我應該係全香港第一個想用精液發達既廢青: 36.2

我本能反應是轉身背向她們。
 
「喂，係唔係有野派啊，拎張黎睇下!」我認出這是陳師奶的聲音。
 
「係啊係啊，阿維快d比張傳單人。」迪克森把我的臉轉向她們。
 
「嘩!阿維你係到派傳單啊?咁快搵到工咁叻仔既，真係勤力!我個衰仔啊依家等陣入港大果個法律系迎新營，咩都唔做。」陳師奶炫耀地道。
 
「係囉，你爸爸就開心啦，有個咁乖既仔，大熱天時仲要唔怕熱咁著住件唔知咩黎既卡通衫派傳單!」李師奶笑道。
 




「原來係朋友黎既，咁就岩啦各位靚女，今日我地係有野派啊，係派錢啊!呢個公仔就係我地銀行既吉祥物，阿維快d同佢地say個hi。」迪克森拍拍我的頭。
 
三位師奶一聽到有免費東西派，立即大叫附近街坊過來。我真的很後悔低估香港師奶的能力。
 
「各位估唔估到依個吉祥物係咩黎呢?」迪克森叫道。