［校園，愛情，友情］在學校不受歡迎的我竟然被女神喜歡！？: 補習

在期中考前學校給學生安排了統測，身為前A班的資優生，這些測驗對我來說都十分輕鬆，成績當然是非常好，但我仍是故作低調，沒有人主動問我我也不會提。

翌日的早上，我又與舒情一同上學。

「喂！你考成點呀？」舒情好奇的問

「咁八卦架你，你講先啦」

「咁煩架你，人地問你你又問返人」





「我係要你講先呀，吹咩」我很享受與舒情鬥嘴

「唉...考得好差呀」舒情沮喪的說並把數份試卷遞給我

舒情除了兩科選修和通識勉強合格，中、英、數三科都不合格（順帶一提舒情是讀歷史和地理）。

「都唔係好差啫，都有三科合格啦」我試著安慰她

「咁你呢？」舒情仍是很沮喪





「eh...」我不太好意思的遞上自己的試卷

「嘩！你考得咁好嘅！」舒情十分驚訝

「ok啦」我尷尬的回應

「以你嘅成績一定讀到大學啦，我就冇咩可能喇...」舒情的心情好像變得更低落

既然自己喜歡的女生有學業上的煩惱，我應該要出一分力，一方面可以幫助她，另一方面亦可提升她對我的好感度，簡直一箭雙雕。





「雖然選修科幫唔到你喇，必修科都可以幫下你嘅？」

「即係點呀？」舒情原來是天然呆

「即係話我可以幫你補習呀！死蠢！」

「真係架？但我冇太多零用錢可以俾到你架喎」舒情一瞬間表現得很開心，但一方面亦考慮到自己身為學生的經濟狀況不足以負擔補習費用

「大家都係同學，唔洗啦！」我豈能收她補習費

「唔係咁好嘅，一係我肉償囉」話畢她將身體靠了過來

「吓！」我震驚了，作不出任何反應

「講笑炸，睇下你個鹹濕仔，塊面都紅埋喇！」她捏著我又紅又熱的臉頰





「你...你送俾我都唔要啦！」我太不誠實了

「好賤呀你，我先唔要你呀」她打了我一下

「唔要我呀？咁我唔幫你補習囉」我作弄著她

「唔得呀！除左肉償，我儘量啦」這次是她紅著臉說

「咁等我諗下先，諗好再同你講」

「車！懶神秘」

約好了要幫她補習後，巴士隨即到站。每次的這個時刻我都很不捨，因為我們下車後又要裝作陌路人，真希望可以不顧他人目光的站在她旁邊。





「學校見啦周sir ！」她跟我說了一聲後便與我分道揚鑣

她竟然叫我周sir，真是可愛。

「我好鍾意你呀！」我多想這樣告訴她