仔大概猜到Lily的用意，於是決定向波Sir坦白從寬：「其實係咁嘅⋯⋯你唔好話俾九叔知喎⋯⋯Lily佢收左我做徒弟啊⋯⋯」
 「噗！」波Sir忍俊不禁把口中的鮮奶吐出，笑著說：「屌！唔𨶙係吖嘛？楊過與小龍女咩！喂，你因住呀，佢條臭閪玩嗰D嘢好𨶙邪㗎喎！」 
木仔尷尬地說：「應該OK嘅⋯⋯」 
「呀！」 這時，一隻烏鴉停在窗外，好像在向房間裡窺探一樣。突然一團綠光從烏鴉身上跳進波Sir體內。之後，波Sir雙眼翻白，口裡傳出「依依呃呃」的聲音和留口水，身體不停的抖動！