［校園，愛情，友情］在學校不受歡迎的我竟然被女神喜歡！？: 探病

與舒情道別後，我拿著外賣前往星晨家，路途上我一直很自責，雖然她口中說著沒有關係，但我爽約此事好像仍是令她耿耿於懷。

到了星晨家門前我直接用鎖匙打開了大門，由於我們兩家人的太熟了，所以家中都會放著對方的門匙，以便不時之需。

將食物放在飯桌上我便打算去叫星晨。

～咯咯～

「入泥啦媽咪」從星晨的聲音聽得出她病得挺重





「點呀，死得未呀？」這是我關心她的方式

「做咩你泥架？咳咳」星晨好像有點愕然

「飲啖水先啦你」我遞了水給她並拍一拍她的背

「唔該...」她的臉很紅，大概是發燒了吧

「姨姨開OT叫我泥睇下你嘅」邊說我把手放到她的額頭





「都唔係燒得好勁啫，做咩塊面紅成咁架」

「好紅咩？」同時她立即用被子蓋著了頭

不知為何她這個動作有點可愛。

「買左野你食呀，拎入泥俾你好唔好呀？」

「嗯」





「嗱！通粉，檸樂煲薑」我放了在她的書桌上

「正！」她真的很餓，想立即起床到書桌用膳，但可能睡了一整天，身體有些乏力，她站起來時差點跌倒

「睇住呀！」我及時扶住了她

「唉，我拎過泥喇，你唔好起身喇」我把食物放到她的床頭櫃

「he 咁喂埋我食啦！」

「你都好意思架喎」但我還是照樣做，好歹她是病人

「食啦！」我將通粉吹過後放到她的嘴前

「um 好味！」她一臉滿足





很快星晨便飽了並慢慢地喝著檸樂煲薑。

「點呀，醫生開俾你啲藥擺邊呀？」

「我冇睇醫生呀，食Panadol得啦！」

「睇下你，病又唔睇醫生，成日食埋啲成藥」

「知喇，你咁長氣啲女仔見到你都掉頭走啦」她笑著說

「咁你又唔走？鍾意我呀？」我不服氣要反駁她

「咩...咩呀？呢...到我...屋企點解要走呀？」她的臉好像更紅了





「講笑炸！我地由細玩到大，我瀨尿你都見過啦，點會鍾意我呀」

「嗯...」她低著頭沒有了生氣

「點呀？係咪攰呀？你瞓先啦，我等姨姨返到先走」

她點點頭就躺了下來，而我坐在床頭靠著牆壁亦不知不覺的睡著了。

我發了一個「夢」：

「其實我真係鍾意你架」一把女聲說

「我好憎自己冇膽去認，因為我驚我地會連朋友都冇得做」仍然是那一把女聲

然後我的嘴好像被她吻了。





「起身喇！」原來已經早上，我被星晨叫醒了

不知為何，我的身體好像非常沉重。

「嘩！你發燒呀？個身咁慶嘅？」星晨緊張的說

「應該係掛」我也感覺到自己應該是病了

「死啦！唔係錫一啖就傳染左呀？」星晨自言自語著

「咩話？」我聽不清楚她說什麼

「冇...冇野喇！」星晨的臉又紅了